ຂປລ
ຂປລ. ໃນວັນທີ 21 ມັງກອນ 2025, ທ່ານ ລາວປາວຊົ່ງ ນະວົງໄຊ ຮອງຫົວໜ້າຄະນະໂຄສະນາອົບຮົມສູນກາງພັກ, ພ້ອມຄະນະ ໄດ້ເຂົ້າພົບປະ ແລະ ອວຍພອນ ທ່ານ ຫງວຽນ ມິງ ເຕິມ ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສປປ ລາວ ເນື່ອງໃນໂອ ກາດສະເຫລີມສະຫລອງບຸນປີໃໝ່ (ເຕັດ) ສສ ຫວຽດນາມ ປະຈຳປີ 2025.
ຂປລ. ໃນວັນທີ 21 ມັງກອນ 2025, ທ່ານ ລາວປາວຊົ່ງ ນະວົງໄຊ ຮອງຫົວໜ້າຄະນະໂຄສະນາອົບຮົມສູນກາງພັກ, ພ້ອມຄະນະ ໄດ້ເຂົ້າພົບປະ ແລະ ອວຍພອນ ທ່ານ ຫງວຽນ ມິງ ເຕິມ ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສປປ ລາວ ເນື່ອງໃນໂອ ກາດສະເຫລີມສະຫລອງບຸນປີໃໝ່ (ເຕັດ) ສສ ຫວຽດນາມ ປະຈຳປີ 2025.
ທ່ານ ລາວປາວຊົ່ງ ນະວົງໄຊ ໄດ້ກ່າວວ່າ: ເນື່ອງໃນໂອກາດບຸນປີໃໝ່ ປະຈໍາຊາດ ແຫ່ງ ສສ ຫວຽດນາມ ປີ 2025 ນີ້, ຕາງໜ້າໃຫ້ຄະນະພັກ, ຄະນະນໍາ ຄະນະໂຄສະນາອົບຮົມສູນກາງພັກ ຂໍອວຍພອນໄຊອັນປະເສີດ ໃຫ້ແກ່ທ່ານທູດຫວຽດນາມປະຈຳລາວ ພ້ອມດ້ວຍພະນັກງານສະຖານທູດ ຈົ່ງມີສຸຂະພາບແຂງແຮງ, ມີພະລານາໄມສົມບູນ, ມີຄວາມຜາສຸຸກ ແລະ ມີຜົນສຳເລັດໃນໜ້າທີ່ ການງານທຸກປະການ.
ໂອກາດນີ້, ທ່ານທູດຫວຽດນາມ ກໍໄດ້ສະແດງຄວາມຂອບໃຈຕໍ່ ທ່ານ ລາວປາວຊົ່ງ ນະວົງໄຊ ພ້ອມຄະນະ ທີ່ໄດ້ມາອອຍພອນສະຖານທູດຫວຽດນາມ ປະຈຳລາວ, ພ້ອມທັງຍົກໃຫ້ເຫັນເຖິິງ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ-ລາວອ້າຍນ້ອງ ຊຶ່ງຍາມໃດ ສອງປະເທດ ກໍໄດ້ມີການຮ່ວມມືກັນຢ່າງສະໜິດແໜ້ນ ແລະ ເຂົ້າສູ່ລວງເລິກຢ່າງບໍ່ຢຸດຢັ້ງໃນທຸກຂົງເຂດວຽກງານ ນັບແຕ່ຂັ້ນສູນກາງລົງຮອດທ້ອງຖິ່ນ ໂດຍສະເພາະ ການພົວພັນຮ່ວມມື ລະຫວ່າງ ຄະນະໂຄສະນາສຶກສາສູນກາງພັກ ແຫ່ງ ສສ ຫວຽດນາມ ແລະ ຄະນະໂຄສະນາອົບຮົມສູນກາງພັກ ປະຊາຊົນປະຕິວັດລາວ. ໃນໄລຍະຜ່ານມາ ສອງຝ່າຍ ໄດ້ມີການແລກປ່ຽນຄະນະຜູ້ແທນຢ້ຽມຢາມ ເຊິ່ງກັນ ແລະ ກັນເປັນປະຈໍາ ແລະ ຮ່ວມມືກັນຢ່າງສະໜິດແໝ້ນ ໂດຍສະເພາະ ໄດ້ເຜີຍແຜ່ໂຄສະນາ ວຽກງານການຮ່ວມມືືຂອງສອງປະເທດ ເພື່ອໃຫ້ຄົນຮຸ່ນໜຸ່ມຮັບຮູ້ເຖິງມູນເຊື້ອ ການຮ່ວມມືຂອງສອງປະທດຫລາຍຂຶ້ນ ແລະ ໃນຕໍ່ໜ້າໃຫ້ສືບຕໍ່ເພີ່ມທະວີ ການພົວພັນຮ່ວມມືກັນ ນັບມື້ເຕີບໃຫຍ່ຂະຫຍາຍຕົວ. ພ້ອມທັງຈະເປັນຂົວຕໍ່ ໃນການປະສານງານ ໃນການຮ່ວມມືທີ່ດີ ເປັນການເພີ່ມພູນຄູນສ້າງ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ-ລາວ ໃຫ້ນັບມື້ແຕກດອກກອອກຜົນຍິ່ງໆຂຶ້ນ.
ຂ່າວ: ໜັງສືພິມປະຊາຊົນ
KPL
