ຂປລ
ພະຍາດຖອກທ້ອງກໍເປັນອີກພະຍາດໜຶ່ງທີ່ມັກເກີດຂຶ້ນໄດ້ງ່າຍໃນໄລຍະລະດູຮ້ອນ ຊຶ່ງເກີດຈາກການຮັບປະທານອາຫານ ຫລື ດ່ືມນ້ຳທ່ີມີເຊ້ືອພະຍາດປົນເປ້ືອນ, ຮັບປະທານອາຫານສຸກໆດິບໆ ຫລື ອາຫານຂ້າມຄືນເຫລ່ົານ້ີເປັນຕ້ົນ.
*ພະຍາດຖອກທ້ອງກໍເປັນອີກພະຍາດໜຶ່ງທີ່ມັກເກີດຂຶ້ນໄດ້ງ່າຍໃນໄລຍະລະດູຮ້ອນ ຊຶ່ງເກີດຈາກການຮັບປະທານອາຫານ ຫລື ດ່ືມນ້ຳທ່ີມີເຊ້ືອພະຍາດປົນເປ້ືອນ, ຮັບປະທານອາຫານສຸກໆດິບໆ ຫລື ອາຫານຂ້າມຄືນເຫລ່ົານ້ີເປັນຕ້ົນ. ພະຍາດນີ້ສ່ວນຫລາຍມັກເກີດຂຶ້ນກັບກຸ່ມເດັກນ້ອຍ 5 ປີລົງມາ ແລະ ຜູ້ທີ່ມີພູມຕ້ານທານຕໍ່າ. ດັ່ງນັ້ນຄໍລໍາສຶກສາຫາຄວາມຮູ້ ຂໍແນະນໍາກ່ຽວກັບອາການຂອງພະຍາດຖອກ ທ້ອງດັ່ງນີ້:
ຄົນທີ່ເປັນພະຍາດຖອກທ້ອງຈະຖ່າຍໜັກເປັນນ້ຳຫລາຍໆເທື່ອ, ບາງຄົນກໍມີອາການອື່ນໆເຊັ່ນ: ມີ ໄຂ້, ເຈັບຫົວ, ອ່ອນເພຍ, ຮາກ,ທ້ອງເບັງ, ໜາວສັ່ນເຫລົ່ານີ້ເປັນຕົ້ນທັງ ນີ້ກໍຍ້ອນວ່າຮ່າງກາຍຂາດນ້ຳຈາກການຖອກທ້ອງຈຶ່ງເກີດມີອາການຂ້າງຄຽງ. ສະນັ້ນ, ຮ່າງກາຍຈ່ຶງຕ້ອງການນ້ຳທົດແທນໃຫ້ສົມດູນກັບນ້ຳທີ່ເສຍໄປດ້ວຍການດື່ມນ້ຳປະສົມໂອຣາລິດ ຫລື ນ້ຳໝາກພ້າວອ່ອນ, ນໍ້າຊາອ່ອນ ຫລື ນ້ຳຕົ້ມເຂົ້າ. ພະຍາດຖອກທ້ອງ, ອະຫິຫວາ ແລະ ທ້ອງບິດສາມາດຕິດຕໍ່ສູ່ຄົນອື່ນໄດ້ໂດຍຄົນທີ່ມີເຊື້ອພະຍາດໄປຖ່າຍຊະຊາຍ, ພະຍາດກໍ່ຈະແພ່ໄປຕາມດິນ, ຕາມພືດຜັກຕ່າງໆ ຫລື ມີແມງວັນຕອມສິ່ງເປິເປື້ອນແລ້ວໄປຕອມອາຫານເຊ້ືອພະຍາດກໍຈະເຂ້ົາສູ່ຮ່າງກາຍຂອງເຮົາໄດ້.
ເພື່ອຫລີກລ່ຽງພະຍາດດັ່ງກ່າວ ຄວນປະຕິບັດຫລັກອະນາໄມ 3 ສະອາດຄື: ຢູ່ສະອາດ, ກິນສະອາດ ແລະ ດື່ມສະອາດໝາຍຄວາມວ່າໃຊ້ນ້ຳສະອາດ, ດ່ື່ມນ້ຳສະອາດ, ຢູ່ສະອາດ ຫລື ດື່ມນ້ຳຕົ້ມສຸກເປັນປະຈຳ, ປົກປັກຮັກສານ້ຳໃຊ້ໃຫ້ສະອາດ, ກິນອາຫານສຸກດີ, ເກັບມ້ຽນອາຫານການກິນໃຫ້ດີບໍ່ໃຫ້ມີແມງວັນຕອມ, ຜັກລ້າງໃຫ້ສະອາດ, ລ້າງມືໃສ່ສະບູທຸກຄັ້ງກ່ອນ ແລະ ຫລັງກິນອາຫານ, ຖ່າຍໃສ່ວິດທຸກຄັ້ງ (ບໍ່ຖ່າຍຊະຊາຍ), ອະນາໄມເຮືອນຊານ ແລະ ສະພາບແວດລ້ອມໃຫ້ສະອາດ. ນອກນັ້ນກໍ່ຄວນສອນລູກຫລານໃຫ້ປະຕິບັດຕາມຫລັກອະນາໄມ 3 ສະອາດຢ່າງເຄັ່ງຄັດເພື່ອປ້ອງກັນບໍ່ໃຫ້ເປັນພະຍາດຖອກທ້ອງ.
ຮຽບຮຽງໂດຍ: ແສງສະຫວັນ
KPL
