ຂປລ
ຍອດຜະລິດຕະພັນລວມ ພາຍໃນປະເທດ ຫລື GDP ໄຕມາດທີ II 2026 ຂອງ ສສ ຫວຽດນາມ ຄາດວ່າ ເພີ່ມຂຶ້ນ 8,39% ເມື່ອທຽບໃສ່ ໄລຍະດຽວກັນຂອງປີກ່ອນ. ໄລ່ສະເລ່ຍ 6 ເດືອນຕົ້ນປີ, GDP ເພີ່ມຂຶ້ນ 8,18%, ສູງກວ່າ ລະດັບ 7,63% ຂອງໄລຍະດຽວກັນຂອງປີ 2025
ຂປລ.ວິທະຍຸ ກະຈາຍສຽງ ຫວຽດນາມ, ຍອດຜະລິດຕະພັນລວມ ພາຍໃນປະເທດ ຫລື GDP ໄຕມາດທີ II 2026 ຂອງ ສສ ຫວຽດນາມ ຄາດວ່າ ເພີ່ມຂຶ້ນ 8,39% ເມື່ອທຽບໃສ່ ໄລຍະດຽວກັນຂອງປີກ່ອນ. ໄລ່ສະເລ່ຍ 6 ເດືອນຕົ້ນປີ, GDP ເພີ່ມຂຶ້ນ 8,18%, ສູງກວ່າ ລະດັບ 7,63% ຂອງໄລຍະດຽວກັນຂອງປີ 2025. ນີ້ແມ່ນຂໍ້ມູນໂດຍກົມສະຖິຕິ (ກະຊວງການເງິນ ຫວຽດນາມ) ໄດ້ປະກາດ ໃນຕອນເຊົ້າວັນທີ 3 ກໍລະກົດນີ້. ໃນນັ້ນ, ກຳລັງໜູນເຕີບໂຕສືບຕໍ່ມາຈາກ ທັງສາມຂົງເຂດ ຂອງພື້ນຖານເສດຖະກິດ, ລວມມີ: ກະສິກຳ, ປ່າໄມ້ ແລະ ສິນໃນນ້ຳ; ອຸດສາຫະກຳ ແລະ ການກໍ່ສ້າງ; ການບໍລິການ. ໜຶ່ງໃນບັນດາຈຸດພົ້ນເດັ່ນທີ່ສຸດ ຂອງເສດຖະກິດ ຫວຽດນາມ ໃນ 6 ເດືອນຕົ້ນປີ ແມ່ນການຟື້ນຟູ ຢ່າງແຮງ ຂອງຂະແໜງອຸດສາຫະກຳ. ມູນຄ່າເພີ່ມ ໃນທົ່ວຂະແໜງອຸດສາຫະກຳ ແມ່ນ 9,86%, ປະກອບ ຫລາຍກວ່າ 40% ເຂົ້າໃນລະດັບການເພີ່ມຂຶ້ນຂອງມູນຄ່າ ເພີ່ມທັງໝົດໃນທົ່ວພື້ນຖານເສດຖະກິດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
