ຂປລ
ທ່ານ ພານ ກົງເຊິ່ງ ປະທານທະນາຄານ ປະຊາຊົນ ສປຈີນ (ພີບີໂອຊີ) ຫລື ທະນາຄານກາງ ສປຈີນ ຖະແຫລງ ກ່ຽວກັບ ມາດຕະການ ກະຕຸ້ນ ເສດຖະກິດຮອບໃໝ່ ລວມເຖິງ ການປັບຫລຸດ ອັດຕາສ່ວນ ການສຳຮອງຂອງທະນາຄານການຄ້າ
ຂປລ.ສຳນັກຂ່າວຕ່າງປະເທດ ລາຍງານຈາກ ນະຄອນຫລວງປັກກິ່ງ ປະເທດ ສປຈີນ ເມື່ອວັນທີ 24 ກັນຍາວ່າ: ທ່ານ ພານ ກົງເຊິ່ງ ປະທານທະນາຄານ ປະຊາຊົນ ສປຈີນ (ພີບີໂອຊີ) ຫລື ທະນາຄານກາງ ສປຈີນ ຖະແຫລງ ກ່ຽວກັບ ມາດຕະການ ກະຕຸ້ນ ເສດຖະກິດຮອບໃໝ່ ລວມເຖິງ ການປັບຫລຸດ ອັດຕາສ່ວນ ການສຳຮອງຂອງທະນາຄານການຄ້າ (ອາຣອາຣອາຣ) ຫລື ເງິນສຳຮອງຂັ້ນຕໍ່າ ທີ່ສະຖາບັນ ການເງິນພາຍໃນປະເທດ ຕ້ອງສຳຮອງໄວ້ກັບ ພີບີໂອຊີ ອີກ 0,50% ,ຂະນະດຽວກັນ ພີບີໂອຊີ ມີແຜນປັບຫລຸດ ອັດຕາດອກເບ້ຍ ອີກ 0,25-0,50%.
ການປັບຫລຸດ ອາຣອາຣອາຣ ຄາດວ່າ ຈະຊ່ວຍເສີມສ້າງ ສະພາບຄ່ອງ ໃຫ້ແກ່ຕະຫລາດການເງິນ ຂອງປະເທດອີກປະມານ 1 ພັນຕື້ຢວນ ແລະ ການປັບຫລຸດ ອັດຕາດອກເບ້ຍ ຈະສ້າງປະໂຫຍດ ໃຫ້ແກ່ປະຊາຊົນ ປະມານ 150 ລ້ານຄົວເຮືອນ ທົ່ວປະເທດ, ເນື່ອງຈາກຈະຊ່ວຍ ຫລຸດໜີ້ຄົວເຮືອນ ໂດຍສະເລ່ຍປີລະ ປະມານ 150.000 ລ້ານຢວນ./
KPL