ຂປລ
ຂປລ. ທັບນັກກິລາເພາະກາຍ ທີມຊາດລາວ ສ້າງຜົນງານໂດດ ເດັ່ນ ສາມາດຄວ້າ 3 ຫລຽນຄຳ ແລະ 3 ຫລຽນເງິນ ໃນການແຂ່ງຂັນ ກິລາເພາະກາຍ ຊີງແຊັມອາຊີ ຄັ້ງທ ີ 58 ທີ່ຈັດຂຶ້ນລະຫວ່າງວັນທີ 22- 28 ກັນຍາ 2026 ທີ່ນະຄອນ ຫລວງບາງກອກ ປະເທດໄທ ໂດຍ ມີ 44 ປະເທດສະມາຊິກເຂົ້າຮ່ວມ.
ຈາກການແຂ່ງຂັນດັ່ງກ່າວ, ທີມນັກກິລາລາວ ໄດ້ສະແດງສັກ ກະຍະພາບຕໍ່ສູ້ຢ່າງສຸດຄວາມ ສາມາດ ຈົນສາມາດບັນລຸເປົ້າໝາຍ ທີ່ສະຫະພັນຕັ້ງໄວ້ໄດ້ຢ່າງສຳເລັດ ຜົນ. ໃນການແຂ່ງຂັນມື້ສຸດທ້າຍ ວັນທີ 27 ກັນຍາ 2026 ນາງ ສົມມະນິນ ພານຸສິດ ໄດ້ສະແດງ ຄວາມສາມາດໄດ້ຢ່າງໜ້າປະທັບ ໃຈກໍາມະການສາມາດຄວ້າເພີ່ມ ອີກ 2 ຫລຽນລວມ (1 ຫລຽນຄຳ ຈາກລາຍການເພາະກາຍຍິງຫຸ່ນ ງາມ ອາຍຸ 35 ປີຂຶ້ນໄປ ແລະ 1 ຫລຽນເງິນ ຈາກລາຍການເພາະ ກາຍຍິງຫຸ່ນງາມ ຄວາມສູງບໍ່ເກີນ 165 ຊັງຕີແມັດ).
ສຳລັບຜົນງານລວມທັງ 3 ມ 3 ຫລຽນຄຳ ໄດ້ຈາກ ນາງ ເພັດ ສະລາ ວັນນະສານ ລາຍການເພາະ ກາຍຍິງຫຸ່ນງາມ ຄວາມສູງບໍ່ເກີນ 155 ຊັງຕີແມັດ, ນາງ ຈິນຕະນາ ຄຳບຸນເຮືອງ ລາຍການເພາະກາຍ ຍິງຫຸ່ນງາມ ຄວາມສູງບໍ່ເກີນ 165 ຊັງຕີແມັດ ແລະ ນາງ ສົມມະນິນ ພານຸສິດ ລາຍການເພາະກາຍຍິງ ຫຸ່ນງາມ ອາຍຸ 35 ປີຂຶ້ນໄປ. ຂະນະ ທີ່ 3 ຫລຽນເງິນ ໄດ້ຈາກ ນາງ ເພັດສະລາ ວັນນະສານ ລາຍການ (Model Physique) ຄວາມ ສູງບໍ່ເກີນ 165 ຊັງຕີແມັດ, ນາງ ຈິນຕະນາ ຄຳບຸນເຮືອງ ຍິງຫຸ່ນ ງາມ ອາຍຸ 35 ປີຂຶ້ນໄປ ແລະ ນາງ ສົມມະນິນ ພານຸສິດ ຍິງຫຸ່ນງາມ ຄວາມສູງບໍ່ເກີນ 165 ຊັງຕີແມັດ. ໃນໂອກາດນີ້ ສະຫະພັນກິລາ ເພາະກາຍແຫ່ງຊາດລາວ ຍັງ ໄດ້ສະແດງຄວາມຊົມເຊີຍຕໍ່ນັກ ກິລາທຸກທ່ານ ປະກອບມີນາງ ວອນມະນີ ໄຊຍະສານ, ທ້າວ ແກ້ວຕາ ພະພິລົມລາສັກ, ທ້າວ ສິນປະເສີດ ວົງພັນ ແລະ ທ້າວ ສັນຕິສຸກ ດວງແກ້ວມະນີ ພ້ອມ ດ້ວຍຄະນະນຳສະຫະພັນ ທີ່ໄດ້ສ້າງ ຊື່ສຽງ ແລະ ຄວາມພາກພູມໃຈມາ ໃຫ້ປະເທດຊາດ. ຈາກປະສົບການ ຈາກເວທີອາຊີຄັ້ງນີ້, ຈະເປັນກຳລັງ ໃຈສຳຄັນໃນການກຽມພ້ອມລຸຍຕໍ່ ລາຍການໃຫຍ່ ໃນການແຂ່ງຂັນ ເພາະກາຍ ຊີງແຊັມໂລກ ຄັ້ງທີ 17 ທີ່ ສປປ ລາວ ຈະໄດ້ຮັບກຽດເປັນ ເຈົ້າພາບ ໃນເດືອນທັນວາ 2026 ທີ່ຈະມາເຖິງນີ້. ຂ່າວ: ສີພອນ
KPL
