ຖອດຖອນບົດຮຽນ ການຮ່ວມຊ້ອມຮົບ ລະຫັດ "ສັນຕິພາບ ມິດຕະພາບ -2023"

06/12/2024 12:03
Email Print 1684
ຂປລ ຂປລ. ກອງປະຊຸມສະຫລຸບ ຖອດຖອນບົດຮຽນ ການເຂົ້າຮ່ວມຊ້ອມຮົບ ປະສານສົມທົບຫລາຍປະເທດ ພາຍໃຕ້ລະຫັດ "ສັນຕິພາບ ມິດຕະພາບ 2023" ທີ່ ສປ ຈີນ ຈັດ​ຂຶ້ນ​ໃນວັນທີ 4 ທັນ ວາ 2024 ຢູ່ທີ່ສະໂມສອນກົມໃຫຍ່ເສນາທິການກອງທັບ



ຂປລ. ກອງປະຊຸມສະຫລຸບ ຖອດຖອນບົດຮຽນ ການເຂົ້າຮ່ວມຊ້ອມຮົບ ປະສານສົມທົບຫລາຍປະເທດ ພາຍໃຕ້ລະຫັດ "ສັນຕິພາບ ມິດຕະພາບ
2023" ທີ່ ສປ ຈີນ ຈັດ​ຂຶ້ນ​ໃນວັນທີ 4 ທັນ ວາ 2024 ຢູ່ທີ່ສະໂມສອນກົມໃຫຍ່ເສນາທິການກອງທັບ ​ໂດຍ​ການເປັນປະທານຂອງ ສະຫາຍ ພົນຕີ ພັນແສງ ບຸນພັນ ຮອງຫົວໜ້າກົມໃຫຍ່ ເສນາທິການກອງທັບ, ມີຄະນະ ຊີ້ນໍາ, ອະນຸກໍາມະການ, ພ້ອມດ້ວຍພະນັກງານວິຊາການ ແລະ ກຳລັງທີ່ເຂົ້າຊ້ອມຮົບເຂົ້າຮ່ວມ.




ສະຫາຍ ພັນໂທ ສັນຕິ ຈັນທະລັງສອນ ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ
, ຄະນະຮັບຜິດຊອບເນື້ອໃນການຈັດຕັ້ງຊ້ອມຮົບຫລາຍຝ່າຍ ຂອງກອງທັບປະຊາຊົນລາວ ໄດ້​ໃຫ້​ຮູ້ວ່າ: ການຝຶກແອບ ແລະ ຊ້ອມຮົບຄັ້ງນີ້ ແມ່ນການຊ້ອມຮົບຮ່ວມຫລາຍຝ່າຍ ພາຍໃຕ້ລະຫັດ “ສັນຕິພາບ ມິດຕະພາບ 2023" ລວມມີ 2 ເນື້ອໃນຫລັກຄື: ການຝຶກຊ້ອມ ທາງບົກ ແລະ ການຝຶກຊ້ອມທາງທະເລ. ໃນນີ້, ກອງທັບປະຊາຊົນລາວ ໄດ້ເຂົ້າຮ່ວມຝຶກຊ້ອມທາງບົກ ໃນຫົວຂໍ້: “ການປະຕິ ບັດການທາງທະຫານຮ່ວມ ຕໍ່ຕ້ານການ ກໍ່ການຮ້າຍ” ຕົ້ນຕໍແມ່ນ ການຕ້ານການກໍ່ການຮ້າຍ, ການຊອກຄົ້ນ ແລະ ຊ່ວຍເຫລືອຕົວປະກັນ, ການອົບພະຍົບຮີບດ່ວນ. ຜ່ານການຝືກຊ້ອມເຫັນວ່າ ບັນດາສະ ຫາຍໃນຄະນະຊີ້ນໍາ ໄດ້ເອົາໃຈໃສ່ຊີ້ ນໍາຢ່າງໃກ້ຊິດ, ຕິດແທດແຕ່ຕົ້ນຕະຫລອດປາຍ, ເລີ່ມແຕ່ການສ້າງແຜນການ, ກະກຽມເນື້ອໃນຫັດແອບ, ວັດຖຸອຸປະກອນ ແລະ ການກະກຽມກຳລັງເຂົ້າຮ່ວມ ການຫັດແອບ ໄດ້ທັນເວລາ, ເຮັດໃຫ້ການ ຈັດຕັ້ງປະຕິບັດ ຂອງແຕ່ລະພາກສ່ວນທີ່ກ່ຽວຂ້ອງ ມີຄວາມຄ່ອງຕົວດີ, ສະແດງອອກໃນເວລາ ເຂົ້າຮ່ວມຊ້ອມຮົບ ຢູ່ ສປ ຈີນ ຜ່ານມານັ້ນ, ຮັບປະກັນຄວາມ ປອດໄພ 100%  ແລະ ສາມາດບັນລຸໄດ້ຕາມຄາດໝາຍທີ່ວາງໄວ້. 




ໃນ​ພິທີ, ຍັງ​ໄດ້ມອບຫລຽນໄຊພິລະອາດຫານ ຊັ້ນ
III ໃຫ້ແກ່ຄະນະຊີ້ນຳ, ບັນດາອະນຸກຳມະ ການຮັບປະກັນ ແລະ ກໍາລັງເຂົ້າຮ່ວມຊ້ອມຮົບຫລາຍຝ່າຍ ທີ່ ສປ ຈີນ 57 ສະຫາຍ, ໃບຍ້ອງຍໍກະຊວງປ້ອງກັນປະເທດ 45 ສະຫາຍ ແລະ ໃບຍ້ອງຍໍກົມໃຫຍ່ການເມືອງກອງທັບ 22 ສະຫາຍ.

ໂອກາດນີ້, ສະຫາຍ ພົນຕີ ພັນແສງ ບຸນພັນ ໄດ້ມີຄຳເຫັນໂອ້ລົມ​ ໂດຍເນັ້ນບາງບັນຫາສໍາຄັນວ່າ: ໃນຕໍ່ໜ້າ ໃນການຈັດຕັ້ງຊ້ອມຮົບຫລາຍຝ່າຍ, ສອງຝ່າຍ ໃຫ້ບັນດາສະຫາຍຄະນະຊີ້ນໍາ ເອົາໃຈປັບປຸງຄືນບັນດານິຕິກຳ ກ່ຽວກັບການຊ້ອມຮົບ ທີ່ມີແລ້ວໃຫ້ຄົບຖ້ວນ, ສົມບູນ ແລະ ໃຫ້ຫັດກຸມກວ່າເກົ່າ, ພ້ອມທັງສະຫລຸບສັງຮວມ ບັນດາເອກະສານ ແລະ ຂໍ້ມູນຕ່າງໆ ສ້າງເປັນເອກະສານຄູ່ມື ເພື່ອເປັນບົດຮຽນໃຫ້ແກ່ ການຫັດແອບຊ້ອມຮົບ ໃນຄັ້ງຕໍ່ໆໄປໃນອະນາຄົດ ໃຫ້ສາມາດຈັດຕັ້ງປະຕິບັດ ໄດ້ຢ່າງມີປະສິດທິພາບ ແລະ ປະສິດທິຜົນສູງ. ພ້ອມນີ້, ໃຫ້ແຕ່ລະກົມກອງ ທີ່ໄດ້ເຂົ້າຮ່ວມການຊ້ອມຮົບປະສານຫລາຍຝ່າຍ ໃຫ້ຖືເອົາຜົນການເຂົ້າຮ່ວມ ຊ້ອມຮົບຫລາຍຝ່າຍຄັ້ງນີ້ ເປັນບ່ອນອີງ ໃນການຕີລາຄາຄວາມສາມາດ ກຽມພ້ອມສູ້ຮົບ ຂອງກົມກອງ ແລະ ນໍາເອົາບົດຮຽນທີ່ຖອດຖອນໄດ້ ຈາກການເຂົ້າຮ່ວມຊ້ອມຮົບ ມາຜັນຂະຫຍາຍ ແລະ ຫັດແອບຢູ່ກົມ ກອງໃຫ້ເປັນປົກກະຕິ ແລະ ຕໍ່ເນື່ອງ ເພື່ອກໍ່ສ້າງກົມ ກອງຂອງຕົນ ກໍຄື ການກໍ່ສ້າງກອງທັບປະຊາຊົນລາວ ໃຫ້ເຕີບໃຫຍ່ເຂັ້ມແຂງ ແລະ ທັນສະໄໝ.

ຂ່າວ: ບິກໄຊ ສົມພູ

KPL

ຂ່າວອື່ນໆ

    • ຄະນະປ້ອງກັນພາຍໃນ ຄອສພເຊື່ອມຊຶມເອກະສານວຽກງານປ້ອງກັນພາຍໃນການເມືອງ

      ຄະນະປ້ອງກັນພາຍໃນ ຄອສພເຊື່ອມຊຶມເອກະສານວຽກງານປ້ອງກັນພາຍໃນ

      11/20/2026 10:06:46 AM

      ຄະນະປ້ອງກັນພາຍໃນ ຄະນະໂຄສະນາອົບຮົມສູນກາງພັກ (ຄອສພ) ເຊື່ອມຊຶມເອກະສານວຽກງານປ້ອງກັນພາຍໃນ, ສະຫຼຸບວຽກງານການປ້ອງກັນພາຍໃນໄລຍະ 5 ປີ ແລະ ທິດທາງຕໍ່ໜ້າ, ພ້ອມທັງເຊັນບົດບັນທຶກກົນໄກການປະສານງານລະຫວ່າງ ກົມປ້ອງກັນພາຍໃນ ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບ ແລະ ຄະນະປ້ອງກັນພາຍໃນ ຄະນະໂຄສະນາອົບຮົມສູນກາງພັກ ໃນວັນທີ 19 ພະຈິກ 2026 ຢູ່ຄະນະໂຄສະນາອົບຮົມສູນກາງພັກ ໂດຍມີ ທ່ານ ສາຄອນ ພົມມະລາດ ຮອງຫົວໜ້າຄະນະໂຄສະນາອົບຮົມສູນກາງພັກ, ມີກົມ 200, ກຳລັງປ້ອງກັນພາຍໃນ ຄອສພ ແລະ ພາກສ່ວນກ່ຽວຂ້ອງເຂົ້າຮ່ວມ.

    • ຮອງປະທານປະເທດ ຕ້ອນຮັບທູດຍີ່ປຸ່ນ ເຂົ້າຢ້ຽມອຳລາການເມືອງ

      ຮອງປະທານປະເທດ ຕ້ອນຮັບທູດຍີ່ປຸ່ນ ເຂົ້າຢ້ຽມອຳລາ

      11/18/2026 10:03:16 AM

      ໃນວັນທີ 16 ພະຈິກ 2026 ນີ້, ທ່ານນາງ ວຽງທອງ ສີພັນດອນ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານ ໂຄອິຊຸມິ ຊຶໂຕມຸ ເອກອັກຄະລາຊະທູດ ແຫ່ງຍີ່ປຸ່ນ ປະຈຳລາວ ໃນໂອກາດສຳເລັດການປະຕິບັດໜ້າທ່ີການທູດ ຢູ່ ສປປ ລາວ.

    • ປະທານສະພາແຫ່ງຊາດ ເຂົ້າຮ່ວມກອງປະຊຸມ ໄອປາ ຄັ້ງທີ 47 ທີ່ຟີລິບປິນການເມືອງ

      ປະທານສະພາແຫ່ງຊາດ ເຂົ້າຮ່ວມກອງປະຊຸມ ໄອປາ ຄັ້ງທີ 47 ທີ່ຟີລິບປິນ

      11/18/2026 9:48:18 AM

      ໃນວັນທີ 17 ພະຈິກ 2026, ທີ່ນະຄອນຫລວງມານິລາ, ສາທາລະນະລັດ ຟີລິບປິນ, ທ່ານ ສອນໄຊ ສີພັນດອນ ປະທານສະພາແຫ່ງຊາດ ພ້ອມດ້ວຍຄະນະຜູ້ແທນຂັ້ນສູງ ໄດ້ເດີນທາງເຖິງນະຄອນຫລວງມານິລາ ເພື່ອເຂົ້າຮ່ວມກອງປະຊຸມສະມັດຊາໃຫຍ່ ລັດຖະສະພາລະຫວ່າງຊາດອາຊຽນ ຫລື ໄອປາ (AIPA) ຄັ້ງທີ 47 ທີ່ຈະຈັດຂຶ້ນໃນລະຫວ່າງ ວັນທີ 16-22 ພະຈິກ 2026 ໂດຍການເປັນເຈົ້າພາບຂອງລັດຖະສະພາ ແຫ່ງ ສາທາລະນະລັດ ຟີລິບປິນ.

    • ສອງເລຂາທິການໃຫຍ່ ລາວ-ຫວຽດນາມ ພົບປະໃນໂອກາດເຂົ້າຮ່ວມກອງປະຊຸມສຸດຍອດຝຣັງໂກໂຟນີ ຄັ້ງທີ XXການເມືອງ

      ສອງເລຂາທິການໃຫຍ່ ລາວ-ຫວຽດນາມ ພົບປະໃນໂອກາດເຂົ້າຮ່ວມກອງປະຊຸມສຸດຍອດຝຣັງໂກໂຟນີ ຄັ້ງທີ XX

      11/18/2026 9:42:26 AM

      ໃນຕອນເຊົ້າວັນທີ 15 ພະຈິກ 2026 ທີ່ນະຄອນຫລວງ ພະນົມເປັນ, ລາຊະອານາຈັກກໍາ ປູເຈຍ, ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ໄດ້ພົບປະກັບ ສະຫາຍ ໂຕ ເລິມ ເລຂາທິການໃຫຍ່, ປະທານປະເທດ ແຫ່ງ ສສ ຫວຽດນາມ ໃນໂອກາດເຂົ້າຮ່ວມກອງປະຊຸມສຸດຍອດຝຣັງໂກໂຟນີ ຄັ້ງທີ XX ທີ່ນະຄອນຫລວງພະນົມເປັນ, ລາຊະອານາຈັກກໍາປູເຈຍ.

    • 8 ແຂວງພາກເໜືອ ຮັບຟັງການເຜີຍແຜ່ເຊື່ອມຊຶມ 2 ດຳລັດສຳຄັນຂອງລັດຖະບານການເມືອງ

      8 ແຂວງພາກເໜືອ ຮັບຟັງການເຜີຍແຜ່ເຊື່ອມຊຶມ 2 ດຳລັດສຳຄັນຂອງລັດຖະບານ

      11/17/2026 4:13:54 PM

      ເຜີຍແຜ່ 2 ດຳລັດສຳຄັນ ວ່າດ້ວຍການຄຸ້ມຄອງອົງການຕ່າງປະເທດ ແລະ ພະນັກງານທ້ອງຖິ່ນ ແນໃສ່ຍົກລະດັບການຮ່ວມມືຢູ່ 8 ແຂວງພາກເໜືອ

ads
ads

Top