ຂປລ
ເຄນຍາ ເປີດໂຕສະຖານີ ສາກໄຟຟ້າ ສຳລັບ ລົດໂດຍສານ ສາທາລະນະ ແຫ່ງທຳອິດ ພາຍໃຕ້ ຄວາມພະຍາຍາມ ສົ່ງເສີມ ການປ່ຽນຜ່ານ ສູ່ການສັນຈອນ ທີ່ເປັນມິດ ຕໍ່ສິ່ງແວດລ້ອມ ຂອງ ປະເທດ.
ຂປລ. ສຳນັກຂ່າວ ຊິນຮວາຂອງ ສປຈີນ, ວັນທີ 24 ເດືອນພຶດສະພາ, ເຄນຍາ ເປີດໂຕສະຖານີ ສາກໄຟຟ້າ ສຳລັບ ລົດໂດຍສານ ສາທາລະນະ ແຫ່ງທຳອິດ ພາຍໃຕ້ ຄວາມພະຍາຍາມ ສົ່ງເສີມ ການປ່ຽນຜ່ານ ສູ່ການສັນຈອນ ທີ່ເປັນມິດ ຕໍ່ສິ່ງແວດລ້ອມ ຂອງ ປະເທດ. ທ່ານ ຈິດ ບັດຕາຈາຍາ ປະທານ ບາຊີໂກ (BasiGo) ເປັນ ບໍລິສັດສະຕາຣອັບ ສັນຊາດເຄນຍາ ກ່າວວ່າ ສະຖານີ ສາກຖ່ານແບບໄວ ດ້ວຍກະແສໄຟຟ້້າແຮງສູງ ຊຶ່ງມີ ຂີດຄວາມ ສາມາດ ໃນການສາກ ລົດໂດຍສານ ພ້ອມກັນ ຈຳນວນ 6 ຄັນ ໄດ້ຮັບການພັດທະນາ ໂດຍການ ສະໜັບ ສະໜູນ ຂອງ ເຄນຍາ ພາວເວີຣ (Kenya Power) ເປັນໜ່ວຍງານ ດ້ານພະລັງງານ ຂອງລັດ.
ທ່ານ ຈິດ ບັດຕາຈາຍາ ກ່າວວ່າ: ສະຖານີ ສາກໄຟຟ້າ ດັ່ງກ່າວ ເປັນສະຖານີ ແຫ່ງທຳອິດ ທີ່ເຊື່ອມຕໍ່ ກັບ ແນວທາງ ການຂັບເຄື່ອນ ດ້ວຍລະບົບ ໄຟຟ້າ ແບບໃໝ່ ຂອງ ເຄນຍາ ທີ່ໄດ້ຮັບການ ອະນຸມັດ ເມື່ອເດືອນມີນາ , ຊຶ່ງຈັດສັນ ພະລັງງານ ຕົ້ນທຶນຕໍ່າ ສຳລັບ ການສາກ ຍານພາຫະນະ ໄຟຟ້າ ໃນເວລາກາງຄືນ ອັນເປັນໄລຍະ ທີ່ ປະເທດ ມີຊັບພະຍາກອນ ພະລັງງານ ໝູນວຽນ ຢ່າງຫລວງຫລາຍ.
ນອກຈາກນັ້ນ, ທ່ານ ຈິດ ບັດຕາຈາຍາ ກ່າວວ່າ: ປັດຈຸບັນ, ຂະແໜງການຂົນສົ່ງ ພາຍໃນປະເທດ ມີສ່ວນ ໃນການປ່ອຍແກັສ ເຮືອນແກ້ວ 12% ຂອງ ການປ່ອຍແກັສ ເຮືອນແກ້ວ ທັງໝົດ ໂດຍຄາດວ່າ: ການປ່ອຍແກັສ ຂອງ ພາກສ່ວນນີ້ ຈະເພິ່ມຂຶ້ນ 17% ໃນປີ 2030 ຈຶ່ງຄວນມີການສະໜັບສະໜູນ ໃນຂະແໜງການຂັບເຄື່ອນ ດ້ວຍລະບົບໄຟຟ້າ ໃຫ້ຈະເລີນເຕີບໂຕ ແລະ ກ້າວໜ້າ ເພື່ອຮັບມືກັບທ່າອຽງດັ່ງກ່າວ./.
KPL