ສາຍການບິນຫວຽດເຈັດ ຕົກລົງຮ່ວມມືກັບຜູ້ໃຫ້ບໍລິການດ້ານການບິນລະດັບສາກົນ

26/02/2024 13:23
Email Print 2613
ຂປລ ຂປລ. ໃນງານວາງສະແດງເຮືອບິນ 2024 (Airshow 2024) ທີ່ປະເທດສິງກະໂປ ສາຍການບິນຫວຽດເຈັດ (Vietjet) ໄດ້ປະສົບຜົນສໍາເລັດຢ່າງໃຫຍ່ຫລວງ ໂດຍການຕົກລົງຮ່ວມມືກັບຜູ້ໃຫ້ບໍລິການດ້ານອຸດສາຫະກຳການບິນ ລະດັບສາກົນເຊັ່ນ: Airbus, Rolls-Royce, RTX's Pratt & Whitney ແລະ Safran

ຂປລ. ໃນງານວາງສະແດງເຮືອບິນ 2024(Airshow 2024) ທີ່ປະເທດສິງກະໂປ ສາຍການບິນຫວຽດເຈັດ (Vietjet) ໄດ້ປະສົບຜົນສໍາເລັດຢ່າງໃຫຍ່ຫລວງ ໂດຍການຕົກລົງຮ່ວມມືກັບຜູ້ໃຫ້ບໍລິການດ້ານອຸດສາຫະກຳການບິນ ລະດັບສາກົນເຊັ່ນ: Airbus, Rolls-Royce, RTX's Pratt & Whitney ແລະSafran ເພື່ອສ້າງ​ຄວາມ​ເຂັ້ມ​ແຂງ ແລະ ສະ​ໜັບ​ສະ​ໜູນ​ການ​ຂະ​ຫຍາຍຕາໜ່າງການ​ບິນ​​ໃນ​ອະ​ນາ​ຄົດ​​ ເພື່ອ​​ສະ​ແດງ​ເຖິງ​ຄວາມມຸ່ງໝັ້ນດ້ານ​ຄວາມ​ປອດ​ໄພ​, ການມີປະ​ສິດ​ທິ​ພາບ​ ແລະ​ ຄວາມ​ຍືນ​ຍົງດ້ານສິ່ງແວດລ້ອມ​.

ຂໍ້ຕົກລົງສຳຄັນຂອງສາຍການບິນ Vietjet ແລະ Airbus ແມ່ນໄດ້ລົງນາມໃນບົດບັນທຶກຄວາມເຂົ້າໃຈ ສໍາລັບ ການຊື້ເຮືອບິນ A330neo (A330-900)widebodies 20 ລຳ ຊຶ່ງ ເປັນເຮືອບິນຂະໜາດໃຫຍ່ທີ່ສຸດຂອງ Vietjet. ເຮືອບິນດັ່ງກ່າວຈະປະກອບສ່ວນ ຂະຫຍາຍຕາໜ່າງການບິນ ລວມເຖິງການບໍລິການລະດັບພາກພື້ນທີ່ມີຄວາມສາ ມາດສູງ. ເຮືອບິນ A330neo ອອກແບບໃຫ້ມີຄວາມສອດຄ່ອງກັບຍຸດທະສາດ ການພັດທະນາແບບຍືນຍົງ ແລະ ເປົ້າໝາຍ ESG ຂອງ Vietjet, ໂດຍຕັ້ງເປົ້າໝາຍທີ່ຈະຫລຸດຜ່ອນການປ່ອຍມົນລະພິດໃຫ້ເປັນສູນໃນປີ 2050. ເຮືອບິນ A330neo ມີຫ້ອງໂດຍສານທີ່ສະດວກສະບາຍ ແລະ ມີສິ່ງອໍານວຍຄວາມສະດວກທີ່ທັນສະໄໝ. ເຮຶອບິນ A330neo ຂັບເຄື່ອນດ້ວຍເຄື່ອງຈັກ Rolls-Royce Trent 7000, ທີ່ສາມາດບິນດ້ວຍຄວາມໄວ 7.200 nm/13.300 ກິໂລແມັດ.

ພ້ອມນີ້ ສາຍການບິນ Vietjet ຍັງເລືອກເຄື່ອງຈັກ Trent 7000 ຂອງ Rolls-Royce ມາຂັບເຄື່ອນດ້ວຍ A330neo 20 ລຳ. ເຄື່ອງຈັກ Trent 7000 ທີ່ມາພ້ອມແນວຄິດດ້ານຄວາມຍືນ ຍົງສາມາດປະຢັດນໍ້າມັນ ເຊື້ອໄຟ ພ້ອມທັງຫລຸດຜ່ອນການປ່ອຍມົນລະພິດຢ່າງຫລວງຫລາຍ ໂດຍສະເພາະແມ່ນ ອາຍກາກໂບນິກ (CO2) ໄດ້​ຫລາຍ​ກວ່າ 100.000 ໂຕນ​ຕະຫລອດອາຍຸການໃຊ້ງານຂອງເຮືອບິນ​. ນີ້ເປັນການ ສະແດງເຖິງຄວາມຮັບຜິດຊອບຕໍ່ສິ່ງ ແວດ ລ້ອມ. ເມື່ອເຄື່ອງຈັກ Trent 7000 ຖືດຕິດດຕັ້ງໃສ່ເຮືອບິນ Airbus A330neo ຈະຊ່ວຍຊຸກຍູ້ ໃຫ້ສາຍການບິນ Vietjet ກ້າວຂຶ້ນສູ່ລະດັບເຕັກໂນໂລຊີໃໝ່ ເພື່ອເພີ່ມຄຸນນະພາບສາຍການບິນໃຫ້ມີປະສິດທິພາບ.

ຂະນະດຽວກັນ, ສາຍການບິນ Vietjet ຍັງເລືອກເຄື່ອງຈັກ Pratt & Whitney RTX ເພື່ອຂັບເຄື່ອນເຮືອບິນ A321neo ອີກ 19 ລຳ ເພື່ອຢືນຢັນການຮ່ວມມືຢ່າງຕໍ່ເນື່ອງລະຫວ່າງສາຍການບິນ Vietjet ແລະ Pratt & Whitney. ສາຍການບິນ Vietjet​ ໝັ້ນ​ໃຈ​ຕໍ່​ເຕັກ​ໂນ​ໂລ​ຊີຂອງ Pratt & Whitney, ທີ່ເນັ້ນ​ໜັກ​ເຖິງ​ປະ​ສິດ​ທິ​ພາບ​ດ້ານ​ພະ​ລັງ​ງານ ແລະ ຜົນ​ປະ​ໂຫຍດ​ດ້ານ​ສິ່ງ​ແວດ​ລ້ອມ​ຂອງ​ເຮືອ​ບິນ. ເຄື່ອງຈັກ Pratt & Whitney GTF ຈະຖືກ ສະໜອງໃຫ້ Vietjet, ເຊິ່ງເປັນໜຶ່ງໃນເຄື່ອງຈັກທີ່ມີປະລິມານການບໍລິໂພກນໍ້າມັນ ແລະ ການປ່ອຍມົນລະພິດຕໍ່າ ທີ່ສຸດໃນພາກພື້ນ.

ໃນງານດັ່ງກ່າວ ສາຍການບິນ Vietjet ແລະ Safran ໄດ້ປະກາດການຮ່ວມມືກ່ຽວກັບອຸປະກອນຄວາມປອດ ໄພໃນເຮືອບິນ B737MAX ຊຶ່ງອຸປະກອນຄວາມປອດໄພດັ່ງກ່າວປະກອບມີ: ເຮືອຊູຊີບ, ອຸປະກອນປ້ອງກັນລະບົບ ຫາຍໃຈ, ໜ້າກາກລູກເຮືອ, ເສື້ອຊູຊີບ ແລະ ໜ່ວຍງານບໍລິການສະໜັບສະໜູນທີ່ກ່ຽວຂ້ອງ. ຜະລິດຕະພັນ Safran AeroSystems ໄດ້ຖືກເລືອກເນື່ອງຈາກມີວິທີແກ້ໄຂບັນຫາໃໝ່ໆ ແລະ ຄວາມມຸ່ງໝັ້ນໃນການອອກແບບອຸປະ ກອນຄວາມປອດໄພທີ່ທັນສະໄໝ.

ດ້ວຍ​ເຮືອ​ບິນ​ກວ່າ105 ລຳແລະການ​ຂົນ​ສົ່ງ​ຜູ້​ໂດຍສານ​ເພີ່ມ​ຂຶ້ນ​ຢ່າງ​ບໍ່​ຢຸດ​ຢັ້ງ, ສາຍການບິນ Vietjet ຕັ້ງໃຈ ຂະຫຍາຍຕາໜາງການບິນ​ໄປຫາຈຸດໝາຍປາຍທາງໃນທົ່ວຫວຽດນາມ, ອົດສະຕຣາລີ, ອິນເດຍ, ຈີນ, ຍີ່ປຸ່ນ, ສ ເກົາ ຫລີ, ອິນໂດເນເຊຍ, ໄທ ແລະ ຈຸດໝາຍປາຍທາງລະຫວ່າງທະວີບ. ສາຍການບິນ Vietjet ໄດ້ມຸ່ງໝັ້ນທີ່ຈະຫາປະ ສົບການການບິນທີ່ດີທີ່ສຸດໃນລາຄາທີ່ດີທີ່ສຸດໃຫ້ແກ່ຜູ້ໂດຍສານ ຜ່ານການຮ່ວມມືຍຸດທະສາດກັບບັນດາຄູ່ຮ່ວມການບິນ ແລະ ເຕັກໂນໂລຊີອຸດສາຫະກໍາການບິນໃນທົ່ວໂລກ. ຂະນະດຽວກັນໃນ ວັນທີ 25 ກຸມພາ, ສາຍການບີນ Vietjet ໄດ້ເປີດຖ້ຽວບິນກົງ ລະຫວ່າງ ນະຄອນຫລວງວຽງຈັນ ແລະ ນະຄອນໂຮ່ຈີ່ມິງ 4 ຖ້ຽວຕໍ່ອາທິດ (ວັນຈັນ, ວັນພຸດ, ວັນສຸກ ແລະ ວັນອາທິດ) ໃຊ້ເວລາເດີນທາງພຽງແຕ່ 1 ຊົ່ວໂມງ 45 ນາທີ, ເຊິ່ງເປັນການເດີນທາງທີ່ສະດວກ ແລະ ກຸ້ມຄ່າທີ່ສຸດ./. 
KPL

ຂ່າວອື່ນໆ

ads
ads

Top