ຫວ່າງບໍ່ດົນມານີ້, ທ່ານສົມພິດແກ້ວວິຈິດຫົວໜ້າກົມທຸລະກິດ ພະລັງງານກະຊວງພະລັງງານ ແລະ ບໍ່ແຮ່ ສປປລາວໄດ້ມອບໃບຍ້ອງຍໍ ໃຫ້ແກ່ບໍລິສັດໄຟຟ້າປາກແບ່ງ ຈຳກັດ ເພື່ອຍ້ອງຍໍຄວາມພະຍາຍາມ ຂອງບໍລິສັດ ນີ້ ທີ່ໄດ້ປະກອບສ່ວນເຂົ້າໃນການຈັດຕັ້ງປະຕິບັດ ແຜນພັດທະນາຕາມທິດສີຂຽວ ຂອງລັດຖະບານ ແລະ ການປະຕິບັດພັນທະສັງຄົມ.

ບໍລິສັດໄຟຟ້າປາກແບ່ງ ຈຳກັດເປັນບໍລິສັດຮ່ວມທຶນ ທີ່ໄດ້ຮ່ວມກັນສ້າງຕັ້ງຂຶ້ນ ໃນເດືອນສິງຫາປີ 2023 ໂດຍບໍລິສັດ ໄຊນາຕ້າຖັງໂອເວີຊີສອິນເວັນສ໌ເມັນ ຈຳກັດ ,ບໍລິສັດກັລຟ໌ ດີເວບລອບເມັນຈຳກັດຂອງໄທ, ບໍລິສັດດັ່ງກ່າວໄດ້ຮັບຜິດຊອບການພັດທະນາ, ການກໍ່ສ້າງແລະການດຳເນີນໂຄງການ ເຂື່ອນໄຟຟ້າປາກແບງ. ໂຄງການດັ່ງກ່າວເປັນໂຄງການສຳຄັນ ທີ່ນອນໃນແຜນພັດທະນາ ເສດຖະກິດ-ສັງຄົມ ຂອງຂອງລັດຖະບານ. ທັງ ເປັນໂຄງການສຳຄັນໃນການຮ່ວມມື ດ້ານກຳລັງການຜະລິດ ແລະ ການລົງທຶນຮອບທີ 3 ລະຫວ່າງສອງປະເທດ ລາວ -ຈີນ ທັງເປັນໂຄງການຫລັກໃນການຊື້ຂາຍໄຟຟ້າ ລະຫວ່າງສອງປະເທດລາວ-ໄທ.

ທ່ານ ສົມພິດ ແກ້ວວິຈິດ ໄດ້ມີຄຳເຫັນໃນພິທີໃບຍ້ອງຍໍດັ່ງກ່າວວ່າ: ນັບແຕ່ບໍລິສັດໄຟຟ້າປາກແບ່ງຈຳກັດ ໄດ້ຮັບການສ້າງຕັ້ງຂຶ້ນ ກໍ່ໄດ້ຮ່ວມມືກັບລັດຖະບານລາວຢ່າງໃກ້ຊິດ ເພື່ອປະຕິບັດວຽກງານທີ່ກ່ຽວຂ້ອງ ແລະ ປະຕິບັດພັນທະສັງຄົມ, ໄດ້ປະກອບສ່ວນເຂົ້າໃນການພັດທະນາ ຂະແໜງພະລັງງານໄຟ້າຂອງລາວ ແລະ ການພັດທະນາສັງຄົມໃນທ້ອງຖິ່ນ. ພ້ອມກັນນັ້ນ, ທ່ານຍັງເນັ້ນໃຫ້ບໍລິສັດສືບ ຕໍ່ຕັ້ງໜ້າພັດທະນາໂຄງການເຂື່ອນ ໄຟຟ້າປາກແບ່ງ ໃຫ້ເປັນໂຄງການຕົວແບບອັນໃໝ່ ໃນການຮ່ວມມືດ້ານພະລັງງານລະຫວ່າງລາວ-ຈີນ.

ຕາງໜ້າບໍລິສັດໄຟຟ້າປາກແບ່ງ ຈຳກັດຮັບໃບຍ້ອງຍໍໃນຄັ້ງນີ້ແມ່ນທ່ານອູທ່າວ (Mr.Wu Tao) ຜູ້ອຳນວຍການຂອງບໍລິສັດ. ໃນໂອກາດນີ້ ທ່ານອູທ່າວໄດ້ກ່າວຄວາມຂອບໃຈ ຕໍ່ລັດຖະບານລາວທີ່ຍາມໃດ ກໍໄດ້ໃຫ້ ການສະໜັບສະໜູນ ແລະ ປະຕິຍານວ່າຈະສືບຕໍ່ຈັດຕັ້ງປະຕິບັ ດຕາມແຜນກໍ່ສ້າງປະຊາຄົມຮ່ວມ ຊາຕາກຳລາວ-ຈີນສະບັບໃໝ່ ເພື່ອບັນລຸຄາດໝາຍທີ່ໄດ້ວາງໄວ້, ພ້ອມທັງຈະດຳເນີນທຸລະກິດ ຢ່າງຖືກຕ້ອງຕາມລະບຽບ ກົດໝາຍ, ຜັກດັນການພັດທະນາ ໂຄງການເຂື່ອນໄຟຟ້າປາກແບ່ງ ຢ່າງມີຄຸນນະພາບສູງ, ຕັ້ງໜ້າປະຕິບັດພັນທະສັງຄົມ ເພື່ອປະກອບສ່ວນເຂົ້າ ໃນການພັດທະນາຂອງລາວ ຕາມນະໂຍບາຍສີຂຽວ ແລະ ມີການປ່ອຍອາຍ ກາກບອນຕໍ່າ, ລວມທັງການພັດທະນາ ຂອງເສດຖະກິດ-ສັງຄົມຂອງທ້ອງຖິ່ນ.

ນັບແຕ່ບໍລິສັດໄຟຟ້າປາກແບ່ງ ຈຳກັດໄດ້ຮັບການສ້າງຕັ້ງຂຶ້ນ ກໍ່ສຸມໃສ່ການກໍ່ສ້າງໂຄງການເຂື່ອນໄຟຟ້າ ຕົວແບບສີຂຽວ ແລະ ໂຄງການສາທິດ ໃນເຂດອາຊີຕາເວັນອອກສ່ຽງໃຕ້ ຢ່າງສະເໝີຕົ້ນສະເໝີປາຍ, ໃຫ້ການ ຮ່ວມມືກັບລັດຖະບານລາວ ເພື່ອສົ່ງເສີມແລະເຜີຍແພ່ແນວຄິດ ການພັດທະນາແບບຍຶນຍົງຕາມທິດສີຂຽວ, ນອກນັ້ນ, ຍັງປະຕິບັດພັນທະຂອງຕົນ ໃນການຊ່ວຍແກ້ໄຂຄວາມທຸກຍາກ ແລະ ສົ່ງເສີມວຽກງານການສຶກສາ ແນໃສ່ສ້າງບຸກຄະລາກອນ ທາງດ້ານການພັດທະນາພະລັງງານ, ການກໍ່ສ້າງ ແລ ະການຄຸ້ມຄອງບໍລິຫານໃຫ້ແກ່ ສປປລາວ.

KPL