ຂປລ
ກຳປູເຈຍ ໄດ້ເປີດ ສະຖານີ ຕູ້ຄອນເທັນເນີ(ຕູ້ສິນຄ້າ) ຢູ່ ທ່າກຳປັ່ນ ອັດໂນມາຕິ ສີຫນຸວິລ ເພີ່ມຂຶ້ນ ດ້ວຍມູນຄ່າ 37,5 ລ້ານໂດລາ ສະຫະລັດ ຫລັງຈາກກໍ່ສ້າງ ມາເປັນ ເວລາເຖິງ 17 ເດືອນ .
ຂປລ.ສຳນັກຂ່າວ ຊິນຮວາ ຂອງ ສປຈີນ, ວັນທີ 12 ກັນຍາ, ກຳປູເຈຍ ໄດ້ເປີດ ສະຖານີ ຕູ້ຄອນເທັນເນີ(ຕູ້ສິນຄ້າ) ຢູ່ ທ່າກຳປັ່ນ ອັດໂນມາຕິ ສີຫນຸວິລ ເພີ່ມຂຶ້ນ ດ້ວຍມູນຄ່າ 37,5 ລ້ານໂດລາ ສະຫະລັດ ຫລັງຈາກກໍ່ສ້າງ ມາເປັນ ເວລາເຖິງ 17 ເດືອນ . ໂດຍສະຖານີ ຕູ້ຄອນເທັນເນີ ແຫ່ງໃໝ່ ມີຄວາມຍາວ 253 ແມັດ ສາມາດຮອງຮັບ ຕູ້ຄອນເທັນເນີໄດ້ ປະມານ 4,5 ແສນທີອີຢູ (TEU: ໜ່ວຍນັບຕູ້ ຄອນເທັນເນີ ທີ່ມີ ຄວາມຍາວ 20 ຟຸດ)ຕໍ່ປີ.
ໂດຍ ທ່ານ ຮຸນມາເນດ ນາຍົກ ລັດຖະມົນຕີ ກຳປູເຈຍ ລະບຸວ່າ: ທ່າກຳປັ່ນ ແຫ່ງນີ້ ເປັນທ່າກຳປັ່ນ ທະເລແຫ່ງດຽວ ທີ່ມີ ຄວາມສຳຄັນ ດ້ານການຄ້າ ລະຫວ່າງ ປະເທດ ຂອງ ກຳປູເຈຍ, ພ້ອມກັນນັນ ຍັງມີ ບົດບາດ ໃນການ ສະໜັບສະໜູນ ພັດທະນາ ສັງຄົມ ແລະ ເສດຖະກິດ ຂອງປະເທດ ໃນພາກພື້ນ ແລະ ທົ່ວໂລກ , ໃນຂະນະດຽວກັນ, ກໍາປູເຈຍ ຈະຍົກລະດັບ ທ່າກຳປັ່ນແຫ່ງນີ້ ໃຫ້ເປັນສູນກາງ ດ້ານໂລຈິສະຕິກ ລະດັບ ພາກພື້ນ. ນອກນັ້ນ, ທ່ານ ເພັງ ໂພນີ ລັດຖະມົນຕີ ກະຊວງ ໂຍທາທິການ ແລະ ການຂົນສົ່ງ ຂອງ ກຳປູເຈຍ ຍັງກ່າວວ່າ: ສະຖານີ ຕູ້ຄອນເທັນເນີໃໝ່ ແຫ່ງໃໝ່ນີ້ ສາມາດ ຮັບຮອງ ຕູ້ຄອນເທັນເນີ ເພີ່ມຂຶ້ນເຖິງ 1 ລ້ານທີອີຢູ ແລະ ສ້າງລາຍໄດ້ເຖິງ 66 ລ້ານໂດລາ ສະຫະລັດ ໃນເດືອນມັງກອນ-ເດືອນກໍລະກົດ ຜ່ານມາ, ເພີ່ມຂຶ້ນ 26% ເມື່ອທຽບໃສ່ປີຕໍ່ປີ. /
KPL
