ຂປລ
ອາຫານປະເພດຕໍາແມ່ນ ອາຫານທີ່ຄົນລາວນິຍົມກິນ ເວົ້າໄດ້ວ່າກິນທຸກມື້ກໍ່ໄດ້, ບາງຄົນຈົນຫລົງສະເຫນ່ລົດຊາດມີຮ້ານປະຈໍາ.
ອາຫານປະເພດຕໍາແມ່ນ ອາຫານທີ່ຄົນລາວນິຍົມກິນ ເວົ້າໄດ້ວ່າກິນທຸກມື້ກໍ່ໄດ້, ບາງຄົນຈົນຫລົງສະເຫນ່ລົດຊາດມີຮ້ານປະຈໍາ ແບບວ່າ ຖ້າມື້ນີ້ຢາກກິນຕໍາຕ້ອງແມ່ນຮ້ານນີ້ ຈຶ່ງແຊບ ແລະ ຖືກໃຈ ເພາະປັດຈຸບັນຮ້ານຕໍາແມ່ນມີຫລາຍ ເຊິ່ງກໍມີເອກະລັກທີ່ແຕກຕ່າງກັນ ສະນັ້ນ, ມື້ນີ້ຄໍລໍາ ສົ່ງເສີມທຸລະກິດຈະພາທ່ານມາຮູ້ຈັກຮ້ານທີ່ມີຊື່ສຽງໂດ່ງດັງຢູ່ບ້ານດົງປາລານ ນັ້ນຄືຮ້ານຕໍາແຊບໃນ ຊອຍ ເປັນອີກຮ້ານໜຶ່ງທີ່ມັດໃຈລູກຄ້າມາໄດ້ຍາວນານ ດ້ວຍລົດຊາດຄວາມແຊບມີເອກະລັກ ທີ່ນໍ້າປາແດກເຂັ້ມຂຸນ, ວັດຖຸດິບທີ່ສົດໃໝ່, ມີເມນູທີ່ຫລາກຫລາຍໃຫ້ເລືອກກິນເວົ້າໄດ້ວ່າມາຮ້ານນີ້ຄຸ້ມ ທັງລົດຊາດ, ທັງລາຄາແມ່ນສົມເຫດສົມຜົນ.
ທ່ານ ນາງ ເວົ້າວ່າ: ຕົນ ເອງເປັນຄົນມັກຄ້າຂາຍ ແລະ ມັກກິນຕໍາ ກໍເລີຍອອກ ຈາກວຽກປະຈໍາມາເຮັດ ຮ້ານຕໍາເປັນຂອງໂຕເອງ ແຕ່ປີ2019 ເປັນຕົ້ນມາເຫັນວ່າຜົນຕອບຮັບດີຈຶ່ງ ຍຶດຖືອາຊີບນີ້ເປັນຕົ້ນມາ ໂດຍຈຸດພິເສດ ຂອງຮ້ານ ເຮົາທີ່ດຶງດູດລູກຄ້າ ແມ່ນຢູ່ ທີ່ປາແດກທີ່ເຂັ້ມຂຸ້ນ ເພາະປາແດກແມ່ນຕົ້ມ, ປຸງເອງ ທຸກຂັ້ນຕ້ອນ ຈຶ່ງໄດ້ປາແດກທີ່ແຊບນົວ ບໍ່ວ່າຈະໃສ່ເມນູໃດກໍແຊບ ໂດຍສະ ເພາະເວລາໃສ່ຕໍາແລ້ວ ແຊບຄົບເຄື່ອງອີກຢ່າງໜຶ່ງຮ້ານເຮົາ ກໍມີເມນູທີ່ຫລາກຫລາຍໃຫ້ລູກຄ້າ ໄດ້ເລືອກກິນ ບໍ່ວ່າຈະເປັນອາຫານປະເພດປິ້ງ, ເຂົ້າຜັດ, ກະເທົາ ແລະ ທີ່ຂາດບໍ່ໄດ້ແມ່ນແກງນໍໄມ້ບອກໄດ້ເລີຍວ່າແຊບຫລາຍໃຜມາກໍຕ້ອງລອງຊີມຖ້າໄດ້ມາເຮົາ. ສໍາລັບຕໍາທີ່ໄດ້ຂາຍດີທີ່ຢາກແນະນໍາເລີຍ ຕ້ອງແມ່ນຕໍາປ່າ, ຕໍາຊົນນະບົດ, ຕໍາເຂົ້າປຸນຫົວຫອຍ, ຕໍາທະເລລວມ ແລະ ອື່ນໆອີກ ຫລາຍຢ່າງ ທີ່ເຮົາຄິດວ່າສິບໍ່ມີ ແຕ່ຮ້ານ ເຮົາມີ ເພື່ອຕອບສະໜອງຄວາມຕ້ອງການຂອງລູກຄ້າ ເພາະວ່າບາງຄົນມາກໍມັກບໍ່ຕ່າງກັນ. ແນວໃດກໍດີ ສໍາລັບການເພີ່ມຂຶ້ນລູກຄ້າໃນປັດຈຸບັນ ຫລາຍ ຄົນກໍຖາມເຂົ້າມາຫລາຍວ່າ ບໍ່ໄດ້ຂະຫຍາຍສາຂາບໍ່ສໍາລັບຈຸດນີ້ທາງເຮົາບໍ່ມີແຜນຂະຫຍາຍມີແຕ່ເຮັດປາແດກປຸງສຸກ ຍີ່ຫໍ່ຕໍາແຊບໃນຊອຍ 1 ກິໂລ 75 ພັນກີບ ສົ່ງທົ່ວນະຄອນຫລວງ ແລະ ຕ່າງແຂວງກໍສົ່ງຄືກັນຖ້າໃຜສົນໃຈຢາກໄດ້ປາແດກແຊບໄວ້ກິນ ຫລື ເຮັດຕໍາຂາຍ ກໍສາມາດຕິດຕໍ່ ສອບຖາມໄດ້ທີ່ເບີ 020 59767700 ຫລື ຖ້າທ່ານໃດຢາກໄປຕໍາແມ່ນຢູ່ບ້ານດົງປາລ້ານ ຮ້ານຕັ້ງຢູ່ໃກ້ ກັບຮ້ານເຂົ້າຈີ່ແຊບນາງ ຊ້ອຍແຊບດົງປະລ້ານ.
ທ້າວເກດ ຂາປະຈໍາ ຮ້ານຕໍາແຊບໃນຊອຍເວົ້າ ໃຫ້ຟັງວ່າ: ຕົນເອງເຫັນ ຮ້ານນີ້ ຜ່ານສື່ອອນລາຍ ຮູ້ສຶກ ວ່າ ສີສັນຂອງ ຕໍາ ເປັນຕາແຊບຈຶ່ງໄດ້ລອງ ມາກິນ ໂດຍເມນູທີ່ມັກກິນ ກໍຈະເປັນຕໍາເຂົ້າປຸ້ນ, ຕໍາ ປ່າ, ແກງນໍໄມ້, ຕົ້ມແຊບແມ່ນບໍ່ໄດ້ຂາດ ຖ້າມາຕ້ອງ ໄດ້ສັ່ງ ເພາະເຂົ້າກັນຫລາຍ ເວລາກິນຕໍາເຜັດໆກັບສົດ ນໍ້າຕົ້ມແຊັບໆ ຕ້ອງໄດ້ລອງ ບອກເລີຍທັງແຊບ ແລະ ຄຸ້ມ ຄ່າ ເພາະລາຄາກໍບໍ່ໄດ້ສູງ ຫລາຍຖ້າທຽບໃສ່ຄ່າຄອງ ຊີບໃນປັດຈຸບັນ.
ນາງ ດາວ ຂາປະຈໍາ ຮ້ານນີ້ກໍເວົ້າວ່າ: ຕົນເອງ ເຮັດວຽກຢູ່ແຖວນີ້ ຄັນວ່າ ມື້ໃດຢາກຕໍາຕ້ອງຊວນໝູ່ ມາກິນຮ້ານນີ້ ເພາະວ່າຕໍ ແຊບ ແລະ ມີຫລາຍເມນູ ໃຫ້ເລືອກກິນ ບໍ່ວ່າຈະເປັນ ຕໍາ, ແກງນໍໄມ້, ປະເພດ ປີ້ງກໍມີ ອີກຢ່າງກໍມີນໍ້າປັ່ນ ໄວ້ບໍລິການອີກ ເວົ້າໄດ້ວ່າ ຄົບຈົບໃນຮ້ານດຽວ ແຖມ ລາຄາກໍບໍ່ແພງຫລາຍ.
KPL
