ຂປລ
ຂປລ. ໃນວັນທີ 10 ເມສາ 2024 ນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານນາງ ສົມເດັດ ກິຕິຊັງຮັກ ບານດິດແມນຊໍາອານ ປະທານສະພາແນວໂຮມສາມັກຄີພັດທະນາມາຕຸພູມ, ຮອງປະທານພັກ, ທີ່ປຶກສາສູງສຸດຂອງພະຣາຊາ ແຫ່ງຣາຊະອານາຈັກກຳປູເຈຍ
ຂປລ. ໃນວັນທີ 10 ເມສາ 2024 ນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານນາງ ສົມເດັດ ກິຕິຊັງຮັກ ບານດິດແມນຊໍາອານ ປະທານສະພາແນວໂຮມສາມັກຄີພັດທະນາມາຕຸພູມ, ຮອງປະທານພັກ, ທີ່ປຶກສາສູງສຸດຂອງພະຣາຊາ ແຫ່ງຣາຊະອານາຈັກກຳປູເຈຍ ພ້ອມຄະນະ ໃນໂອກາດເດີນທາງມາເຂົ້າຮ່ວມ ກອງປະຊຸມປະທານແນວໂຮມ 3 ປະເທດ ກຳປູເຈຍ-ລາວ-ຫວຽດນາມ ຄັ້ງທີ 5 ທີ່ນະຄອນຫລວງວຽງຈັນ ລະຫວ່າງວັນທີ 9-11 ເມສາ 2024 ນີ້.
ທ່ານ ສອນໄຊ ສີພັນດອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ ທ່ານ ນາງ ສົມເດັດ ກິຕິຊັງຮັກ ບານດິດແມນຊໍາອານ ທີ່ໄດ້ນຳພາຄະນະ ເຂົ້າຮ່ວມກອງປະຊຸມປະທານແນວໂຮມ 3 ປະເທດ ທີ່ ສປປ ລາວ ໄດ້ຮັບກຽດເປັນເຈົ້າພາບໃນຄັ້ງນີ້ ເຊິ່ງເປັນການປະກອບສ່ວນສໍາຄັນ ເຂົ້າໃນການເພີ່ມພູນຄູນສ້າງ ສາຍພົວພັນມິດຕະພາບ ລະຫວ່າງ ລາວ-ກຳາປູເຈຍ ໃຫ້ໄດ້ຮັບການພັດທະນາ ແລະ ແຕກດອກອອກຜົນຍິ່ງໆຂຶ້ນ ໂດຍສະເພາະແມ່ນການພົວພັນຮ່ວມມືລະຫວ່າງ ສູນກາງແນວລາວສ້າງຊາດ ແລະ ສະພາແນວໂຮມສາມັກຄີພັດທະນາມາຕຸພູມ ແຫ່ງຣາຊະອານາຈັກກຳປູເຈຍ.
ໃນໂອກາດດຽວກັນ, ທ່ານ ນາງ ສົມເດັດ ກິຕິຊັງຮັກ ບານດິດແມນຊໍາອານ ກໍໄດ້ສະແດງຄວາມຂອບໃຈ ຕໍ່ທ່ານນາຍົກລັດຖະມົນຕີ, ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງຂອງການເດີນທາງມາເຮັດວຽກ ຢູ່ສປປ ລາວ ກໍຄື ຜົນການເຂົ້າຮ່ວມກອງປະ ຊຸມປະທານແນວໂຮມ 3 ປະເທດ ກຳປູເຈຍ-ລາວ-ຫວຽດນາມ ຄັ້ງທີ 5 ຕື່ມອີກ.
ຂ່າວ: ສົມຫວັງ
ພາບ: ກົມປະຊາສຳພັນ ຫສນຍ
KPL
