ຂປລ
ການແລກປ່ຽນທາງການຄ້າຂອງ ກໍາປູເຈຍ ກັບກຸ່ມປະເທດ ສະມາຊິກອາຊຽນ (ASEAN) ກວມເອົາມູນຄ່າ 1,04 ໝື່ນລ້ານໂດລາສະຫະລັດ ໃນໄລຍະ 8 ເດືອນທຳອິດ (ເດືອນມັງກອນ-ເດືອນສິງຫາ) ຂອງປີນີ້, ເພີ່ມຂຶ້ນ 11,8%
ຂປລ.ສຳນັກຂ່າວ ຊິນຮວາຂອງ ສປຈີນ, ສຳນັກງານພາສີ ທົ່ວໄປຂອງ ກຳປູເຈຍ ລະບຸວ່າ: ການແລກປ່ຽນທາງການຄ້າຂອງ ກໍາປູເຈຍ ກັບກຸ່ມປະເທດ ສະມາຊິກອາຊຽນ (ASEAN) ກວມເອົາມູນຄ່າ 1,04 ໝື່ນລ້ານໂດລາສະຫະລັດ ໃນໄລຍະ 8 ເດືອນທຳອິດ (ເດືອນມັງກອນ-ເດືອນສິງຫາ) ຂອງປີນີ້, ເພີ່ມຂຶ້ນ 11,8% ເມື່ອທຽບໃສ່ ໄລຍະເວລາດຽວກັນ ຂອງປີກາຍ.
ກຳປູເຈຍ ສົ່ງອອກຜະລິດຕະພັນ ລວມມີ ມູນຄ່າ 3,43 ຕື້ໂດລາ ສະຫະລັດ ໄປຍັງກຸ່ມປະເທດ ສະມາຊິກອາຊຽນ ເພີ່ມຂຶ້ນ 10% ເມື່ອທຽບໃສ່ ໄລຍະເວລາດຽວກັນ ຂອງປີກາຍ. ສ່ວນການນໍາເຂົ້າ ຈາກອາຊຽນ ດ້ວຍມູນຄ່າ 7,06 ຕື້ໂດລາສະຫະລັດ, ເພີ່ມຂຶ້ນ 12,5%. ຂະນະທີ່ ປະລິມານການຄ້າຂອງ ກໍາປູເຈຍ ກັບ ອາຊຽນ ກວມເອົາ 28,4% ຂອງມູນຄ່າ ການຄ້າລວມ. ນອກນັ້ນ ຄູ່ການຄ້າ 5 ອັນດັບທຳອິດ ຂອງກຳປູເຈຍ ໃນອາຊຽນ ເຊັ່ນ: ຫວຽດນາມ, ໄທ, ສິງກະໂປ, ອິນໂດເນເຊຍ ແລະ ມາເລເຊຍ./
KPL
