*ສິດສະເໝີພາບຍິງ-ຊາຍ ແມ່ນຄວາມເທົ່າທຽມກັນໃນການພັດທະນາຕົນເອງ; ຍິງ ແລະ ຊາຍ ມີຄຸນຄ່າ ແລະ ໂອກາດເທ່ົາທຽມກັນທາງດ້ານການເມືອງ, ເສດຖະກິດ, ວັດທະນະທຳ-ສັງຄົມ, ຄອບຄົວ, ການປ້ອງກັນຊາດ-ປ້ອງກັນຄວາມສະຫງົບ ແລະ ການຕ່າງປະເທດຕາມທ່ີໄດ້ກຳນົດໄວ້ໃນລັດຖະທຳມະນູນ ແລະ ກົດໝາຍ. ສິດສະເໝີພາບທາງດ້ານການເມືອງ: ລັດຮັບປະກັນໃຫ້ແມ່ຍິງໄດ້ຮັບສິດທາງດ້ານການເມືອງ ເທົ່າທຽມກັບເພດຊາຍເຊັ່ນ: ສິດເລືອກຕັ້ງ ແລະ ສະໝັກຮັບເລືອກຕັ້ງ, ເຂົ້າຮ່ວມການເຄື່ອນໄຫວວຽກງານ, ປຶກສາຫາລື ແລະ ຕົກລົງບັນຫາສຳຄັນຂອງຊາດໄດ້ຮັບການແຕ່ງຕັ້ງຢ່າງເໝາະສົມເຂົ້າໃນຕຳແໜ່ງຂັ້ນຕ່າງໆຂອງບັນດາອົງການຈັດຕັ້ງພັກ, ລັດ, ແນວທາງສ້າງຊາດ, ອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ.

    ສິດສະເໝີພາບທາງດ້ານເສດຖະກິດ: ລັດມີນະໂຍບາຍສ່ົງເສີມໃຫ້ແມ່ຍິງມີສິດດຳເນີນການຜະລິດ, ທຸລະກິດ ແລະ ການບໍລິການທີ່ຖືກຕ້ອງຕາມກົດໝາຍ, ມີສິດໃນການເລືອກວິຊາຊີບ, ການມີວຽກເຮັດງານທຳ, ການໄດ້ຮັບຄ່າຕອບແທນ ແລະ ມີສິດໄດ້ຮັບນະໂຍບາຍຈາກການອອກ ແຮງງານ.ແມ່ຍິງທີ່ມີຕຳແໜ່ງ, ໜ້າທ ວຽກງານ, ມີຄວາມຮັບຜິດຊອບ ລະດັບດຽວກັນກັບເພດຊາຍມີສິດ ໄດ້ຮັບຄ່າຕອບແທນ ແລະ ນະໂຍ ບາຍຕ່າງໆເທົ່າທຽມກັນ.ສິດສະເໝີພາບທາງດ້ານວັດ ທະນະທຳ-ສັງຄົມ: ລັດສົ່ງເສີມ ແລະ ສ້າງເງື່ອນໄຂໃຫ້ແມ່ຍິງ ໄດ້ຮັບສິດເທົ່າທຽມກັບເພດຊາຍທາງດ້ານວັດທະນະທຳ-ສັງຄົມ ເຊ່ັນ: ສິດເຂ້ົາຮ່ວມກິດຈະກຕ່າງໆທາງດ້ານວັດທະນະທຳ-ສັງຄົມ, ການເຄື່ອນໄຫວສິລະປະວັນນະຄະດີ, ກິລາກາຍະກຳ, ການສຶກສາ, ສາທາລະນະສຸກ ແລະ ການຄົ້ນຄວ້າ, ປະດິດສ້າງທາງດ້ານວັດທະນະທຳ- ສັງຄົມ, ດ້ານວິທະຍາສາດ, ເຕັກນິກ ແລະ ເຕັກໂນໂລຊີ.

     ສິດສະເໝີພາບທາງດ້ານຄອບຄົວ: ລັດ ແລະ ສັງຄົມສົ່ງເສີມ ແລະ ປົກປ້ອງຄວາມສະເໝີພາບຍິງ- ຊາຍພາຍໃນຄອບຄົວ. ຍິງ ແລະ ຊາຍມີສິດເທົ່າທຽມກັນທຸກດ້ານກ່ຽວກັບສາຍພົວພັນຄອບຄົວ, ແມ່ຍິງມີອາຍຸແຕ່ 18 ປີຂຶ້ນໄປມີເສລີພາບໃນການເລືອກຄູ່ຄອງເພື່ອສ້າງຄອບຄົວ. ເມຍມີສິດເລືອກເອົານາມສະກຸນຜົວ ຫລື ຈະຮັກສານາມສະກຸນເດີມຂອງຕົນໄວ້ກໍໄດ້. ເມຍມີສິດເທົ່າທຽມກັນກັບຜົວກ່ຽວກັບ ສິນສົມສ້າງ.ຜົວເມຍມີສິດເທົ່າທຽມກັນໃນການປຶກສາຫາລື, ຕົກລົງ ແລະ ແກ້ໄຂບັນຫາພາຍໃນຄອບຄົວຢ່າງເປັນເອກະພາບໃນການເລກບ່ອນຢູ່, ການປະກອບອາຊີບ, ການມີລູກ ແລະ ອື່ນໆ; ຜົວເມຍຕ້ອງຮັກແພງ, ເຄົາລົບນັບຖື, ເບິ່ງແຍງ, ຊ່ວຍເຫລືອເຊິ່ງກັນ ແລະ ກັນ, ພ້ອມກັນລ້ຽງດູ, ສຶກສາອົບຮົມລູກ ແລະ ກໍ່ສ້າງກັນໃຫ້ກາຍເປັນຄອບຄົວວັດທະນະທຳ, ມີຄວາມສາມັກຄີປອງດອງກັນ, ມີຄວາມຜາສຸກ ແລະ ກ້າວໜ້າ. ລູກສາວ ແລະ ລູກຊາຍມີສິດເທົ່າທຽມກັນໃນການສືບທອດມໍລະດົກ ແລະ ໄດ້ຮັບການສຶກສາຮ່ຳຮຽນຕາມທີ່ໄດ້ກຳນົດໄວ້ໃນກົດໝາຍ.

     ສິດໃນການຮ້ອງຂໍ ຫລື ຮ້ອງຟ້ອງ, ໃນກໍລະນີທີ່ບຸກຄົນ ຫລື ການຈັດຕັ້ງຫາກໄດ້ຈຳກັດ, ຂັດຂວາງ ຫລື ລະເມີດສິດສະເໝີພາບທາງດ້ານການເມືອງ, ເສດຖະກິດ, ວັດທະນະທຳ-ສັງຄົມ ຫລື ຄອບຄົວແລ້ວແມ່ຍິງມີສິດສະເໝີພາບຄວາມເຫັນ, ຮ້ອງຂໍ, ຮ້ອງຟ້ອງຕ່ໍອົງການທີ່ກ່ຽວຂ້ອງ ເພື່ອພິຈາລະນາແກ້ໄຂຕາມລະບຽບກົດໝາຍ.

KPL