ຂປລ
ຂປລ. ສະມາຄົມຫັດຖະກຳລາວ ຈັດເວທີສົນທະນາພາຍໃຕ້ຫົວຂໍ້ “ການປັບປຸງເຕັກນິກການຕໍ່າຜ້າຝ້າຍ” ໃນວັນທີ 29 ຕຸລາ 2024 ຜ່ານມາ ເພື່ອໃຫ້ຜູ້ປະກອບການດ້ານຫັດຖະກຳ, ຜູ້ຜະລິດ ແລະ ຂະແໜງການກ່ຽວຂ້ອງ ໄດ້ແລກປ່ຽນຄວາມຮູ້ ແລະ ປະສົບການກ່ຽວກັບການຕໍ່າ, ການຜະລິດແຜ່ນແພ ແລະ ເຄື່ອງນຸ່ງຫົ່ມ ດ້ວຍເສັ້ນຝ້າຍໃຫ້ນັບມື້ດີຂຶ້ນ ແລະ ໃຫ້ກາຍເປັນທີ່ນິຍົມຊົມຊອບ ຂອງລູກຄ້າທັງພາຍໃນ ແລະ ຕ່າງປະເທດ.
ຂປລ. ສະມາຄົມຫັດຖະກຳລາວ ຈັດເວທີສົນທະນາພາຍໃຕ້ຫົວຂໍ້ “ການປັບປຸງເຕັກນິກການຕໍ່າຜ້າຝ້າຍ” ໃນວັນທີ 29 ຕຸລາ 2024 ຜ່ານມາ ເພື່ອໃຫ້ຜູ້ປະກອບການດ້ານຫັດຖະກຳ, ຜູ້ຜະລິດ ແລະ ຂະແໜງການກ່ຽວຂ້ອງ ໄດ້ແລກປ່ຽນຄວາມຮູ້ ແລະ ປະສົບການກ່ຽວກັບການຕໍ່າ, ການຜະລິດແຜ່ນແພ ແລະ ເຄື່ອງນຸ່ງຫົ່ມ ດ້ວຍເສັ້ນຝ້າຍໃຫ້ນັບມື້ດີຂຶ້ນ ແລະ ໃຫ້ກາຍເປັນທີ່ນິຍົມຊົມຊອບ ຂອງລູກຄ້າທັງພາຍໃນ ແລະ ຕ່າງປະເທດ.
ທ່ານ ນາງ ສຸວິຕາ ປະເສີດ ປະທານສະມາຄົມຫັດຖະກໍາລາວ ໄດ້ໃຫ້ຮູ້: ເວທີສົນທະນາ ໃນຄັ້ງນີ້, ເປັນໂອກາດດີທີ່ສຸດ ເພື່ອໃຫ້ຜູ້ປະກອບການດ້ານຫັດຖະກຳ, ຜູ້ຜະລິດ ແລະ ຂະແໜງການກ່ຽວຂ້ອງ ໄດ້ແລກປ່ຽນຄວາມຮູ້ ແລະ ປະສົບການກ່ຽວກັບການຕໍ່າ, ການຜະລິດແຜ່ນແພ ແລະ ເຄື່ອງນຸ່ງຫົ່ມ ດ້ວຍເສັ້ນຝ້າຍໃຫ້ນັບມື້ດີຂຶ້ນ ແລະ ກາຍເປັນທີ່ນິຍົມຊົມຊອບ ຂອງລູກຄ້າທັງພາຍໃນ ແລະ ຕ່າງ ປະເທດ, ທັງເປັນການປະກອບສ່ວນເຂົ້າໃນ ຂະບວນການອະນຸລັກຮັກສາມູນເຊື້ອຫັດຖະກຳ ຂອງຊາດ ລາວ ດ້ານການນຸ່ງຖື, ການແຕ່ງກາຍ, ທັງເປັນປຸກລະດົມຂົນຂວາຍ ແລະ ຟື້ນຟູຄວາມນິຍົມຊົມຊອບ ໃຫ້ແກ່ສັງຄົມໃນການນໍາໃຊ້ ຜະລິດຕະພັນຫັດຖະກຳຂອງລາວ, ສ້າງທ່າແຮງໃນການຜະລິດສິນຄ້າໃນຂະແໜງແຜ່ນແພ. ໃນນັ້ນ, ແຜ່ນແພ ເຄື່ອງນຸ່ງຖື ທີ່ເຮັດດ້ວຍຜ້າຝ້າຍ ເປັນໜຶ່ງໃນຜະລິດຕະພັນຫັດ ຖະກໍາຕໍ່າດ້ວຍມື ແລະ ນອນຢູ່ໃນປະເພດເຄື່ອງນຸ່ງຫົ່ມ, ແຕ່ງກາຍ ທີ່ຄົນລາວນິຍົມຊົມໃຊ້ ມາແຕ່ບູຮານນະການ.
ໂອກາດນີ້, ທ່ານ ນາງ ນາລີ ສີສຸລິດ ພັນລະຍາປະທານປະເທດ, ປະທານຄະນະທີ່ປືກສາສະ ມາຄົມຫັດຖະກຳລາວ ໄດ້ຍ້ອງຍໍຊົມເຊີຍ ຕໍ່ເອື້ອຍນ້ອງແມ່ຍິງບັນດາເຜົ່າ ໂດຍສະເພາະ ຜູ້ທີ່ມີສີມືດ້ານຫັດຖະກຳລາວ, ພ້ອມທັງຮຽກຮ້ອງ ໃຫ້ຜູ້ປະກອບການ ກໍຄື ຜູ້ຜະລິດຫັດຖະກຳຜ້າແພລາວ ໃຫ້ພ້ອມກັນຮັກສາ ມູນເຊື້ອການຕໍ່ຫູກທໍໄໝ, ການຮັກສາລວດລາຍທີ່ເປັນ ເອກະລັກຂອງແຕ່ລະຊົນເຜົ່າ, ການຍ້ອມສີທຳມະຊາດ, ການອອກແບບທີ່ເປັນເອກະລັກ ໄປພ້ອມກັບການຮັກສາ ຮີດຄອງປະເພນີອັນດີງາມ ໂດຍສະເພາະການນຸ່ງຖື ຂອງເອື້ອຍນ້ອງແມ່ຍິງລາວ ໃຫ້ຢູ່ຄູ່ກັບຄົນລາວຕະຫລອດໄປ.
ຂໍ້ມູນ: ວຽງຈັນໃໝ່
KPL
