3 ອົງການຈັດຕັ້ງມະຫາຊົນ ຂປລ ເປີດຂະບວນ ແຂ່ງຂັນຂຽນບົດ-ຂຽນຂ່າວ-ຮູບພາບ ແລະ ວິດີໂອ

30/10/2024 16:03

Email Print 133

ຂປລ ຂປລ. ຄະນະໜ່ວຍຊາວໜຸ່ມ ຮ່ວມກັບ ອົງການຈັດຕັ້ງກຳມະບານ ແລະ ສະຫະພັນແມ່ຍິງ ສໍານັກຂ່າວສານປະເທດລາວ(ຂປລ) ເປີດຂະບວນແຂ່ງຂັນດ້ານວິຊາການ ໂດຍສະເພາະ ຂຽນບົດ, ຂຽນຂ່າວ, ປະກວດຮູບພາບ ແລະ ຄລິບວິດີໂອ ໃນວັນທີ 30 ຕຸລາ 2024 ເພື່ອຂໍ່ານັບຮັບຕ້ອນ ກອງປະຊຸມໃຫຍ່ຄັ້ງທີ 16 ຂອງໜ່ວຍພັກສຳນັກຂ່າວສານປະເທດລາວ, ກອງປະຊຸມໃຫຍ່ຄະນະບໍລິຫານງານຊາວໜຸ່ມ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ສະໄໝທີ 9 ແລະ ກອງປະຊຸມອື່ນໆ

ຂປລ. ຄະນະໜ່ວຍຊາວໜຸ່ມ ຮ່ວມກັບ ອົງການຈັດຕັ້ງກຳມະບານ ແລະ ສະຫະພັນແມ່ຍິງ ສໍານັກຂ່າວສານປະເທດລາວ(ຂປລ) ເປີດຂະບວນແຂ່ງຂັນດ້ານວິຊາການ ໂດຍສະເພາະ ຂຽນບົດ, ຂຽນຂ່າວ, ປະກວດຮູບພາບ ແລະ ຄລິບວິດີໂອ ໃນວັນທີ 30 ຕຸລາ 2024 ເພື່ອຂໍ່ານັບຮັບຕ້ອນ ກອງປະຊຸມໃຫຍ່ຄັ້ງທີ 16 ຂອງໜ່ວຍພັກສຳນັກຂ່າວສານປະເທດລາວ, ກອງປະຊຸມໃຫຍ່ຄະນະບໍລິຫານງານຊາວໜຸ່ມ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ສະໄໝທີ 9 ແລະ ກອງປະຊຸມອື່ນໆ ໂດຍການເປັນປະທານຂອງ ທ່ານ ວັນນະສິນ ສິມມະວົງ ຜູ້ອຳນວຍການໃຫຍ່ສຳນັກຂ່າວສານປະເທດລາວ, ມີຄະນະພັກ-ຄະນະອຳນວຍການ, ຫົວໜ້າພະແນກ, ຮອງພະແນກ ແລະ ພະນັກງານ-ວິຊາການ ພາຍໃນ ຂປລ ເຂົ້າຮ່ວມ.

ໂອກາດດັ່ງກ່າວ, ທ່ານນາງ ຈັນທະລອນ ແກ້ວບົວວັນ ຫົວໜ້າພະແນກບັນນາທິການຂ່າວພາຍໃນ, ເລຂາໜ່ວຍຊາວໜຸ່ມ ສຳນັກຂ່າວສານປະເທດລາວ ໄດ້ໃຫ້ຮູ້ວ່າ: ຄະນະໜ່ວຍຊາວໜຸ່ມ ຮ່ວມກັບ ອົງການຈັດຕັ້ງກຳມະບານ ແລະ ສະຫະພັນແມ່ຍິງ ສໍານັກຂ່າວສານປະເທດລາວ ຈັດກິດຈະກຳແຂ່ງຂັນດ້ານວິຊາການ ໂດຍສະເພາະ ຂຽນບົດ, ຂຽນຂ່າວ, ປະກວດຮູບພາບ ແລະ ຄລິບວິດີໂອ ໂດຍຕິດພັນກັບວຽກງານຂໍ້ແຂ່ງຂັນ 4 ບຸກ, 5 ເປັນເຈົ້າ ແລະ ຂໍ້ແຂ່ງຂັນແມ່ຍິງ 3 ດີ ເພື່ອຂໍ່ານັບຮັບຕ້ອນ ກອງປະຊຸມໃຫຍ່ຄັ້ງທີ 16 ຂອງໜ່ວຍພັກສຳນັກຂ່າວສານປະເທດລາວ, ກອງປະຊຸມປະຊຸມໃຫຍ່ຄະ ນະບໍລິຫານງານຊາວໜຸ່ມກະຊວງ ຖວທ ສະໄໝທີ 9, ກອງປະຊຸມໃຫຍ່ຄະນະບໍລິຫານງານ ສະຫະ ພັນແມ່ຍິງ ກະຊວງ ຖວທ ຄັ້ງທີ 9 ແລະ ກອງປະຊຸມໃຫຍ່ ຄະນະບໍລິຫານງານ ສະຫະພັນກຳມະບານ ກະຊວງ ຖວທ ຄັ້ງທີ 8.

ສຳລັບ ຫົວຂໍ້ການແຂ່ງຂັນ ປະກອບມີ: ຫົວຂໍ້ກ່ຽວກັບ ການເປັນປະທານອາຊຽນຂອງ ສປປ ລາວ, ປີທ່ອງທ່ຽວລາວ 2024, ການຜັນຂະຫຍາຍມະຕິ ການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່ ຫລື ສອຈ. ສ່ວນເງື່ອນໄຂ ແລະ ຂໍ້ກໍານົດການສົ່ງເຂົ້າແຂ່ງຂັນ ສຳລັບ ການແຂ່ງຂັນ ຂຽນບົດ ແລະ ຂຽນຂ່າວ ສາມາດສົ່ງບົດ, ຂ່າວ ໄດ້ບໍ່ເກີນ 2 ບົດ-ຂ່າວ/ຄົນ, ຄວາມຍາວບໍ່ເກີນ 2 ໜ້າເຈ້ຍ A4, ຕ້ອງເປັນບົດ ແລະ ຂ່າວ ທີ່ໄດ້ລົງພິມ ແລະ ເຜີຍແຜ່ ຜ່ານຜະລິດຕະພັນໃດໜຶ່ງ ຂອງສໍານັກຂ່າວສານປະເທດລາວ ເລີ່ມແຕ່ເດືອນມັງກອນ 2024 ເປັນຕົ້ນມາ; ການປະກວດຮູບພາບ ສົ່ງບໍ່ເກີນຈໍານວນ 5 ຮູບ/ຄົນ, ຕ້ອງຂຽນບັນຍາຍລາຍລະອຽດ ແຕ່ລະຮູບພາບ, ຮູບຕ້ອງມີຂະໜາດ 1 Mb ໂດຍບໍ່ຜ່ານການຕົບແຕ່ງ ດ້ວຍໂຟໂຕຊັອບ ແລະ ອື່ນໆ, ສາມາດໃຊ້ກ້ອງຖ່າຍຮູບ ຫລື ກ້ອງຈາກມືຖືຖ່າຍໄດ້ ແລະ ຕ້ອງເປັນຮູບທີ່ຖ່າຍບໍ່ເກີນ 6 ເດືອນ. ສຳລັບ ຄຣິບວິດີໂອ ສົ່ງບໍ່ເກີນ 3 ຄລິບ/ຄົນ, ກໍານົດຄວາມຍາວບໍ່ເກີນ 3 ນາທີ/ຄລິບ, ຖ່າຍທຳ ດ້ວຍກ້ອງວິດີໂອ ຫລື ກ້ອງຈາກມືຖືກໍໄດ້ ແລະ ຕ້ອງຕັດຕໍ່ດ້ວຍຄອມພິວເຕີ ຫລື ໂທລະສັບມືຖືກໍໄດ້, ທຸກຄລິບ ຂະໜາດບໍ່ນ້ອຍເກີນໄປ ເພື່ອສາມາດລົງໃນຢູທູບ ແລະ ເຟສບຸກ: ປະເທດລາວ Pathedlao ໂດຍພາບບໍ່ແຕກ ແລະ ຕ້ອງເປັນຄລິບ ທີ່ຖ່າຍທຳ-ຕັດຕໍ່ ບໍ່ເກີນ 6 ເດືອນ ໂດຍເລີ່ມຮັບຜົນງານການແຂ່ງຂັນນັບແຕ່ມື້ເປີດພິທີຢ່າງເປັນທາງການ ແລະ ແລະ ປະກາດຜົນໃນທ້າຍເດືອນທັນວາ 2024

ຂ່າວ: ທະນູທອງ

ພາບ: ເກດສະໜາ

KPL

ວັດທະນະທຳ-ສັງຄົມ
ມອບລາງວັນຜະລິດຕະພັນຫັດຖະກຳດີເດັ່ນ
10/30/2024 4:18:50 PM
ຂປລ. ພິທີມອບລາງວັນຜະລິດຕະພັນຫັດຖະກຳດີເດັ່ນ "ສິລະປະລາຍນາກ ແລະ ລວດລາຍດອກໄມ້ປະຈໍາທ້ອງຖິ່ນ" ຈັດຂຶ້ນໃນວັນທີ 29 ຕຸລາ 2024 ນີ້, ຢູ່ສູນການຄ້າລາວ-ໄອເຕັກ ນະຄອນ ຫລວງວຽງຈັນ ໃຫ້ກຽດມອບລາງວັນ ໂດຍ ທ່ານ ນາງ ນາລີ ສີສຸລິດ ພັນລະຍາປະທານປະເທດ, ທັງເປັນປະທານຄະນະທີ່ປືກສາສະມາຄົມຫັດຖະກຳລາວ ແລະ ທ່ານ ມະໂນທອງ ວົງໄຊ ຮອງລັດຖະມົນ ຕີກະຊວງອຸດສາຫະກຳ ແລະ ການຄ້າ, ມີປະທານກິດຕິມະສັກສະມາຄົມຫັດຖະກຳລາວ, ປະທານສະ ມາຄົມຫັດຖະກຳລາວ ພ້ອມດ້ວຍ ຂະແໜງການທີ່ກ່ຽວຂ້ອງ ເຂົ້າຮ່ວມ.
ວັດທະນະທຳ-ສັງຄົມ
ຝຶກອົບຮົມນໍາໃຊ້ລະບົບການ ຂຶ້ນທະບຽນແບບເອເລັກໂຕຣນິກ
10/30/2024 4:06:58 PM
ຂປລ. ກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ ຮ່ວມກັບ ພະແນກອຸດສາຫະກໍາ ແລະ ການຄ້າ ແຂວງໄຊຍະບູລີ ຈັດຝຶກອົບຮົມການນໍາໃຊ້ ລະບົບຂຶ້ນທະບຽນແບບເອເລັກໂຕຣນິກ ໃນວັນທີ 29 ຕຸລາ 2024 ໂດຍມີ ທ່ານ ຄໍາໄຊເລົາ ລືເຕຊາ ຫົວໜ້າພະແນກ ອຸດສາຫະກໍາ ແລະ ການຄ້າ ແຂວງໄຊຍະບູລີ, ທ່ານ ອະພິສິດ ແສງສຸລິວົງ ຫົວໜ້າກົມທະບຽນວິສາຫະກິດ ກະຊວງອຸດສາຫະກໍາ ແລະ ການຄ້າ, ມີວິທະຍາກອນ ແລະ ສໍາມະນາກອນ ຈາກພະແນກອຸດສາຫະກໍາ ແລະ ການຄ້າ ແຂວງບໍ່ແກ້ວ, ແຂວງໄຊຍະບູລີ ເຂົ້າຮ່ວມ.
ວັດທະນະທຳ-ສັງຄົມ
ສະຖາບັນຂົງຈື ຈັດກິດຈະກຳເທສະການອາຫານລາວ-ຈີນ
10/30/2024 3:54:00 PM
ຂປລ. ສູນຮ່ວມມືແລກປ່ຽນພາສາຈີນ, ພາສາຕ່າງປະເທດແຫ່ງຊາດຈີນ ຮ່ວມກັບສະຖາບັນຂົງຈື ມະຫາວິທະຍາໄລແຫ່ງຊາດ ຈັດເທສະການອາຫານລາວ-ຈີນ ໃນຫົວຂໍ້ “ປະຊາຊົນຖືອາຫານເປັນເລື່ອງສໍາຄັນ” ໃນຕອນບ່າຍຂອງວັນທີ 29 ຕຸລາ 2024 ຢູ່ສະໂມສອນສະຖາບັນຂົງຈື ເຊິ່ງຜູ້ເຂົ້າຮ່ວມ ໄດ້ຊີມລົດຊາດອາຫານ ທີ່ເປັນເອກະລັກລາວ-ຈີນ, ຮູ້ຈັກຄວາມໝາຍສຳຄັນ ຂອງລາຍການອາຫານ ແລະ ຢາພື້ນເມືອງ.
ວັດທະນະທຳ-ສັງຄົມ
ສະແດງສິລະປະ-ສາຍຮູບເງົາ ສັບປະດັບມົດສະກູ ຢູ່ ນວ
10/30/2024 3:47:30 PM
ຂປລ. ພິທີເປີດງານວາງສະແດງຜົນງານສິລະປະ ແລະ ງານສະແດງສິລະປະຣັດເຊຍ ໃນໂອ ກາດວັນສັບປະດາມົດສະກູ ໄດ້ຈັດຂຶ້ນໃນວັນທີ 29 ຕຸລາ 2024 ນີ້, ຢູ່ວິທະຍາໄລສິລະປະແຫ່ງຊາດ, ນະຄອນຫລວງວຽງຈັນ (ນວ) ໂດຍມີ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ, ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ, ທ່ານ ວາລາດີເມຍ ກາລີນ ເອກອັກຄະລັດຖະທູດຣັດເຊຍ ປະຈຳລາວ, ພ້ອມດ້ວຍພະນັກງານ-ລັດຖະກອນ ແລະ ນັກຮຽນ ເຂົ້າຮ່ວມ.
ວັດທະນະທຳ-ສັງຄົມ
ພາກລັດ-ເອກະຊົນ ຮ່ວມມືພັດທະນາ ຊັບພະຍາກອນດ້ານໄອຊີທີ
10/30/2024 3:37:24 PM
ຂປລ. ພິທີລົງນາມສັນຍາຮ່ວມມື ໂຄງການພັດທະນາຊັບພະຍາກອນມະນຸດ ທາງດ້ານໄອຊີທີ ລະຫວ່າງ ສະຖາບັນເຕັກໂນໂລຊີ ການສື່ສານຂໍ້ມູນຂ່າວສານ ກະຊວງເຕັກໂນໂລຊີ ແລະ ການສື່ສານ ກັບ ບໍລິສັດ ຮຸ່ງອາລຸນ ເຕັກໂນໂລຊີ ໄດ້ຈັດຂຶ້ນ ໃນວັນທີ 28 ຕຸລາ 2024 ໂດຍການຮ່ວມລົງນາມລະຫວ່າງ ທ່ານ ປະດັບໄຊ ໄຊຍະໂຄດ ຫົວໜ້າສະຖາບັນກະຊວງເຕັກໂນໂລຊີ ແລະ ການສື່ສານ ແລະ ທ່ານ ພຸດ ສີສຸພັນ ອໍານວຍການບໍລິສັດ ຮຸ່ງອາລຸນ ເຕັກໂນໂລຊີ ຈຳກັດ ໂດຍມີພາກສ່ວນກ່ຽວຂ້ອງ ຂອງທັງສອງຝ່າຍ ເຂົ້າຮ່ວມ.