ຂປລ. ເນື່ອງໃນໂອກາດວັນແມ່ຍິງສາກົນ ວັນທີ 08 ມີນາ, ສາຍການບິນຫວຽດເຈັດ (VietJet Air) ໄດ້ຈັດ ໂປຣໂມຊັນພິເສດມອບສ່ວນຫລຸດສູງສຸດ 83% (ບໍ່ລວມພາສີ ແລະ ຄ່າທໍານຽມ) ສໍາລັບການຈອງລະຫວ່າງວັນທີ 3-5 ມີນາ 2025, ໂດຍໃຊ້ລະຫັດສ່ວນຫລຸດ VJ83 ຜ່ານເວັບໄຊ ທາງການຂອງ VietJet. (www.vietjetair.com) ແລະ ແອັບມືຖື VietJet Air. ໂປຣໂມຊັນພິເສດ 3 ມື້ ກວມເອົາເຄືອຂ່າຍການບິນທັງໝົດຂອງ VietJet ສໍາລັບການເດີນທາງລະຫວ່າງວັນທີ 17 ມີນາ ຫາ 22 ພຶດສະພາ 2025 (ບໍ່ລວມວັນພັກລັດຖະການ ແລະ ຊ່ວງລະດູການທ່ອງທ່ຽວ), ເປັນການເປີດໂອກາດໃຫ້ແກ່ນັກເດີນທາງມາທ່ອງທ່ຽວປະເທດຫວຽດນາມ ໃນຊ່ວງລະດູໃບໄມ້ປົ່ງ. ບໍ່ວ່າທ່ານກໍາລັງຊອກຫາບ່ອນພັກຜ່ອນທີ່ຫາດຊາຍ ການປະຈົນໄພທີ່ໜ້າຕື່ນເຕັ້ນຢ່າພາດໂອກາດພິເສດນີ້ ເພື່ອສະເຫລີມສະຫລອງວັນແມ່ຍິງໃນຊີວິດຂອງທ່ານດ້ວຍການເດີນທາງທີ່ໜ້າອັດສະຈັນ.

ສໍາລັບຜູ້ໂດຍສານຈາກປະເທດລາວ VietJet ໃຫ້ບໍລິການຖ້ຽວບິນໂດຍກົງເຊື່ອມຕໍ່ນະຄອນຫລວງວຽງຈັນກັບ ນະຄອນໂຮ່ຈີ່ມິງ ແລະ ຮ່າໂນ້ຍ ເຊິ່ງເປັນສອງນະຄອນໃຫຍ່ທີ່ສຸດຂອງປະເທດຫວຽດນາມ ນັກທ່ອງທ່ຽວຈະມີ ຫລາຍທາງເລືອກໃນການບິນໄປຍັງຕົວເມືອງໃຫຍ່ ແລະ ແຫລ່ງທ່ອງທ່ຽວທີ່ນິຍົມຂອງປະເທດຫວຽດນາມ ແລະ ທົ່ວອາຊີ ລວມເຖິງປະເທດອົດສະຕຣາລີ. ປະເທດຫວຽດນາມແມ່ນມີຊື່ສຽງດ້ານວັດທະນະທຳທີ່ອຸດົມສົມບູນ ມີພູມສັນຖານທີ່ສວຍງາມ ແລະ ອາຫານ ທີ່ມີຊື່ສຽງລະດັບໂລກ. ນອກຈາກ ຮ່າໂນ້ຍ ແລະ ນະຄອນໂຮ່ຈີ່ມິງແລ້ວ, ນັກທ່ອງທ່ຽວຍັງສາມາດຊົມທິວທັດ, ຫາດຊາຍແດນຂອງນະຄອນດານັງ, ຍາຈາງ ແລະ ຟູກວັກ ຫລື ສະຖານທີ່ສິ່ງມະຫັດສະຈັນທີ່ເປັນມໍລະດົກໂລກຂອງອ່າວຮ່າລອງ, ນິງບິ່ງ, ໂຮ້ຍອານ ແລະ ເຫັວ.

ສາຍການບິນ VietJet ມີເຄືອຂ່າຍການບິນພາຍໃນປະເທດທີ່ເຂັ້ມແຂງຢູ່ຫວຽດນາມ ແລະ ຍັງສືບຕໍ່ຂະຫຍາຍບັນດາສະຖານທີ່ທ່ອງທ່ຽວທົ່ວໂລກ. ໃນເດືອນມີນາ ແລະ ເດືອນເມສາປີ 2025, ສາຍການບິນຈະເປີດເສັ້ນທາງການບິນໃໝ່ທີ່ເຊື່ອມຕໍ່ນະຄອນໂຮ່ຈີ່ມິງ ແລະ ຮ່າໂນ້ຍ ກັບ ປັກກິ່ງ ແລະ ກວາງໂຈ່ວ. ລວມທັງເສັ້ນທາງຈາກນະຄອນໂຮ່ຈີມິນໄປ Bangalore ແລະ Hyderabad.

KPL