ສຳມະນາ ແຜນພັດທະນາເສດຖະກິດ ດີຈິຕອນ ຂອງ ສປປ ລາວ ຢູ່ແຂວງໄຊຍະບູລີ

22/02/2023 15:38
Email Print 10406
ຂປລ ຂປລ. ກະຊວງເຕັກໂນໂລຊີ ແລະ ການສື່ສານ ຈັດສຳມະນາກ່ຽວກັບ ແຜນພັດທະນາ ເສດຖະກິດດີຈິຕອນ ຂອງ ສປປ ລາວ ຈັດຂຶ້ນໃນວັນທີ 21 ກຸມພາ 2023 ຢູ່ແຂວງໄຊຍະບູລີ ໂດຍມີ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ

ຂປລ. ກະຊວງເຕັກໂນໂລຊີ ແລະ ການສື່ສານ ຈັດສຳມະນາກ່ຽວກັບ ແຜນພັດທະນາ ເສດຖະກິດດີຈິຕອນ ຂອງ ສປປ ລາວ ຈັດຂຶ້ນໃນວັນທີ 21 ກຸມພາ 2023 ຢູ່ແຂວງໄຊຍະບູລີ ໂດຍມີ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ທ່ານ ບໍ່ວຽງຄໍາ ວົງດາລາ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ມີການ​ນຳ​ແຂວງ​ໄຊ​ຍະ​ບູ​ລີ ແລະ ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ ແລະ ໄດ້ຮັບຟັງ ການສະເໜີກ່ຽວກັບ ການຫັນເປັນດີຈິຕອນ ຂອງ ສປປ ລາວ ໃນຍຸກອຸດສາຫະກໍາ 4.0, ສະເໜີກ່ຽວກັບການຫັນເປັນ ດີຈິຕອນທາງສັງຄົມ, ວຽກງານຫັນບໍລິການລັດ ເປັນດີຈິຕອນ ແລະ ການຫັນດີຈິຕອນທາງເສດຖະກິດ.

ທ່ານ ພົງສະຫວັນ ສິດທະວົງ ໄດ້ໃຫ້ຮູ້ວ່າ: ໃນ 1 ປີຜ່ານມາ, ອົງການປົກຄອງຂັ້ນຕ່າງໆ ໄດ້ເອົາໃຈໃສ່ນໍາພາ-ຊີ້ນໍາການຈັດຕັ້ງປະຕິບັດ ວຽກງານເຕັກໂນໂລຊີ ແລະ ການສື່ສານ ໂດຍສະເພາະ ວຽກງານການ ຫັນເປັນດີຈິຕອນ ແມ່ນເປັນວຽກງານໜຶ່ງ ທີ່ລັດຖະບານແຫ່ງ ສປປ ລາວ ໃຫ້ຄວາມສຳຄັນ ແລະ ຖືເປັນວຽກບຸລິມະສິດ ໃນການປະກອບສ່ວນພັດທະນາ ເສດຖະກິດ-ສັງຄົມ ແຫ່ງຊາດ ຊຶ່ງໃນກອງປະຊຸມສະພາແຫ່ງຊາດ ໃນເດືອນພະຈິກ 2021 ທີ່ຜ່ານມາ ໄດ້ເຫັນດີຮັບຮອງເອົາ ວິໄສທັດການພັດທະນາ ເສດຖະກິດດີຈິຕອນແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາ ເສດຖະກິດດີຈິຕອນແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາ ເສດຖະກິດດີຈິຕອນ ແຫ່ງຊາດ ໄລຍະ 5 ປີ (2021-2025) ຊຶ່ງປະກອບມີ 8 ຍຸດທະສາດ ແລະ 14 ແຜນງານ.

ສຳລັບແຂວງໄຊຍະບູລີ ໃນໄລຍະຜ່ານ ໄດ້ເອົາໃຈໃສ່ຊຸກຍູ້ສົ່ງເສີມ ລົງເຄື່ອນໄຫວເຜີຍແຜ່, ພ້ອມທັງຈັດຕັ້ງຝຶກອົບຮົມການນໍາໃຊ້ ICT ໃຫ້ແກ່ບັນດາພະແນກການ, ອົງການ, ກົມກອງອ້ອມຂ້າງ ແຂວງ ແລະ ບັນດາເມືອງ 11 ເມືອງ ເປັນຕົ້ນ ການນຳໃຊ້ໂປແກຣມລາວສູ້ສູ້ (Lao KYC), ລະບົບກອງປະຊຸມທາງໄກ (Video Conference) ແມ່ນໄດ້ນຳໃຊ້ຢ່າງກວ້າງຂວາງ ຢູ່ພາຍໃນແຂວງ ໂດຍສະເພາະ ໃນໄລຍະມີການລະບາດ ພະຍາດໂຄວິດ-19 ລະບົບດັ່ງກ່າວ ສາມາດເຊື່ອມຕໍ່ລິ້ງ ຫາກັນໄດ້ຈາກສູນກາງ ຫາແຂວງ ແລະ ຈາກແຂວງຫາບັນດາເມືອງ. ສ່ວນລະບົບສື່ສານພາກລັດ ຈີແຊດ (G-Chat) ລະບົບເວັບໄຊຂອງພາກລັດ (G-Web Platform) ໄດ້ນໍາໃຊ້ຢູ່ພະແນກການຈໍານວນໜຶ່ງ ແລະ ລະບົບຫ້ອງການທັນສະໄໝ ອີອອຟ​ຟິດ (E-Office), ລະບົບຈັດເກັບ ເອກະສານ (G-Share, G-Drive), ລະບົບຈົດໝາຍເອເລັກໂຕຣນິກພາກລັດ (E-Mail) ແມ່ນໄດ້ທົດລອງນໍາໃຊ້ ຢູ່ພາຍໃນຂົງເຂດ ພະແນກເຕັກໂນໂລຊີ ແລະ ການສື່ສານແຂວງ.

ໃນໂອກາດມາເຄື່ອນໄຫວວຽກງານຄັ້ງນີ້, ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ ໄດ້ມອບລະບົບເຄືອຂ່າຍພາຍໃນ G-Net (ຈີເນັດ), ລະບົບກອງປະຊຸມທາງໄກ (Video Conference), ລະບົບ E-office, ລະບົບ E-mail, ລະບົບ G-chat, ລະບົບ G-web ແລະ ລະບົບ G-share, ມູນຄ່າ 460 ກວ່າລ້ານກີບ ໃຫ້ແຂວງໄຊຍະບູລີ.

ຂ່າວ: ມະໄລວັນ

KPL

ຂ່າວອື່ນໆ

    • ປີ 2023 ເສດຖະກິດຂອງລາວ ຈະບັນລຸ 4,2% ແຕ່ຫລຸດແຜນວາງໄວ້ເສດຖະກິດ

      ປີ 2023 ເສດຖະກິດຂອງລາວ ຈະບັນລຸ 4,2% ແຕ່ຫລຸດແຜນວາງໄວ້

      11/1/2023 10:12:38 AM

      ຕາມການລາຍງານຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ຕໍ່ກອງປະຊຸມ ສະໄຫມສາມັນເທື່ອທີ 6 ຂອງສະພາແຫ່ງຊາດຊຸດທີ IX ໄຂຂຶ້ນໃນວັນທີ 1 ພະຈິກ 2023 ນີ້ວ່າ:

    • ກຸ່ມບໍລິສັດທາງລົດໄຟຈີນ ​ ເປັນຜູ້ຜະລິດ ໝອນຮອງລາງລົດໄຟ ໄດ້ມາດຕະຖານແຫ່ງທຳອິດໃນລາວເສດຖະກິດ

      ກຸ່ມບໍລິສັດທາງລົດໄຟຈີນ ​ ເປັນຜູ້ຜະລິດ ໝອນຮອງລາງລົດໄຟ ໄດ້ມາດຕະຖານແຫ່ງທຳອິດໃນລາວ

      10/17/2023 4:59:43 PM

      ຂປລ. ປີ 2019-2023 ຈາກໂຄງການຜະລິດໝອນຮອງລາງທາງລົດໄຟ ລາວ-ຈີນ​ ໄປ​ຮອດໂຄງການຜະລິດສີ້ນສ່ວນຂະໜາດນ້ອຍ ຂອງ ທາງລົດໄຟບໍ່ເຕ່ນ-ນະຄອນຫລວງວຽງຈັນ, ກຸ່ມບໍລິສັດທາງລົດໄຟຈີນເລກທີ 15​ ໄດ້ຢຶດໝັ້ນຫລັກການ "ປຶກສາຫາລືຮ່ວມກັນກໍ່ສ້າງ​ແລະ ຮ່ວມກັນ" ​ໄດ້ອອກແຮງສ້າງໜຶ່ງ ແລວທາງໜຶ່ງເສັ້ນທາງ​ໃຫ້ດີຂຶ້ນໃນ ສປປ ລາວ, ຮູບແຕ້ມທີ່ລະອຽດອ່ອນ ໄດ້ເພີ່ມສີສັນ ໃຫ້ແກ່ການ ກໍ່ສ້າງທາງລົດໄຟ ​ແລະ​ ປົກປັກຮັກສາເສັ້ນທາງລົດໄຟລາວ-ຈີນ.

    • ທາງລົດໄຟລາວ-ຈີນ ຂົນ​ສົ່ງຜູ້ໂດຍສານຫລາຍ​ກວ່າ 2.000 ລ້ານເທື່ອ/ຄົນເສດຖະກິດ

      ທາງລົດໄຟລາວ-ຈີນ ຂົນ​ສົ່ງຜູ້ໂດຍສານຫລາຍ​ກວ່າ 2.000 ລ້ານເທື່ອ/ຄົນ

      8/29/2023 6:19:38 PM

      ຂປລ. ນັບຕັ້ງແຕ່ເປີດ​ໃຫ້ບໍລິການຂົນສົ່ງຜູ້ໂດຍສານ ​ໃນວັນທີ 3 ທັນວາ 2021 ເປັນຕົ້ນມາ,ທາງລົດໄຟລາວ-ຈີນ ​ໄດ້ດຳເນີນການຂົນສົ່ງຜູ້ໂດຍສານ ຢ່າງ​ປອດ​ໄພ ​ແລະ ຕໍ່ເນື່ອງ, ພ້ອມ​ທັງຍົກສູງຄຸນນະພາບການຂົນສົ່ງຜູ້ໂດຍສານ ແລະ ສິນຄ້າ ໃຫ້ດີຂຶ້ນ​ເລື້ອຍໆ, ມາຮອດວັນທີ 16 ສິງຫາ 2023 ນີ້

    • ອາຊີ-ໂປຕາສ ສາກົນ ເປີດໂຄງການພັດທະນາ  ກະສິກຳທັນສະໄໝ ​ແຫ່ງ​ທຳ​ອິດ ຢູ່ຈຳປາສັກເສດຖະກິດ

      ອາຊີ-ໂປຕາສ ສາກົນ ເປີດໂຄງການພັດທະນາ ກະສິກຳທັນສະໄໝ ​ແຫ່ງ​ທຳ​ອິດ ຢູ່ຈຳປາສັກ

      8/15/2023 1:49:36 PM

      ຂປລ. ໃນຕອນເຊົ້າວັນທີ 10 ສິງຫາ 2023 ຜ່ານ​ມາ, ບໍລິສັດ ອາຊີ-ໂປຕາສ ສາກົນ ໄດ້ຈັດພິທີເປີດປ້າຍໂຄງການກະສິກຳທັນສະໄໝ ທີ່ເມືອງໂຂງ ແຂວງຈໍາປາສັກ ສປປ ລາວ, ເປັນໂຄງການຮ່ວມມືພັດທະນາກະສິກຳ ເພື່ອປູກເຂົ້າຫລາຍລະດູ ແຫ່ງທຳອິດ ທີ່ຈັດຂຶ້ນຢູ່ ສປປ ລາວ ໂດຍ ບໍລິສັດອາຊີ-ໂປຕາສ ສາກົນ ໂດຍມີ ທ່ານ ວິໄລວົງ ບຸດດາຄຳ ເຈົ້າແຂວງຈໍາປາສັກ, ທ່ານ ນາງ ຄຳພູ ລິດທິສັກເຈົ້າເມືອງໂຂງ, ມີ ທ່ານ Tong Yongheng ຮອງອຳນວຍການໃຫຍ່ ບໍລິສັດອາຊີ-ໂປຕາສ ສາກົນ,ອຳນວຍການໃຫຍ່ ບໍລິສັດຊີໂນ-ອາກຣີໂປຕາສ, ພ້ອມດ້ວຍຮອງອຳນວຍການໃຫຍ່ ທ່ານ Zong Guofu, ທ່ານ Ai Yongjun, ມີ ທ່ານ Han Xiaohui ຫົວໜ້າຝ່າຍການເງິນ, ທ່ານ Liu Feilong ຫົວໜ້າຝ່າຍບໍລິຫານ, ມີຜູ້ຕາງໜ້າບໍລິສັດຄູ່ຮ່ວມໂຄງການ, ຕາງໜ້າຄະນະປົກຄອງບ້ານ ແລະ ປະຊາຊົນໃນທ້ອງຖິ່ນ, ສື່ມວນຊົນລາວ ​​ແລະ ພາກສ່ວນ​ກ່ຽວຂ້ອງ ເຂົ້ຮ່ວມທັງໝົດ 200 ກວ່າຄົນ.

    • 6 ເດືອນຕົ້ນປີ ນວ ສົ່ງອອກ  ສິນຄ້າກະສິກໍາ ​ໄດ້ 26 ລ້ານກວ່າໂດລາເສດຖະກິດ

      6 ເດືອນຕົ້ນປີ ນວ ສົ່ງອອກ ສິນຄ້າກະສິກໍາ ​ໄດ້ 26 ລ້ານກວ່າໂດລາ

      8/2/2023 3:35:21 PM

      ຂປລ. ໃນໄລຍະ 6 ເດືອນຕົ້ນ​ປີ 2023 ຜ່ານມານີ້, ນະຄອນຫລວງ​ວຽງ​ຈັນ(ນວ) ສາມາດສົ່ງອອກສິນຄ້າກະສິກໍາ ​ໄດ້ທັງໝົດ 26,36 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 4,41 ລ້ານໂດລາ, ເທົ່າກັບ 20,14%.

ads
ads

Top