ຂປລ
ສຳນັກງານ ສະຫະ ປະຊາຊາດ ເພື່ອການປະສານງານ ດ້ານມະນຸດສະທຳ ໄດ້ຢືນຢັນວ່າ: ໃນມື້ດຽວກັນ ມີລົດບັນທຸກ ເຄື່ອງຊ່ວຍເຫລືອດ້ານມະນຸດສະທຳ ລວມທັງໜົດ 915 ຄັນ ໄດ້ເຂົ້າສູ່ ເຂດກາຊາ.
ຂປລ.ຕາມແຫລ່ງຂ່າວຈາກ CGTN,ເມື່ອບໍ່ດົນມານີ້, ສຳນັກງານ ສະຫະ ປະຊາຊາດ ເພື່ອການປະສານງານ ດ້ານມະນຸດສະທຳ ໄດ້ຢືນຢັນວ່າ: ໃນມື້ດຽວກັນ ມີລົດບັນທຸກ ເຄື່ອງຊ່ວຍເຫລືອດ້ານມະນຸດສະທຳ ລວມທັງໜົດ 915 ຄັນ ໄດ້ເຂົ້າສູ່ ເຂດກາຊາ.ຈາກນັ້ນ ທ່ານ ອັນໂຕນີໂອ ກູເຕີເຣັສ, ເລຂາທິການໃຫຍ່ ອົງການ ສະຫະ ປະຊາຊາດ ໄດ້ກ່າວ ໃນສະພາ ຄວາມໝັ້ນຄົງ ອົງການ ສະຫະປະຊາຊາດວ່າ: ສັນຍາ ຢຸດຍິງ ຢູ່ເຂດກາຊາ ໄດ້ມີຜົນບັງຄັບໃຊ້, ມີລົດບັນທຸກເຄື່ອງຊ່ວຍເຫລືອ ຫລາຍກວ່າ 630 ຄັນ ໄດ້ເຂົ້າສູ່ເຂດກາຊາ, ໃນນັ້ນ, ມີລົດບັນທຸກ ຢ່າງໝ້ອຍ 300 ຄັນ ໄດ້ໄປທາງພາກເໝືອ ຂອງເຂດກາຊາ ທີ່ກຳລັງ ຜະເຊີນກັບ ບັນຫາຄວາມອຶດຫິວ ຢ່າງໜັກໜ່ວງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
