ຂປລ
ພິທີມອບ-ຮັບໃບຢັ້ງຢືນ 4 ໜ່ວຍພັກ ທີ່ຂຶ້ນກັບຄະນະພັກຮາກຖານພະແນກ ຖວທ ແຂວງບໍ່ແກ້ວ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023.
*ພິທີມອບ-ຮັບໃບຢັ້ງຢືນ 4 ໜ່ວຍພັກ ທີ່ຂຶ້ນກັບຄະນະພັກຮາກຖານພະແນກ ຖວທ ແຂວງບໍ່ແກ້ວ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023, ໄດ້ຈັດຂຶ້ນວັນທີ 2 ຕຸລາ 2024, ທີ່ຫ້ອງປະຊຸມສະຖານີວິທະຍຸ-ໂທລະພາບໂດຍການເປັນປະທານຂອງສະຫາຍ ຄໍາຜະຫຍາ ພົມປັນຍາ ຄະນະປະຈໍາພັກແຂວງ ຮອງເຈົ້າແຂວງບໍ່ແກ້ວຜູ້ຊີ້ນໍາວຽກງານຂົງເຂດວັດທະນະທໍາ-ສັງຄົມ, ມີສະຫາຍ ປອ ສົມຄິດວົງປັນຍາ ເລຂາຄະນະພັກຮາກຖານພະແນກ ຖວທ, ມີຕາງໜ້າຄະນະຈັດຕັ້ງແຂວງ, ຄະນະກວດກາພັກ-ລັດແຂວງ, ຄະນະພັກຮາກຖານ, ຄະນະໜ່ວຍພັກ 4 ໜ່ວຍ ແລະ ສະມາຊິກພັກເຂົ້າຮ່ວມ.
ສະຫາຍ ສົມສັກ ມະຫາພົນ ຮອງເລຂາຄະນະພັກຮາກຖານຮອງຫົວໜ້າພະແນກ ຖວທ ໄດ້ຜ່ານມະຕິຕົກລົງຂອງຄະນະຈໍາພັກແຂວງສະບັບເລກທີ254/ຄປພຂ.ບກ, ລົງວັນທີ 11 ມີນາ 2024 ວ່າດ້ວຍການຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023, ເຊິ່ງມີ 4 ໜ່ວຍພັກຂຶ້ນກັບຄະນະພັກຮາກຖານມີ: ໜ່ວຍພັກບໍລິຫານ, ໜ່ວຍພັກຖະແຫຼງຂ່າວ, ໜ່ວຍພັກວັດທະນະທໍາ ແລະ ໜ່ວຍພັກທ່ອງທ່ຽວໃຫ້ກຽດມອບໃບຢັ້ງຢືນໃນຄັ້ງນີ້ ໂດຍສະຫາຍ ຄໍາຜະຫຍາ ພົມປັນຍາ ຄະນະປະຈໍາພັກແຂວງຮອງ ເຈົ້າແຂວງບໍ່ແກ້ວ.
ໂອກາດນີ້, ສະຫາຍໄດ້ມີບາງ ຄໍາເຫັນຕໍ່ພິທີກ່ອນອື່ນສະຫາຍໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ໂດຍສະເພາະການຊີ້ນໍາ-ນໍາພາວຽກງານພັກຂອງຄະນະພັກຮາກຖານທີ່ເຮັດໄດ້ ສາມາດຮັບຮອງ ແລະ ຢັ້ງຢືນ 4 ໜ່ວຍພັກພະແນກ ຖວທ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ສະຫາຍໄດ້ເນັ້ນໜັກບາງບັນຫາຂອງວຽກງານ: ຄະນະພັກທຸກຂັ້ນຕ້ອງເອົາໃຈໃສ່ສືບຕໍ່ສຶກສາອົບຮົມການເມືອງແນວຄິດໃຫ້ສະມາຊິກພັກ, ເຕົ້າໂຮມຄວາມສາມັກຄີ, ໃຫ້ສະມາຊິກພັກພາຍໃນໜ່ວຍໃຫ້ມີຄວາມໜັກແໜ້ນ, ກໍາແໜ້ນບັນດາຂໍ້ຫ້າມຂອງພັກ, ຂໍ້ຫ້າມຂອງລັດຖະກອນ. ຕ້ອງຖືເອົາການປັບປຸງ, ກໍ່ສ້າງພັກຕາມ 5 ຫຼັກການ 3 ທິດນໍາຮັບປະກັນ 3 ລັກສະນະ ແລະ ຫັນວຽກງານສືໃຫ້ທັນສະໄໝເອົາໃຈໃສ່ຄຸ້ມຄອງ ແລະ ຜັນຂະຫຍາຍວຽກງານວັດທະນະທໍາ, ປັບປຸງຍົກລະດັບແຫຼ່ງທ່ອງທ່ຽວໃຫ້ເຂົ້າສູ່ລວງເລິກ, ມີສີສັນ ແລະ ເປັນທີໜ້າສົນໃຈໃຫ້ແກ່ນັກທ່ອງທ່ຽວທີ່ເຂົ້າມາທ່ຽວພາຍໃນແຂວງບໍ່ແກ້ວ.
KPL
