ຂປລ
ຂປລ. ກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ ຮ່ວມກັບ ພະແນກອຸດສາຫະກໍາ ແລະ ການຄ້າ ແຂວງໄຊຍະບູລີ ຈັດຝຶກອົບຮົມການນໍາໃຊ້ ລະບົບຂຶ້ນທະບຽນແບບເອເລັກໂຕຣນິກ ໃນວັນທີ 29 ຕຸລາ 2024 ໂດຍມີ ທ່ານ ຄໍາໄຊເລົາ ລືເຕຊາ ຫົວໜ້າພະແນກ ອຸດສາຫະກໍາ ແລະ ການຄ້າ ແຂວງໄຊຍະບູລີ, ທ່ານ ອະພິສິດ ແສງສຸລິວົງ ຫົວໜ້າກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ, ມີວິທະຍາກອນ ແລະ ສໍາມະນາກອນ ຈາກພະແນກອຸດສາຫະກໍາ ແລະ ການຄ້າ ແຂວງບໍ່ແກ້ວ, ແຂວງໄຊຍະບູລີ ເຂົ້າຮ່ວມ.
ຂປລ. ກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ ຮ່ວມກັບ ພະແນກອຸດສາຫະກໍາ ແລະ ການຄ້າ ແຂວງໄຊຍະບູລີ ຈັດຝຶກອົບຮົມການນໍາໃຊ້ ລະບົບຂຶ້ນທະບຽນແບບເອເລັກໂຕຣນິກ ໃນວັນທີ 29 ຕຸລາ 2024 ໂດຍມີ ທ່ານ ຄໍາໄຊເລົາ ລືເຕຊາ ຫົວໜ້າພະແນກ ອຸດສາຫະກໍາ ແລະ ການຄ້າ ແຂວງໄຊຍະບູລີ, ທ່ານ ອະພິສິດ ແສງສຸລິວົງ ຫົວໜ້າກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ, ມີວິທະຍາກອນ ແລະ ສໍາມະນາກອນ ຈາກພະແນກອຸດສາຫະກໍາ ແລະ ການຄ້າ ແຂວງບໍ່ແກ້ວ, ແຂວງໄຊຍະບູລີ ເຂົ້າຮ່ວມ.
ທ່ານ ອະພິສິດ ແສງສຸລິວົງ ໄດ້ໃຫ້ຮູ້ວ່າ: ວຽກງານທະບຽນວິສາຫະກິດ ແມ່ນວຽກງານໜຶ່ງທີ່ມີຄວາມສໍາຄັນໃນຂະແໜງເສດຖະກິດ ເພາະຂະແໜງດັ່ງກ່າວ ແມ່ນເຮັດໜ້າທີ່-ພາລະບົດບາດຄ້າຍກັບ ແພດໝໍປະສູດ ໃຫ້ກໍາເນີດຊີວິດທຸລະກິດໃໝ່ເລື້ອຍໆ, ແມ່ນຂະແໜງແຈ້ງເກີດຂອງ ວິສາຫະກິດ ຈະເຕີບໃຫຍ່ຂະຫຍາຍຕົວ ກໍຕໍ່ເມື່ອຂະແໜງທະບຽນເຮັດໜ້າທີ່, ພາລະບົດບາດໃນການຊຸກຍູ້, ອໍານວຍຄວາມສະດວກ, ໃຫ້ຄໍາແນະນໍາ ແລະ ບໍລິການໃຫ້ແກ່ເຂົາເຈົ້າເຫລົ່ານັ້ນໄດ້ແຈ້ງເກີດທຸລະກິດຂອງຕົນ ແລະ ອໍານວຍຄວບຄຸມໃຫ້ດໍາເນີນທຸລະກິດ ຖືກຕ້ອງຕາມ ລະບຽບການ, ພ້ອມກັນນັ້ນ ຍັງເປັນການສ້າງ ແລະ ຂະຫຍາຍຖານລາຍຮັບງົບປະມານຂອງລັດ ຕື່ມອີກ.
ຊຸດອົບຮົມຄັ້ງນີ້, ແມ່ນມີຄວາມສໍາຄັນຫລາຍ ແລະ ຈະເປັນໃບໜ້າອັນໃໝ່ ຂອງຂະແໜງອຸດສາຫະກໍາ ແລະ ການຄ້າ ກໍຄື ລະບົບການແຈ້ງຂຶ້ນທະບຽນ ວິສາຫະກິດແບບທັນສະໄໝ, ລະບົບການແຈ້ງຂຶ້ນທະບຽນ ວິສາຫະກິດແບບເອເລັກໂຕຣນິກ ຖືວ່າເປັນສິ່ງໃໝ່ສໍາລັບເຈົ້າໜ້າທີ່ທຸກຄົນ ພ້ອມທັງເປັນການຍົກລະດັບວຽກງານ ອອກຕິດຕາມທະບຽນວິສາຫະກິດ ໄປສູ່ສະພາບການອັນໃໝ່, ເປັນການສ້າງຄວາມຮັບຮູ້ ເຂົ້າໃຈພາວະວິໄສ ຂອງຄວາມຈຳເປັນຕໍ່ກັບລະບົບດັ່ງກ່າວ ແລະ ພື້ນຖານເຕັກນິກໃນວົງແຄບ ຫລື ເວົ້າວ່າການສ້າງຄູຝຶກ ເປັນການມາຖ່າຍທອດຄວາມຮູ້ ດ້ານວິທະຍາສາດ-ວິທະຍາການ, ມາຮຽນຮູ້ເຕັກນິກອັນໃໝ່ເຫລົ່ານັ້ນ ເນື້ອໃນລາຍລະອຽດສູ່ວິຊາການໃນວົງກວ້າງ, ຢ່າງເລິກເຊິ່ງເຖິງຖອງ.
ຂ່າວ: ມະໄລວັນ
KPL
