ຂປລ
ຂປລ. ກອງປະຊຸມເຈົ້າໜ້າທີ່ອາວຸໂສ ປ້ອງກັນປະເທດອາຊຽນ-ບວກ (ADSOM-Plus) ຈັດຂຶ້ນໃນວັນທີ 26 ກັນຍາ 2024 ຢູ່ນະຄອນຫວງວຽງຈັນ ໂດຍການເປັນປະທານຂອງ ທ່ານ ພົນຕີ ສົມພອນ ມິດຕະພອນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ, ຫົວໜ້າເຈົ້າໜ້າທີ່ອາວຸ ໂສປ້ອງກັນປະເທດອາຊຽນ ແຫ່ງ ສປປ ລາວ, ມີບັນດາຫົວໜ້າເຈົ້າໜ້າທີ່ອາວຸໂສປ້ອງກັນປະເທດອາ ຊຽນ, ຕີມໍແລັດສະເຕ ໃນນາມຜູ້ສັງເກດການ ແລະ ກອງເລຂາອາຊຽນ ເຂົ້າຮ່ວມ.
ຂປລ. ກອງປະຊຸມເຈົ້າໜ້າທີ່ອາວຸໂສ ປ້ອງກັນປະເທດອາຊຽນ-ບວກ (ADSOM-Plus) ຈັດຂຶ້ນໃນວັນທີ 26 ກັນຍາ 2024 ຢູ່ນະຄອນຫວງວຽງຈັນ ໂດຍການເປັນປະທານຂອງ ທ່ານ ພົນຕີ ສົມພອນ ມິດຕະພອນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນລາວ, ຫົວໜ້າເຈົ້າໜ້າທີ່ອາວຸ ໂສປ້ອງກັນປະເທດອາຊຽນ ແຫ່ງ ສປປ ລາວ, ມີບັນດາຫົວໜ້າເຈົ້າໜ້າທີ່ອາວຸໂສປ້ອງກັນປະເທດອາ ຊຽນ, ຕີມໍແລັດສະເຕ ໃນນາມຜູ້ສັງເກດການ ແລະ ກອງເລຂາອາຊຽນ ເຂົ້າຮ່ວມ.
ໃນກອງປະຊຸມ, ທ່ານ ພົນຕີ ສົມພອນ ມິດຕະພອນ ໄດ້ມີຄຳເຫັນວ່າ: ປັດຈຸບັນ, ພາກພື້ນ ແລະ ໃນໂລກ ຜະເຊີນໜ້າກັບໄພຂົ່ມຂູ່ ແລະ ສິ່ງທ້າທາຍຕໍ່ຄວາມໝັ້ນຄົງ ທາງດ້ານການທະຫານ ແລະ ດ້ານຕ່າງໆ ທີ່ຫຍຸ້ງຍາກສັບສົນ ແລະ ສະຫລັບສັບຊ້ອນ ໂດຍສະເພາະ ການແຂ່ງຂັນທາງດ້ານຍຸດທະສາດ, ການປ່ຽນແປງ ສະພາບດິນຟ້າອາກາດ, ອາຊະຍາກໍາທາງໄຊເບີ, ຄວາມໝັ້ນຄົງທາງທະເລ ແລະ ອື່ນໆ. ບັນຫາດັ່ງກ່າວ ໄດ້ສົ່ງຜົນກະທົບຕໍ່ສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງພາກພື້ນ ແລະ ສາກົນ. ສະນັ້ນ, ກອງປະຊຸມໃນຄັ້ງນີ້, ຈະເປັນໂອກາດທີ່ດີສໍາລັບການປຶກສາຫາລືກ່ຽວກັບວິທີທາງຕ່າງໆ ເພື່ອສົ່ງເສີມການຮ່ວມມື ດ້ານວຽກງານປ້ອງກັນຊາດ ເພື່ອສາມາດຮັບມືກັບ ບັນດາສິ່ງທ້າທາຍຕໍ່ຄວາມໝັ້ນຄົງ ໃນປັດຈຸບັນ ແລະ ອະນາຄົດ.
ກອງປະຊຸມເຈົ້າໜ້າທີ່ອາວຸໂສ ປ້ອງກັນປະເທດອາຊຽນ-ບວກ ເປັນກົນໄກການຮ່ວມມືທີ່ສໍາຄັນ ຂອງປະເທດສະມາຊິກອາຊຽນ ແລະ ອາຊຽນ-ບວກ ໃນການເຮັດວຽກຮ່ວມກັນ ແລະ ສົ່ງເສີມການຮ່ວມມືທີ່ເປັນຮູບປະທໍາ ແລະ ການເສີມສ້າງຂີດຄວາມສາມາດຕ່າງໆ ເພື່ອຮັບມືກັບໄພຂົ່ມຂູ່ຕ່າງໆ ຕໍ່ຄວາມໝັ້ນຄົງ ໃຫ້ມີປະສິດທິພາບ, ປະກອບສ່ວນເຂົ້າໃນສັນຕິພາບ, ຄວາມໝັ້ນຄົງ ແລະ ການພັດທະນາຂອງພາກພື້ນ. ດັ່ງນັ້ນ ຈຶ່ງຮຽກຮ້ອງໃຫ້ບັນດາຄະນະຜູ້ແທນ ຈາກປະເທດສະມາຊິກອາຊຽນ-ບວກ ຈະຕ້ອງໄດ້ພ້ອມກັນປຶກສາຫາລື ແລະ ເປັນເອກະພາບກັນ ໃນຫລາຍໆບັນຫາ ເຊິ່ງເປັນພື້ນຖານອັນສໍາຄັນ ໃຫ້ແກ່ການສືບຕໍ່ຈັດຕັ້ງປະຕິບັດ ບັນດາແຜນການຮ່ວມມື ຂອງເຈົ້າໜ້າທີ່ອາວຸ ໂສປ້ອງກັນປະເທດອາຊຽນ-ບວກ ແລະ ເປັນການກະກຽມຄວາມພ້ອມ ໃຫ້ແກ່ການຈັດກອງປະຊຸມ ລັດຖະມົນຕີປ້ອງກັນປະເທດອາຊຽນ-ບວກ ຄັ້ງທີ 11 ແລະ ກິດຈະກໍາປິ່ນອ້ອມອື່ນໆ ທີ່ຈະຈັດຂຶ້ນໃນເດືອນພະຈິກ ທີ່ຈະມາເຖິງ ໃຫ້ບັນລຸຜົນສຳເລັດຕາມຈຸດປະສົງ ແລະ ຄາດໝາຍທີ່ກອງປະຊຸມວາງໄວ້.
ຂ່າວ-ພາບ: ຢ່າຕົ້ງ
KPL