ຂປລ
ຂປລ. ກອງປະຊຸມ ສະພາວິທະຍາສາດ ຄົ້ນຄວ້າວຽກງານແນວລາວສ້າງຊາດ ໄຂຂຶ້ນໃນວັນທີ 25 ມີນາ 2025 ທີ່ສູນຄົ້ນຄວ້າ ແລະ ຝຶກອົບຮົມ ສູນກາງແນວລາວສ້າງຊາດ (ສນຊ) ໂດຍການເປັນປະທານຂອງທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີບັນດາຮອງປະທານ ສນຊ, ຄະນະທີ່ປຶກສາ ແລະ ຄູ່ຮ່ວມງານວຽກງານຄົ້ນຄວ້າທິດສະດີ ແລະ ພຶດຕິກຳຂອງແນວລາວສ້າງຊາດ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ຂປລ. ກອງປະຊຸມສະພາວິທະຍາສາດ ຄົ້ນຄວ້າວຽກງານແນວລາວສ້າງຊາດ ໄຂຂຶ້ນໃນວັນທີ 25 ມີນາ 2025 ທີ່ສູນຄົ້ນຄວ້າ ແລະ ຝຶກອົບຮົມ ສູນກາງແນວລາວສ້າງຊາດ (ສນຊ) ໂດຍການເປັນປະທານຂອງທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີບັນດາຮອງປະທານ ສນຊ, ຄະນະທີ່ປຶກສາ ແລະ ຄູ່ຮ່ວມງານວຽກງານຄົ້ນຄວ້າທິດສະດີ ແລະ ພຶດຕິກຳຂອງແນວລາວສ້າງຊາດ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ກອງປະຊຸມໃນຄັ້ງນີ້ ກໍເພື່ອເປັນການສ້າງຕັ້ງ ສະພາວິທະຍາສາດຂຶ້ນມາ ເພື່ອເປັນເສນາທິການ ໃຫ້ແກ່ຄະນະປະຈຳ ສນຊ ໃນການຄົ້ນຄວ້າບັນດານະໂຍບາຍ, ຍຸດທະສາດຂອງແນວລາວສ້າງຊາດ, ຄົ້ນຄວ້າບົດວິທະຍາສາດຕ່າງໆ ທີ່ຕິດພັນກັບວຽກງານ ຂອງແນວລາວສ້າງຊາດ, ຢັ້ງຢືນຮັບຮອງເອົາບັນດາບົດຄົ້ນຄວ້າ ທີ່ນັກວິທະຍາສາດ ໄດ້ຄົ້ນຄວ້າຮຽບຮຽງກ່ອນຈະມີການເຜີຍແຜ່.
ໃນກອງປະຊຸມຜູ້ເຂົ້າຮ່ວມ ຍັງໄດ້ຮັບຟັງການຜ່ານແຜນດຳເນີນງານ ຂອງສະພາວິທະຍາສາດຄົ້ນຄວ້າ ວຽກງານແນວລາວສ້າງຊາດ ປີ 2025 ພ້ອມທັງປະກອບຄຳຄິດຄຳເຫັນ ຕໍ່ຄຳຖາມເຈາະຈີ້ມກ່ຽວກັບເນື້ອໃນຈິດໃຈ ໃນການສ້າງຕັ້ງສະພາວິທະຍາສາດ, ວິທີໃນການຄົ້ນຄວ້າ, ການແບ່ງງານພາຍໃນຄະນະ ໃຫ້ມີຄວາມຮັດກຸມ.
ໂອກາດນີ້, ທ່ານ ສິນລະວົງ ຄຸດໄພທູນ ໄດ້ເນັ້ນຕື່ມວ່າ: ການສ້າງຕັ້ງສະພາວິທະຍາສາດ ແມ່ນມີຄວາມຈຳເປັນ, ຄວາມຮຽກຮ້ອງຕ້ອງການ ເພື່ອພັດທະນາ ວຽກງານແນວລາວສ້າງຊາດ ເປັນໃຈກາງເຮັດໜ້າທີ່ວຽກງານ ແນວໂຮມໃຫ້ເຂັ້ມແຂງໜັກແໜ້ນ, ທຸກວຽກງານຖ້າບໍ່ມີການຄົ້ນຄວ້າ ກໍບໍ່ມີການຫັນປ່ຽນໃໝ່; ຢາກອອກແບບ ຄົ້ນຄວ້າແບບບໍລິຫານ ໃຫ້ພະນັກງານແນວລາວສ້າງຊາດ ໄດ້ຄົ້ນຄວ້າຝຶກສະໝອງລອງປັນຍາ ໃຊ້ຄວາມຮູ້ຄວາມສາມາດທີ່ໄດ້ຮຽນຮູ້ມາ ຍົກລະດັບພັດທະນາ ສ້າງອົງກອນຂອງພວກເຮົາ ໃຫ້ມີຄົນໜຸ່ມຫລາຍຂຶ້ນ. ປະກາດຕັ້ງສະພາຂຶ້ນມາແລ້ວ ພາລະບົດບາດ ຕ້ອງເຮັດຫລ້ອນໜ້າທີ່ດ້ວຍຄຸນນະພາບທີ່ດີ ແລະ ສະພາຕ້ອງເປັນ ເສນາທິການໃຫ້ຄະນະປະຈຳ ໃນການຄົ້ນຄວ້າຫົວຂໍ້ຕ່າງໆ ໃຫ້ເປັນບົດວິທະຍາສາດແທດເໝາະ ກັບສະພາບເງື່ອນໄຂໃນປັດຈຸບັນ.
ພາບ-ຂ່າວ: ດວງມະນີ+ສຸວັນລີ
KPL
