ຂປລ
ກະຊວງຂ່າວສານ ມຽນມາ ລາຍງານວ່າ: ຈຳນວນຜູ້ເສຍຊີວິດ ຈາກອຸທົກກະໄພ ຄັ້ງໃຫຍ່ ຊຶ່ງເປັນຜົນມາຈາກ ອິດທິພົນຂອງພາຍຸ ຢາກິ ໃນເດືອນນີ້ ເພີ່ມຂຶ້ນຢ່າງໜ້ອຍ 419 ຄົນ ແລະ ສູນຫາຍອີກ 89 ຄົນ. ໃນຂະນະທີ່ ປະຊາຊົນ ຈຳນວນປະມານ 887.000 ຄົນ
ຂປລ.ສຳນັກຂ່າວ ຕ່າງປະເທດ, ວັນທີ 25 ກັນຍາ, ກະຊວງຂ່າວສານ ມຽນມາ ລາຍງານວ່າ: ຈຳນວນຜູ້ເສຍຊີວິດ ຈາກອຸທົກກະໄພ ຄັ້ງໃຫຍ່ ຊຶ່ງເປັນຜົນມາຈາກ ອິດທິພົນຂອງພາຍຸ ຢາກິ ໃນເດືອນນີ້ ເພີ່ມຂຶ້ນຢ່າງໜ້ອຍ 419 ຄົນ ແລະ ສູນຫາຍອີກ 89 ຄົນ. ໃນຂະນະທີ່ ປະຊາຊົນ ຈຳນວນປະມານ 887.000 ຄົນ ໃນມຽນມາ ພວມຜະເຊີນກັບ ຄວາມເດືອດຮ້ອນ ຈາກອຸທົກກະໄພຄັ້ງນີ້ ແລະ ຕ້ອງການຄວາມຊ່ວຍເຫລືອ ດ້ານມະນຸດສະທຳ ຢ່າງເລັ່ງດ່ວນ.
ໃນຂະນະທີ່ ທ່ານ ພລ ອະມິນ ອອ່ງ ຫລ່າຍ ຜູ້ບັນຊາການ ທະຫານສູງສຸດ ຂອງຜູ້ນໍາລັດຖະບານ ທະຫານມຽນມາ ມີຄຳສັ່ງໃຫ້ເຈົ້າໜ້າທີ່ ໜ່ວຍງານລັດ ຕິດຕໍ່ປະສານງານ ກັບໜ່ວຍງານ ຕ່າງປະເທດ ເພື່ອຂໍຄວາມສະໜັບສະໜູນ ທັງໃນດ້ານການກູ້ໄພ ແລະ ການມອບຄວາມຊ່ວຍເຫລືອ ໃຫ້ແກ່ປະຊາຊົນ ໃນພື້ນທີ່ປະສົບ ອຸທົກກະໄພດ້ວຍ.
KPL
