ຂປລ
ງານລາຕີ ສະຫລອງ ບຸນກຸດຈີນ ທາງອິນເຕີເນັດ 2025 ຂອງວິທະຍຸ-ໂທລະພາບ ສູນກາງຈີນ ຫລື CMG ພາຍໃຕ້ຫົວຂໍ້ “ເປີດໂສມໜ້າໃໝ່ ເພື່ອກ້າວສູ່ອະນາຄົດ” ຈະເລີ່ມອອກອາກາດ ໃນເວລາ 20 ໂມງຂອງວັນທີ 22 ມັງກອນນີ້ ຜ່ານທາງ ໂທລະພາບ ສູນກາງຈີນ
ຂປລ.ວິທະຍຸ ສາກົນ ແຫ່ງ ສປ ຈີນ, ງານລາຕີ ສະຫລອງ ບຸນກຸດຈີນ ທາງອິນເຕີເນັດ 2025 ຂອງວິທະຍຸ-ໂທລະພາບ ສູນກາງຈີນ ຫລື CMG ພາຍໃຕ້ຫົວຂໍ້ “ເປີດໂສມໜ້າໃໝ່ ເພື່ອກ້າວສູ່ອະນາຄົດ” ຈະເລີ່ມອອກອາກາດ ໃນເວລາ 20 ໂມງຂອງວັນທີ 22 ມັງກອນນີ້ ຜ່ານທາງ ໂທລະພາບ ສູນກາງຈີນ ຫລື CCTV ຊ່ອງ1, ຊ່ອງ3 ກໍຄື ສື່ໃໝ່ຕ່າງໆ ຂອງ CMG ເຊັ່ນ:ເວັບໄຊ CCTV, ແອັບ CMG Mobile ,CCTV NEWS ເປັນຕົ້ນ.“ເປີດໂສມໜ້າໃໝ່ ເພື່ອກ້າວສູ່ອະນາ ຄົດ” ເປັນການປະສົມປະສານ ການສະແດງຕົວຈິງ ກັບການສະແດງ ແບບຈຳລອງ, ດ້ວຍການເຊື່ອມໂຍງເວທີ ໃຫ້ກົມກືນກັບ ການສະແດງລະຄອນ. ງານລາຕີ ສະຫລອງ ບຸນກຸດຈີນ ທາງອິນເຕີເນັດປີນີ້ ຈະສືບຕໍ່ ສະແດງໃຫ້ເຫັນ ນະວັດຕະກຳ ແລະ ຈິນຕະນາການແບບໃໝ່, ຈັດການສະແດງ ທີ່ມີເນື້ອໃນ ຫລາຍຮູບຫລາຍສີ ແລະ ມີຫົວຄິດປະດິດສ້າງ ເພື່ອສະແດງ ໃຫ້ເຫັນເຖິງ ໂສມໜ້າໃໝ່ ດ້ານວັດທະນະທຳ ທາງອິນເຕີເນັດ ໃນຍຸກໃໝ່, ທັງເປັນການສະສົມ ພະລັງແຮງ ເພື່ອເປີດໂສມໜ້າໃໝ່ ໃຫ້ແກ່ ປີໃໝ່ທີ່ຈະມາເຖິງ ດ້ວຍລາຍການດີເລີດ ແລະ ເຕັມໄປດ້ວຍພະລັງທາງບວກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
