ຄະນະພັກຮາກຖານກອງພັນເຄມີ 15 ສະຫລຸບການກໍ່ສ້າງ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023

23/05/2024 20:24
Email Print 1440
ຂປລ ຂປລ. ຄະນະພັກຮາກຖານກອງພັນເຄມີ 15 ຈັດກອງປະຊຸມສະຫລຸບ ຖອດຖອນບົດຮຽນ ການປັບປຸງກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ແລະ ວາງທິດທາງແຜນ ການ ປະຈໍາປີ 2024 ໃນວັນທີ 23 ພຶດສະພາ 2024 ໂດຍການເປັນ ປະທານຂອງ ສະຫາຍ ພັນໂທ ຄຳເຜີຍ ສິມມາໄລ ຮອງຫົວໜ້າກົມເຄມີສາດ ກົມໃຫຍ່ເສນາທິການກອງທັບ, ມີຄະນະພັກຮາກຖານ, ບັນດາຄະນະໜ່ວຍພັກ ພ້ອມດ້ວຍສະມາຊິກພັກເຂົ້າຮ່ວມ.



ຂປລ. ຄະນະພັກຮາກຖານກອງພັນເຄມີ
15 ຈັດກອງປະຊຸມສະຫລຸບ ຖອດຖອນບົດຮຽນ ການປັບປຸງກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ແລະ ວາງທິດທາງແຜນ ການ ປະຈໍາປີ 2024 ໃນວັນທີ 23 ພຶດສະພາ 2024 ໂດຍການເປັນ ປະທານຂອງ ສະຫາຍ ພັນໂທ ຄຳເຜີຍ ສິມມາໄລ ຮອງຫົວໜ້າກົມເຄມີສາດ ກົມໃຫຍ່ເສນາທິການກອງທັບ, ມີຄະນະພັກຮາກຖານ, ບັນດາຄະນະໜ່ວຍພັກ ພ້ອມດ້ວຍສະມາຊິກພັກເຂົ້າຮ່ວມ.



ສະຫາຍ ພັນໂທ ສະຫວັດ ສິດທິເດດ ເລຂາຄະນະພັກຮາກຖານ, ຫົວໜ້າການເມືອງ ກອງພັນ ເຄມີ
15 ໄດ້ຜ່ານບົດສະຫລຸບຕີລາຄາຄຸນນະພາບ ການກໍ່ສ້າງກົມກອງ-ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023 ໂດຍໄດ້ສັງຮວມດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບາງບົດ ຮຽນທີ່ຖອດຖອນໄດ້ ເຊິ່ງໄລຍະຜ່ານມາ, ຄະນະພັກທຸກຂັ້ນ ໄດ້ເອົາໃຈໃສ່ຈັດຕັ້ງຄົ້ນຄວ້າເຊື່ອມຊຶມ ແນວທາງນະໂຍບາຍຂອງພັກ, ກົດໝາຍຂອງລັດ, ລະບຽບວິໃນຂອງກອງທັບ, ດຳເນີນຊີວິດການເມືອງຢ່າງກວ້າງຂວາງ ແລະ ເລິກເຊິ່ງ; ຈັດປາຖະກະຖາມູນເຊື້ອຂອງຊາດ, ຂອງພັກ, ຂອງກອງທັບ ເພື່ອສ້າງຜົນງານຂ່ຳນັບຮັບຕ້ອນວັນສໍາຄັນຕ່າງໆ ຢ່າງເປັນຂະບວນຟົດຟື້ນ; ຄະນະພັກ, ພະນັກງານ-ສະມາຊິກພັກມີຄວາມເປັນເອກະພາບສູງ ຕໍ່ແນວທາງນະໂຍບາຍຂອງພັກ, ຢຶດໝັ້ນຕໍ່ອຸດົມ ການຂອງພັກ, ມີຄວາມ ສາມັກຄີເປັນເອກະພາບພາຍໃນແໜ້ນແຟ້ນ, ເຄົາລົບ ແລະ ປະຕິບັດລະບຽບກົດໝາຍ, ລະບຽບວິໄນຂອງກອງທັບຢ່າງເຂັ້ມງວດ; ແຕ່ລະໜ່ວຍພັກ ໄດ້ຍົກສູງສະຕິລະວັງຕົວກົນອຸບາຍ ທໍາລາຍມ້າງເພຂອງສັດຕູ, ນໍາພາຈັດຕັ້ງລະບອບ ປະຈຳການຈັດຕັ້ງປ້ອງກັນເປົ້າໝາຍສຳຄັນຕ່າງໆ ມີຄວາມສະຫງົບປອດໄພ 100%. ຜ່ານການຈັດຕັ້ງປະຕິບັດຂະບວນການກໍ່ສ້າງໜ່ວຍພັກ ສາມາດສ້າງໄດ້ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023 ທົ່ວກອງພັນເຄມີ 15 ມີ 5 ໜ່ວຍພັກ. ໃນນີ້, ມີໜ່ວຍພັກທີ່ຖືກຮັບຮອງ ເປັນໜ່ວຍປອດໃສ, ເຂັ້ມແຂງ, ໜັກແໜ້ນ ຕິດຕໍ່ກັນ 4 ສະໄໝ 4 ໜ່ວຍພັກ ແລະ 3 ສະໄໝຕິດຕໍ່ກັນ 1 ໜ່ວຍພັກ.

 

ໃນພິທີ, ຍັງໄດ້ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ
, ໜັກແໜ້ນໃຫ້ບັນດາໜ່ວຍພັກ ທີ່ຂຶ້ນຄະນະພັກຮາກຖານກັບກອງພັນເຄມີ 15 ແລະ ມອບຫລຽນໄຊພິລະອາດຫານຊັ້ນ II ຈໍານວນ 10 ສະຫາຍ, ຫລຽນໄຊພິລະອາດຫານຊັ້ນ III ຈໍານວນ 24 ສະຫາຍ, ໃບຍ້ອງຍໍກະຊວງປ້ອງກັນປະເທດ 9 ສະຫາຍ ແລະ ໃບຍ້ອງຍໍກົມໃຫຍ່ການເມືອງກອງທັບ 10 ສະຫາຍ ໃນໂອກາດສະເຫລີມສະຫລອງວັນສ້າງຕັ້ງ ກອງທັບປະຊາຊົນລາວ ຄົບຮອບ 75 ປີ.

ຂ່າວ: ຄຳອ້າຍ ທອງວັນ

KPL

ຂ່າວອື່ນໆ

ads
ads

Top