ຂປລ
ທ່ານ ນາງ ອູຊູລາ ວອນ ເດີ ເລເຢນ ປະທານຄະນະກຳມາທິການ ສະຫະພາບ ເອີຣົບ ມີແຜນຈະປະກາດ ແຜນການ ຫ້າມຜູ້ທີ່ມີອາຍຸ ບໍ່ເຖິງກະສຽນໃຊ້ສື່ສັງຄົມອອນລາຍ ໃນເອີຣົບ.
ຂປລ ວິທະຍຸ ໂທລະພາບ ສູນກາງຈີນ,ວັນທີ 2 ກໍລະກົດນີ້, ເວັບໄຊ ຢູແຣກຕິຟ ລາຍງານໂດຍອີງຕາມ ຂໍ້ມູນຈາກເຈົ້າໜ້າທີ່ ສະຫະພາບເອີຣົບ ລາຍງານວ່າ: ຈະເປີດເຜີຍ ກ່ຽວກັບ ສະພາບການຂອງສະຫະພາບເອີຣົບ ປະຈຳປີ ໃນວັນທີ 16 ກັນຍາປີນີ້, ທ່ານ ນາງ ອູຊູລາ ວອນ ເດີ ເລເຢນ ປະທານຄະນະກຳມາທິການ ສະຫະພາບ ເອີຣົບ ມີແຜນຈະປະກາດ ແຜນການຫ້າມ ຜູ້ທີ່ມີອາຍຸ ບໍ່ເຖິງກະສຽນໃຊ້ສື່ສັງຄົມອອນລາຍ ໃນເອີຣົບ.ຕາມຂ່າວລາຍງານວ່າ: ຍັງບໍ່ທັນຮູ້ວ່າຄະນະກຳມາທິ ການສະຫະພາບເອີຣົບ ຈະກຳນົດເກນອາຍຸຈັກປີ ທີ່ຫ້າມບໍ່ໃຫ້ໃຊ້ສື່ສັງຄົມອອນລາຍ ແລະ ຈະຈັດຕັ້ງປະຕິບັດແຜນການນີ້ ຢ່າງເປັນຮູບປະທຳຄືແນວໃດ. ປັດຈຸບັນ, ລັດຖະບານບັນດາປະເທດ ຂອງສະຫະພາບເອີຣົບ ໄດ້ສະເໜີ ແຜນການທີ່ແຕກຕ່າງກັນກ່ຽວກັບ ວິທີຈັດຕັ້ງປະຕິບັດມາດຕະການດັ່ງກ່າວ, ລວມທັງຫ້າມບໍ່ໃຫ້ເດັກນ້ອຍທີ່ມີອາຍຸບໍ່ຮອດ ກຳນົດໃຊ້ສື່ສັງຄົມອອນລາຍຢ່າງສິ້ນເຊີງ ຫລື ຮຽກຮ້ອງໃຫ້ຜູ້ທີ່ມີອາຍຸບໍ່ເຖິງກະສຽນ ຕ້ອງໄດ້ຮັບອະນຸຍາດຈາກຜູ້ປົກຄອງກ່ອນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
