ຂປລ
ພາຍໃຕ້ການນຳພາອັນສະຫລອງໃສ່ຂອງພັກປະຊາຊົນ ປະຕິວັດລາວ ເຮັດໃຫ້ປະເທດຊາດໄດ້ຮັບການພັດທະນາເປັນກ້າວໆໃນທຸກດ້າ
ພາຍໃຕ້ການນຳພາອັນສະຫລອງໃສ່ຂອງພັກປະຊາຊົນ ປະຕິວັດລາວ ເຮັດໃຫ້ປະເທດຊາດ ໄດ້ຮັບການພັດທະນາ ເປັນກ້າວໆໃນທຸກດ້ານ ໂດຍສະເພາະ ໃນຂະແໜງການສຶກສາ ແລະ ກິລາ ກໍມີການຂະຫຍາຍຕົວ ທັງປະລິ ມານ ແລະ ຄຸນນະພາບ ເປັນຕົ້ນພື້ນຖານໂຄງລ່າງ ໄດ້ຮັບການປັບປຸງ ທັງຢູ່ໃນຕົວເມືອງ ແລະ ຊົນນະບົດ.
ດັ່ງທີ່, ທ່ານ ບີລໍ ຮອງອຳນວຍການໂຮງຮຽນປະສົມບູນບ້ານນ້ຳທວາຍ ເມືອງຮົ່ມ ແຂວງໄຊສົມບູນ ກໍໄດ້ໃຫ້ທັດສະນະວ່າ: ຕະຫລອດໄລຍະ 47 ປີມານີ້, ຍ້ອນມີພັກນຳພາ ຈຶ່ງເຮັດໃຫ້ບ້ານເມືອງ ມີການພັດທະນາ ດ້ານ ຕ່າງໆເວົ້າລວມ, ເວົ້າສະເພາະຂະແໜງສຶກສາ ແລະ ກິລາ ກໍໄດ້ຮັບການພັດທະນາດີຂຶ້ນ ເຊັ່ນວ່າ: ໃນເມື່ອກ່ອນໂຮງຮຽນ ບ້ານນ້ຳທວາຍ ແມ່ນເປັນໂຮງຮຽນທີ່ຊຸດໂຊມ, ມຸ້ງຫຍ້າຄາແອ້ມໄມ້ເຮ້ຍ, ມຸ້ງສັງກະສີ, ແອ້ມໄມ້ແປ້ນ, ແຕ່ມາ ຮອດປັດຈຸບັນ ກໍໄດ້ຮັບການພັດທະນາ ກໍ່ສ້າງເປັນໂຮງຮຽນ ປະຖົມສົມບູນ ມີຫ້ອງ ປກຽມ ຮອດ ປ5, ເຮັດໃຫ້ລູກຫລານ ປະຊາຊົນພາຍໃນບ້ານ ໄດ້ເຂົ້າໂຮງຮຽນຢ່າງທົ່ວເຖິງ ຊຶ່ງປັດຈຸບັນໂຮງຮຽນ ມີນັບຮຽນທັງໝົດ 130 ກວ່າຄົນ.
ເຖິງວ່າບ້ານນ້ຳທວາຍເປັນບ້ານໜຶ່ງທີ່ຢູ່ຫ່າງໄກ ຈາກຕົວເມືອງປະມານ 60 ກິໂລແມັດ, ແຕ່ພັກ-ລັດຖະບານ ກໍໄດ້ທະລຸເສັ້ນທາງເຂົ້າຫາບ້ານ, ມີໄຟຟ້າໃຊ້, ມີສ້າງລະບົບນ້ຳລິນ, ມີລະບົບຊົນລະປະທານ, ມີໂທລະຄົມ, ມີສັນ ຍານໂທລະສັບ ແລະ ອື່ນໆ. ໂດຍລວມແລ້ວ ມາຮອດປັດຈຸບັນນີ້,ບ້ານນ້ຳທວາຍ ແມ່ນໄດ້ຮັບການພັດທະນາດີຂຶ້ນ ເມື່ອທຽບໃສ່ປີ 2010 ຄືນຫລັງ. ທັງໝົດນີ້ ແມ່ນຍ້ອນມີພັກ-ລັດ ທີ່ຍາມໃດກໍໄດ້ເອົາໃຈໃສ່ ສຸມທຶນຮອນ ເຂົ້າໃນການພັດ ທະນາດ້ານຕ່າງໆ ເພື່ອອຳນວຍຄວາມສະດວກ ໃຫ້ແກ່ການດຳລົງຊີວິດ ກໍຄືການແກ້ໄຂຄວາມທຸກຍາກ ໃຫ້ນັບມື້ຫລຸດລົງເທື່ອລະກ້າວ./.
ໂດຍ: ຢ່າຕົ່ງ
KPL