ຂປລ
ທ່ານ ອອງຕວນ ອາຣມ໊ອງ ລັດຖະມົນຕີ ການເງິນຂອງ ຝຣັ່ງ ກ່າວວ່າ: ປັດຈຸບັນ ຝຣັ່ງ ມີການຂາດດຸນ ສາທາລະນະ ຮ້າຍແຮງທີ່ສຸດຄັ້ງໜຶ່ງ ໃນປະຫວັດສາດ ສະໄໝໃໝ່ ລວມເຖິງການຢືນຢັນວ່າ ລັດຖະບານ ພວມພິຈາລະນາ ການເກັບພາສີໃໝ່ ສຳລັບ ຄົນຮັ່ງມີ
ຂປລ.ສຳນັກຂ່າວ ເອເອຟພີ ລາຍງານວ່າ: ທ່ານ ອອງຕວນ ອາຣມ໊ອງ ລັດຖະມົນຕີ ການເງິນຂອງ ຝຣັ່ງ ກ່າວວ່າ: ປັດຈຸບັນ ຝຣັ່ງ ມີການຂາດດຸນ ສາທາລະນະ ຮ້າຍແຮງທີ່ສຸດຄັ້ງໜຶ່ງ ໃນປະຫວັດສາດ ສະໄໝໃໝ່ ລວມເຖິງການຢືນຢັນວ່າ ລັດຖະບານ ພວມພິຈາລະນາ ການເກັບພາສີໃໝ່ ສຳລັບ ຄົນຮັ່ງມີ ແລະ ທຸລະກິດຂະໜາດໃຫຍ່ ເພື່ອເຮັດໃຫ້ການເງິນ ກັບມາເປັນປົກກະຕິ. ໂດຍຈະມີການປຶກສາຫາລື ກັບຜູ້ມີບົດບາດ ທາງເສດຖະກິດ ລວມເຖິງສະຫະພາບ ແລະ ອົງກອນ ນາຍຈ້າງຫລາຍແຫ່ງ ເພື່ອພະຍາຍາມ ຫລຸດການໃຊ້ຈ່າຍ ຫລາຍເກີນໄປ ຂອງລັດຖະບານ.
ການຂາດດຸນຂອງຝຣັ່ງ ຄາດວ່າຈະສູງເຖິງ 5,6% ຂອງຜົນຜະລິດ ຂອງປະເທດ ໃນປີນີ້ ຫລື ຫລາຍກວ່ານັ້ນ ຊຶ່ງກວມເອົາເກືອບສອງເທົ່າ ຂອງຂິດຈຳກັດ ຂອງສະຫະພາບ ເອີຣົບ(ອີຢູ).
ໂດຍລັດຖະບານຊຸດໃໝ່ ພາຍໃຕ້ ການນໍາພາຂອງ ທ່ານ ມິເຊລ ບາຣນິເຢຣ ນາຍົກລັດຖະມົນຕີ ຝຣັ່ງ ຊຶ່ງຕ້ອງຜະເຊີນກັບ ຄວາມທ້າທາຍ ໃນລັດຖະສະພາ ໃນອີກບໍ່ເທົ່າໃດ ເດືອນຕໍ່ໜ້າ, ຊຶ່ງຄະນະລັດ ຖະມົນຕີ ຕ້ອງພະຍາຍາມ ຈັດສັນງົບປະມານປີ 2025 ພ້ອມຂັ້ນຕອນ ການແກ້ໄຂການເງິນ ສາທາລະນະ ຜ່ານສະມາຊິກ ສະພາຜູ້ແທນ ຊຶ່ງແບ່ງອອກເປັນ 3 ຝ່າຍຫລັງການເລືອກຕັ້ງ ກ່ອນກຳນົດ ເມື່ອເດືອນກໍລະກົດ ທີ່ຜ່ານມາ.
KPL
