ເຂົ້າ​ຊອຍຮ້ານ​​ແມ່​ສຸກຕົ້ນສະບັບຈາກກລວງນໍ້າທາ

25/05/2023 10:48
Email Print 616
ຂປລ *ເມື່ອ​ເອີຍ​ເຖິງ ຮ້ານ​ເຂົ້າ​ຊອຍ​ແຊບ​ຂອງ​ເມືອງສີສັດຕະ​ນາກ ​ແລ້ວ​ກໍ​ມີ​ຫລາຍໆຮ້ານ ທີ່​ຄົນ​ນິຍົມ​ຊົມ​ຊອບ ​​ແລະ ໜຶ່ງ​ໃນນັ້ນ​ກໍ​ຕ້ອງ​ມີ​ຮ້ານ​ແມ່​ສຸກ​ເຂົ້າ​ຊອຍ​ແຊບ ຕົ້ນ​ຕໍາ​ລັບ​ຈາກ​ເມືອງ​ສິງ ​​ແຂວງ​ຫລວງ​ນໍ້າ​ທາ ດ້ວຍ​ຄວາມ​ແຊບ, ຄວາມ​ເຂັ້ມ​ຂຸ້ນ​ຂອງ​ນໍ້າໜ້າ​ເຂົ້າ​ຊອຍ​ທີ່​ຜ່ານ​ການ​ປຸງ ​ດ້ວຍ​ສູດ​ສະ​ເພາະ​ທີ່​ເປັນ​ເອກະລັກ​ຂອງ​ທາງ​ຮ້ານ,​ ເສັ້ນ​ເຂົ້າ​ຊອຍ​ທີ່​ອ່ອນ​ນຸ່ມ​ ບວກ​ກັບ​​ວັດຖຸ​ດິບ​ທີ່​ສົດ​​ໃໝ່​ໃນ​ແຕ່​ລະ​ມື້​​ ຍິ່ງ​ເພີ່ມ​ຄວາມ​ແຊບ​ໄດ້​​ເປັນ​ຢ່າງ​ດີ.




*ເມື່ອ​ເອີຍ​ເຖິງ ຮ້ານ​ເຂົ້າ​ຊອຍ​ແຊບ​ຂອງ​ເມືອງ ສີສັດຕະ​ນາກ ​ແລ້ວ​ກໍ​ມີ​ຫລາຍໆຮ້ານ ທີ່​ຄົນ​ນິຍົມ​ຊົມ​ຊອບ ​​ແລະ ໜຶ່ງ​ໃນນັ້ນ​ກໍ​ຕ້ອງ​ມີ​ຮ້ານ​ແມ່​ສຸກ​ເຂົ້າ​ຊອຍ​ແຊບ ຕົ້ນ​ຕໍາ​ລັບ​ຈາກ​ເມືອງ​ສິງ ​​ແຂວງ​ຫລວງ​ນໍ້າ​ທາ ດ້ວຍ​ຄວາມ​ແຊບ, ຄວາມ​ເຂັ້ມ​ຂຸ້ນ​ຂອງ​ນໍ້າໜ້າ​ເຂົ້າ​ຊອຍ​ທີ່​ຜ່ານ​ການ​ປຸງ ​ດ້ວຍ​ສູດ​ສະ​ເພາະ​ທີ່​ເປັນ​ເອກະລັກ​ຂອງ​ທາງ​ຮ້ານ,​ ເສັ້ນ​ເຂົ້າ​ຊອຍ​ທີ່​ອ່ອນ​ນຸ່ມ​ ບວກ​ກັບ​​ວັດຖຸ​ດິບ​ທີ່​ສົດ​​ໃໝ່​ໃນ​ແຕ່​ລະ​ມື້​​ ຍິ່ງ​ເພີ່ມ​ຄວາມ​ແຊບ​ໄດ້​​ເປັນ​ຢ່າງ​ດີ. ນອກ​ນີ້, ​ ສິ່ງ​ທີ່​ມັດ​ໃຈ​ລູກ​ຄ້າ​​​ອີກ​ຢ່າງໜຶ່ງ ກໍ​ຄື​ການ​ບໍລິການທີ່​ດີ ມີ​ຄວາມ​ຍິ້ມ​ແຍ່​ມ​ແຈ່ມ​ໃສ, ຄວາມວ່ອງ​ໄວ​ທັນ​ໃຈ ກໍ​ຄືໝາກຫົວ​ໃຈ​ສໍາຄັນ​​ທີ່​ຈະ​ເຮັດ​​ໃຫ້ປະສົບ​ຜົນ​ສໍາ​ເລັດ​ໃນ​ອາ​ຊີບ​ການບໍລິ​ການ​ໄດ້.

ທ່ານນາງ ຈັນສຸກ ສີມະຫາໂນ  ເຈົ້າຂອງຮ້ານເຂົ້າຊອຍແມ່ສຸກໄດ້ໃຫ້ຮູ້ວ່າ:   ຮ້ານ​ເຂົ້າ​ຊອຍ​ແມ່​ສຸກ​ເກີດ​ຈາກ​ຄວາມ​ມັກ​​ໃນ​ການ​ກິນ​ເຂົ້າ​ຊອຍ ​ແລະ ​ໄດ້​ໄປ​ກິນ​ຫລາຍ​ບ່ອນ​ແລ້ວ​ກໍ​ບໍ່​ຖຶກ​ໃຈ ຈຶ່ງ​ມັກ​ເຮັດ​ກິນ​​ເອງ ພາຍໃນຄອບຄົວເທົ່ານັ້ນ ດ້ວຍລົດຊາດທີ່ມີຄວາມແຊບ ຈຶ່ງໄດ້ຮັບສຽງສະໜັບສະໜຸນຈາກຄົນອ້ອມຂ້າງ ໃຫ້ເປີດຮ້ານເພື່ອຂາຍເມນູດັ່ງກ່າວ ໃຫ້ ສັງຄົມໄດ້ຮັບປະທານນຳດ້ວຍ,​ ຂ້າພະເຈົ້າຈຶ່ງຕັດສິນໃຈເປີດຮ້ານເຂົ້າຊອຍ ແມ່ສຸກແຫ່ງນີ້ເປັນທາງການມາ​ແຕ່​ທ້າຍ​ປີທີ່ຜ່ານມາ ໂດຍເປັນສູດເຂົ້າຊອຍຕົ້ນຕຳລັບເມືອງສິງ ແຂວງຫລວງນ້ຳທາ ທີ່ເສີບໃຫ້ລູກຄ້າໄດ້ຮັບປະທານຄຽງຄູ່ ກັບຜັກນ້ຳທີ່ເປັນຜັກພື້ນເມືອງ ທີ່ມີລົດຊາດເປັນເອກະລັກ​, ໂດຍ​ປັດຈຸບັນ ນອກຈາກຈຳໜ່າຍເມນູເຂົ້າຊອຍ ທີ່ເປັນເຂົ້າ ຊອຍນ້ຳແລ້ວ, ທາງຮ້ານໄດ້ມີການ ຜະລິດໜ້າເຂົ້າຊອຍແບບບັນ ຈຸພັນໃນແບບສຳເລັດຮູບນຳດ້ວຍ ເພື່ອອຳນວຍຄວາມສະດວກ ໃຫ້ແກ່ກຸ່ມລູກຄ້າທີ່ມີຄວາມຕ້ອງການ ໃນການຮັບປະທານເຂົ້າຊອຍ ໃນເຂດຫ່າງໄກສາມາດເຂົ້າເຖິງຜະລິດ ຕະພັນເຂົ້າຊອຍແມ່ສຸກໄດ້ກວ້າງຂວາງຂຶ້ນ  ເຊິ່ງປັດຈຸບັນມີໜ້າເຂົ້າຊອຍ ແບບສຳເຮັດຮູບມີ ຂະໜາດ  300 ກຣາມ ເຖິງສາມລົດຊາດໃຫ້ລູກຄ້າໄດ້ເລືອກຄື : ໜ້າເຂົ້າຊອຍໝູ,ໄກ່ ແລະ ງົວ ທີ່ປາສະຈາກສານກັນບູດ ສາມາດຊື້ເປັນເຄື່ອງຕ້ອນຂອງຝາກ​ໄດ້. ນອກ​ນີ້​, ສິ່ງ​ທີ່​ມັດ​ໃຈ​ລູກ​ຄ້າ​ກໍ​ຄື​ການ ​ ຮັກສາມາດຕະຖານ ຂອງຜະລິດຕະພັນເຂົ້າຊອຍພາຍໃນຮ້ານ ໃຫ້ດີທີ່ສຸດໂດຍຈະເອົາໃຈໃສ່ຄວາມສະອາດ, ວັດດຸດິບສົດໃໝ່, ລົດຊາດອາຫານມີຄວາມແຊບ, ການບໍລິ ການປະທັບໃຈມາເປັນອັນດັບທຳອິດ.





 ທ່ານນາງ ຈັນສຸກ ​ເວົ້າ​ຕື່ມ​ວ່າ:  ​ເພື່ອ​ຮອງ​ຮັບລູກ​ຄ້າ​ທີ່​ນັບ​ມື້​ເພີ່ມ​ຂຶ້ນ ກໍ​ມີແຜນການຂະຫຍາຍຮ້ານເຂົ້າຊອຍແມ່ສຸກ ໃຫ້ມີສີສັນອັນໂດດເດັ່ນຂຶ້ນດ້ວຍການຕົບແຕ່ງ ແບບເອກະລັກຫລວງພະບາງ, ເພີ່ມເມນູໃຫ້ຫລາກຫລາຍຂຶ້ນ ເພື່ອຕອບໂຈດຄວາມຕ້ອງການຂອງລູກຄ້າ ແລະ ມີແຜນຈະເພີ່ມເມນູກາເຟ ແລະ ເຄື່ອງດື່ມເພື່ອສຸຂະພາບເຂົ້າຕື່ມ ພິເສດໃນ ໄວໆນີ້ ຈະມີການເພີ່ມເມນູເຂົ້າຊອຍຜັດແຫ້ງ ແລະ ເມນູໝີ່ກອບເຂົ້າຊອຍເຂົ້າຕື່ມ. ເຖິງແມ່ນວ່າໃນເວລານີ້ທຸລະກິດຮ້ານເຂົ້າຊອຍ ຈະມີການແຂ່ງຂັນກັນສູງໃນນາມຮ້ານເຂົ້າຊອຍແມ່ສຸກເອງ ແມ່ນມີການຕະຫລາດດຶງດູດລູກຄ້າເຂົ້າມາຮ້ານ ໃຫ້ຫລາຍທີ່ສຸດດ້ວຍການໝູນໃຊ້ຄຳວ່າ ຄວາມຄຸ້ມຄ່າກັບລາຄາໃຫ້ກັບລູກຄ້າທຸກໆທ່ານ ຄືທາງຮ້ານຈະກຳນົດ ລາຄາອາຫານທີ່ບໍ່ແພງ ລູກຄ້າທຸກກຸ່ມສາມາດເຂົ້າເຖິງໄດ້ ແທດເໝາະກັບສະພາບເສດຖະກິດໃນຍຸກປະຈຸບັນ ພ້ອມທັງຮັບປະລິມານອາຫານ ທີ່ຄຸ້ມຄ່າກວ່າລາຄາທີ່ລູກຄ້າຈ່າຍໄປນຳດ້ວຍ ສິ່ງນີ້ຄືຄວາມປະທັບໃຈທີ່ເປັນການຕະຫລາດ ທີ່ສາມາດຄອງໃຈລູກຄ້າຂອງຮ້ານເຂົ້າຊອຍ ແມ່ສຸກດ້ວຍດີຕະຫລອດມາ.
ຮ້ານເຂົ້າຊອຍແມ່ສຸກເປີດບໍລິການໃນວັນຈັນ - ວັນເສົາ (ປິດທຸກວັນອາທິດ) ໃນເວລາ 07:00ໂມງ - 16:00ໂມງ, ສະຖານທີ່ຕັ້ງຢູ່ບ້ານສະພານທອງໃຕ້, ເມືອງສີສັດຕະນາກ, ນະຄອນຫລວງວຽງຈັນ.

ຂຽນໂດຍ:ມາລີດາ

KPL

ຂ່າວອື່ນໆ

    • ປະທານສຸພານຸວົງ ຍືນຍົງໃນພາລະກິດປະຕິວັດ ຂອງຊາດລາວຕະຫລອດໄປບົດ-ສາລະຄະດີ

      ປະທານສຸພານຸວົງ ຍືນຍົງໃນພາລະກິດປະຕິວັດ ຂອງຊາດລາວຕະຫລອດໄປ

      7/12/2024 5:43:00 PM

      * ມື້ນີ້, ວັນທີ 13 ກໍລະກົດ 2024, ພໍດີ ຄົບຮອບ 115 ປີ (13/7/1909-13/7/2024) ວັນວັນເກີດ ຂອງປະທານ ສຸພານຸວົງ ຜູ້ນໍາທີ່ດີເດັ່ນ ແລະ ເຄົາລົບຮັກຂອງປະຊາ ຊົນລາວບັນດາ ເຜົ່າ; ຕະ ຫລອດຊີວິດຂອງເພິ່ນ ໄດ້ອຸທິດໃຫ້ແກ່ການປະຕິວັດ ຕໍ່ສູ້ປົດປ່ອຍຊາດ ຍາດເອົາເອກະລາດ ມາໃຫ້ແກ່ປວງຊົນລາວ ຈາກການເປັນຂ້ອຍຂ້າມ້າໃຊ້ຂອງຈັກ ກະພັດລ່າເມືອງຂຶ້ນ.

    • ສ້າງຄວາມ​ເຂັ້ມ​ແຂງສະຕິຊາດ ສ້າງ​ເສດຖະກິດ​ ​ເອກະລາດເປັນ​ເຈົ້າ​ຕົນ​ເອງບົດ-ສາລະຄະດີ

      ສ້າງຄວາມ​ເຂັ້ມ​ແຂງສະຕິຊາດ ສ້າງ​ເສດຖະກິດ​ ​ເອກະລາດເປັນ​ເຈົ້າ​ຕົນ​ເອງ

      7/12/2024 5:31:51 PM

      ສະພາວະເສດຖະກິດ​ຕົກ​ຕໍ່າ ​ໄພ​ເງິນ​ເຟີ້, ຄ່າ​ຄອງ​ຊີບ​ສູງ, ລາຄາ​ນໍ້າມັນ​ແພງ ​​ໄດ້ສົ່ງ​ຜົນ​ກະທົບ​ຕໍ່​ຜົນ​ຜະລິດ​ທາງ​​ເສດຖະກິດ, ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ ​ແລະ​ ການ​ຈ້າງ​ແຮງ​ງານ. ສະພາບ​ການ​ນີ້​ເຮັດ​ໃຫ້​ຫລາຍໆ​ປະ​ເທດ ​ໄດ້​ຊອກ​ວິທີ​ທາງ​ແກ້​ໄຂ ດ້ວຍ​​ກົນລະຍຸດ​ຕ່າງໆ ແຕ່​ການ​ຜັນ​ແປຂອງ​ສະພາ​ບການ​ຂອງ​ໂລກ, ຄວາມ​ບໍ່​ແນ່ນອນ​ທີ່​ເກີດ​ຂຶ້ນ​ຫລາຍໆ​ຢ່າງ ໃນ​ຮອບ​ປີຜ່ານ ມາ ​ເຮັດ​ໃຫ້​ຫລາຍ​ຝ່າຍ​ຄາດ​ຄະ​ເນ​ວ່າ ​ເສດຖະກິດ​ໂລກ ຍັງ​ສືບ​ຕໍ່​ຜັນແປໄປຢ່າງສັບສົນ ແລະ ຄາດ​ເດົາ​ໄດ້​ຍາກ​.

    • ຮັກສາສັດນໍ້າ-ສັດປ່າ ເພື່ອຄວາມຍືນຍົງຂອງທຳມະຊາດບົດ-ສາລະຄະດີ

      ຮັກສາສັດນໍ້າ-ສັດປ່າ ເພື່ອຄວາມຍືນຍົງຂອງທຳມະຊາດ

      7/11/2024 10:26:08 AM

      ວັນປ່ອຍປາ, ວັນອະນຸລັກສັດນໍ້າ ແລະ ສັດປ່າແຫ່ງຊາດ 13 ກໍລະກົດ ປີນີ້ ຈະກົງກັບວັນເສົາ ເຊິ່ງເປັນມື້ພັກລັດຖະການ, ແຕ່ຊາບວ່າຫລາຍພາກສ່ວນກ່ຽວຂ້ອງກໍ່ມີແຜນກິດຈະກໍາປ່ອຍສັດນໍ້າ-ສັດປ່າ ສູ່ແຫລ່ງທໍາມະຊາດ ເພື່ອເພີ່ມຄວາມອຸດົມສົມບູນດ້ານຊັບພະຍາກອນທໍາມະຊາດ ແລະ ສິ່ງທີ່ມີຊີວິດນາໆພັນ.

    • ຄຳ: ຂີດ-ຈົກ-ຕໍ່າ ໃນພາສາລາວບົດ-ສາລະຄະດີ

      ຄຳ: ຂີດ-ຈົກ-ຕໍ່າ ໃນພາສາລາວ

      7/11/2024 10:14:58 AM

      ການຕໍ່າຫູກທໍໄໝ ເປັນຫັດຖະກໍາມູນເຊື້ອຂອງລາວ. ແຕ່ໃດມາເພດຍິງລາວຮູ້ຈັກຕໍ່າຫູກນັບແຕ່ໄວເຍົາວະຊົນມີຫລາຍ, ໂດຍອາໄສແມ່-ແມ່ເຖົ້າ, ແມ່ຕູ້ ...ນໍາພາເຮັດຕົວຈິງ, ທັງສອນ ແລະ ເຮັດຕົວຈິງໄປພ້ອມ.

    • ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໝັ້ນຄົງຕະຫລອດການບົດ-ສາລະຄະດີ

      ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໝັ້ນຄົງຕະຫລອດການ

      7/11/2024 10:09:31 AM

      ສອງປະເທດລາວ ແລະ ຫວຽດນາມ ມີຄວາມຜູກພັນສະໜິດແໜ້ນກັນມາຢ່າງຍາວນານ ຍ້ອນວ່າໄດ້ຮ່ວມຊາຕາກໍາປະຫວັດສາດ, ນັບແຕ່ທ້າຍສັດຕະວັດ 19 ເປັນຕົ້ນມາ, ສອງຊາດໄດ້ພ້ອມກັນດໍາເນີນການຕໍ່ສູ້ຕ້ານສັດຕູໂຕດຽວກັນ ຄືພວກລ່າເມືອງຂຶ້ນຝຣັ່ງ, ຟາດຊິດຍີ່ປຸ່ນ ແລະ ຈັກກະພັດອາເມລິກາ ເພື່ອກອບກູ້ ແລະ ປົກປັກຮັກສາປະເທດຊາດ

ads
ads

Top