ຂປລ
ຂປລ. ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ຈັດພິທີປະກາດທະຫານ ທີ່ຈົບພັນທະປະຈຳປີ 2022 ສືບຕໍ່ເຂົ້າເປັນທະຫານອາຊີບ ວັນທີ 21 ມັງກອນ 2025 ໂດຍການເປັນປະທານຂອງ ສະຫາຍ ພັນເອກ ສະແຫວງ ແດນນາມົນ ເລຂາຄະນະພັກ, ຫົວໜ້າການເມືອງໂຮງຮຽນ ວັດທະນະທຳຊົນເຜົ່າກອງທັບ, ມີບັນດາຄະນະຫ້ອງ, 4 ຫ້ອງ, 2 ກອງພັນ, ພະແນກການທີ່ກ່ຽວຂ້ອງ ແລະ ທະ ຫານພັນທະ ທີ່ຈະສືບຕໍ່ເຂົ້າເປັນທະຫານອາຊີບ ເຂົ້າຮ່ວມ.
ຂປລ. ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ຈັດພິທີປະກາດທະຫານ ທີ່ຈົບພັນທະປະຈຳປີ 2022 ສືບຕໍ່ເຂົ້າເປັນທະຫານອາຊີບ ວັນທີ 21 ມັງກອນ 2025 ໂດຍການເປັນປະທານຂອງ ສະຫາຍ ພັນເອກ ສະແຫວງ ແດນນາມົນ ເລຂາຄະນະພັກ, ຫົວໜ້າການເມືອງໂຮງຮຽນ ວັດທະນະທຳຊົນເຜົ່າກອງທັບ, ມີບັນດາຄະນະຫ້ອງ, 4 ຫ້ອງ, 2 ກອງພັນ, ພະແນກການທີ່ກ່ຽວຂ້ອງ ແລະ ທະຫານພັນທະ ທີ່ຈະສືບຕໍ່ເຂົ້າເປັນທະຫານອາຊີບເຂົ້າຮ່ວມ.
ສະຫາຍ ພັນໂທ ສຸກິນດາ ເຮືອງວິເສດ ຫົວໜ້າພະແນກກຳລັງພົນ ໂຮງຮຽນວັດທະນະທຳຊົນເຜົ່າກອງທັບ ໄດ້ຜ່ານແຈ້ງການຂອງກົມກຳລັງພົນ ກົມໃຫຍ່ເສນາທິການກອງທັບ ວ່າດ້ວຍການຕົກລົງ ທະຫານຈົບພັນທະ ປະຈຳປີ 2022 ທີ່ສືບຕໍ່ເຂົ້າເປັນທະຫານອາຊີບ ເຊິ່ງຜູ້ທີ່ຄົບມາດຖານເງື່ອນໄຂຈົບ ຈາກການເປັນ ທະຫານພັນທະ ແລ້ວສືບຕໍ່ເຂົ້າເປັນທະຫານອາຊີບ ເພື່ອກຽມພ້ອມຮັບໃຊ້ຊາດ ຈໍານວນ 88 ສະຫາຍ, ຍິງ 57 ສະຫາຍ, ພ້ອມນີ້ ຍັງໄດ້ປະກາດເລື່ອນຊັ້ນ ໃຫ້ນາຍທະຫານ ຊັ້ນສິບເອກ ຂຶ້ນວາທີ 1 ສະຫາຍ.
ໂອກາດນີ້, ສະຫາຍ ພັນເອກ ສະແຫວງ ແດນນາມົນ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາສະຫາຍ ທະຫານພັນທະທີ່ຈະສືບຕໍ່ເປັນທະຫານອາຊີບ ທີ່ສຳເລັດໜ້າທີ່ການຝຶກຝົນຫລໍ່ຫລອມຕົນເອງ, ອົດທົນຜ່ານຜ່າຈາກບັ້ນຝຶກຝົນທົດສອບ ຂອງທະຫານພັນທະ, ພ້ອມທັງເນັ້ນໃຫ້ແຕ່ລະສະຫາຍ ປະຕິບັດຕາມຂໍ້ກໍານົດ, ກົດລະບຽບຂອງກອງທັບ, ຍົກສູງຄວາມຮັບຜິດຊອບ ທາງດ້ານໜ້າທີ່ການເມືອງທີ່ ການຈັດຕັ້ງມອບໝາຍໃຫ້, ສືບຕໍ່ປະກອບສ່ວນຢ່າງຕັ້ງໜ້າ ເຂົ້າໃນຂະບວນການພັດທະນາກົມກອງ ໄປຄຽງຄູ່ກັບ ພັດທະນາຕົນເອງໃຫ້ມີແບບແຜນວິທີເຮັດວຽກ, ຕັ້ງໜ້າຝຶກຝົນຫລໍ່ຫລອມຕົນເອງ ທາງດ້ານຄຸນສົມບັດສິນທຳປະວັດ, ກາຍເປັນພະນັກງານຮຸ່ນໜຸ່ມສືບທອດ ທີ່ມີຄຸນທາດການເມືອງໜັກ ແໜ້ນ ແລະ ປະກອບສ່ວນພັດທະນາ ໂຮງຮຽນວັດທະນະທຳຊົນເຜົ່າກອງທັບ ໃຫ້ເຕີບໃຫຍ່ເຂັ້ມແຂງ.
ຂ່າວ: ໂອລິນ ມິ່ງມີໄຊ
KPL
