ຂປລ
ຂປລ. ໃນຕອນບ່າຍວັນທີ 10 ສິງຫາ 2022, ທ່ານ ນາງ ແສງມະນີ ພິລາວົງ ຫົວໜ້າໜ່ວຍງານ ພັດທະນາ ເຄື່ອງໝາຍການຄ້າ ແລະ ສື່ມວນຊົນ ທະນາຄານທຸລະກິດລາວ-ຫວຽດນາມ ຈໍາກັດ ພ້ອມດ້ວຍຄະນະ ໄດ້ເຂົ້າອວຍພອນທ່ານ ຄໍາເຜີຍ ພິລາພາ ຜູ້ອໍານວຍການໃຫຍ່ ໜັງສືພິມປະເທດລາວ ເນື່ອງໃນໂອ ກາດ ວັນສື່ມວນຊົນແຫ່ງຊາດ ແລະ ການພິມຈໍາໜ່າຍ ຄົບຮອບ 72 ປີ (13/8/1950-13/8/2022).
ຂປລ. ໃນຕອນບ່າຍວັນທີ 10 ສິງຫາ 2022, ທ່ານ ນາງ ແສງມະນີ ພິລາວົງ ຫົວໜ້າໜ່ວຍງານ ພັດທະນາ ເຄື່ອງໝາຍການຄ້າ ແລະ ສື່ມວນຊົນ ທະນາຄານທຸລະກິດລາວ-ຫວຽດນາມ ຈໍາກັດ ພ້ອມດ້ວຍຄະນະ ໄດ້ເຂົ້າອວຍພອນທ່ານ ຄໍາເຜີຍ ພິລາພາ ຜູ້ອໍານວຍການໃຫຍ່ ໜັງສືພິມປະເທດລາວ ເນື່ອງໃນໂອ ກາດ ວັນສື່ມວນຊົນແຫ່ງຊາດ ແລະ ການພິມຈໍາໜ່າຍ ຄົບຮອບ 72 ປີ (13/8/1950-13/8/2022).
ໃນໂອກາດນີ້, ທ່ານ ຄໍາເຜີຍພິລາພາ ໄດ້ສະແດງຄວາມຊົມເຊີຍ ຍິນດີຕ້ອນຮັບ ແລະ ຕີລາຄາລາສູງ ຕໍ່ຜູ້ຕາງໜ້າທະນາຄານ ລາວ-ຫວຽດ ຈຳກັດ ທີ່ຍາມໃດກໍໃຫ້ຄວາມສຳຄັນ ຕໍ່ວຽກງານສື່ມວນຊົນ ແລະ ໄດ້ມາຢ້ຽມຢາມ ຖາມຂ່າວ. ແນວໃດກໍດີ ຂໍສືບຕໍ່ມູນເຊື້ອທີ່ດີງາມ ໃນການຮ່ວມມືກັນ ໃນໄລຍະໃໝ່ ເພື່ອຕອບສະໜອງ ຄວາມຮຽກຮ້ອງຕ້ອງການ ໃນການພັດທະນາ ການສື່ສານຕໍ່ສັງຄົມ, ການໂຄສະນາໃຫ້ມີສີສັນ ບໍ່ວ່າຈະເປັນບັນຫາລວມ ຫລື ວຽກງານ ຂໍ້ມູນຂ່າວສານ ຂອງທະນາຄານ ລາວ-ຫວຽດ ກໍລ້ວນແຕ່ເປັນປະໂຫຍດຕໍ່ສັງຄົມ; ສະນັ້ນ, ຂ່າວສານປະເທດລາວ ກໍພ້ອມໃຫ້ຄວາມຮ່ວມມືຕະຫລອດໄປ.
ໃນໂອກາດນີ້, ຜູ້ຕາງໜ້າ ທະນາຄານທຸລະກິດລາວ-ຫວຽດນາມ ຈໍາກັດ ກໍໄດ້ສະແດງຄວາມຂອບໃຈ ຕໍ່ ສຳນັກຂ່າວສານປະເທດລາວ ທີ່ໃຫ້ການສະໜັບສະໜູນ ຕະຫລອດມາ ໃນການໂຄສະນາເຜີຍແຜ່ ຂໍ້ມູນຂ່າວ ສານ, ບັນດາ ກິດຈະກຳຕ່າງໆ ຂອງທະນາຄານ ໃຫ້ກັບສັງຄົມໄດ້ຮັບຮູ້ ຢ່າງກວ້າງຂວາງ ໃນໄລຍະຜ່ານມາ ພ້ອມທັງຫວັງວ່າ ສຳນັກຂ່າວສານປະເທດລາວ ຈະສືບຕໍ່ຮ່ວມມືກັນຕື່ມອີກໃນຕໍ່ໜ້າ.
KPL
