ຂປລ
ຂປລ. ບໍລິສັດ ລາວຟອດ ຊີຕີ ມໍເຕີ ໄດ້ມອບທຶນຊ່ວຍເຫລືອ ຈຳນວນ 20.000 ໂດລາສະຫະ ລັດ ໃຫ້ອົງກອນ UXO Clearance Solutions (ອົງກອນທີ່ເຮັດວຽກກ່ຽວກັບການເກັບກູ້ລະເບີດ ທີ່ບໍ່ທັນແຕກ) ແລະ ບູລະນະໂຮງຮຽນ ບ້ານສ້າງໃໝ່ ທີ່ແຂວງຊຽງຂວາງ ໃນວັນທີ 24 ເມສາ 2024
ຂປລ. ບໍລິສັດ ລາວຟອດ ຊີຕີ ມໍເຕີ ໄດ້ມອບທຶນຊ່ວຍເຫລືອ ຈຳນວນ 20.000 ໂດລາສະຫະ ລັດ ໃຫ້ອົງກອນ UXO Clearance Solutions (ອົງກອນທີ່ເຮັດວຽກກ່ຽວກັບການເກັບກູ້ລະເບີດ ທີ່ບໍ່ທັນແຕກ) ແລະ ບູລະນະໂຮງຮຽນ ບ້ານສ້າງໃໝ່ ທີ່ແຂວງຊຽງຂວາງ ໃນວັນທີ 24 ເມສາ 2024 ເຊິ່ງມອບ ໂດຍ ທ່ານ ບີຈູ ນາລາຢານານ ຜູ້ອຳນວຍການ ບໍລິຫານທົ່ວໄປ ບໍລິສັດ ລາວຟອດຊີຕີ ແລະ ຮັບໂດຍຜູ້ຕາງໜ້າຈາກ ອົງກອນ UXO Clearance Solutions ປະກອບມີ: ທ່ານ ເອລອນ ຮາເຢສ ຫົວໜ້າຫ້ອງການບໍລິຫານ, ທ່ານ ມິເຊວ ວີເຮມເຊັນ ຫົວໜ້າໂຄງການ ແລະ ທ່ານ ບຸນປະສິດ ໄຊຍະວົງ ທີ່ປຶກສາພາກສະໜາມ.
ໃນໄລຍະຜ່ານມາ ທາງບໍລິສັດ ຟອດ ມໍເຕີຊິຕີ ໄດ້ເປັນສ່ວນໜຶ່ງໃນການຊ່ວຍເຫລືອສັງຄົມໃນດ້ານຕ່າງໆ ເປັນຕົ້ນ ການຊ່ວຍເຫລືອນ້ຳຖ້ວມທີ່ ເມືອງຄູນຄຳ ເເຂວງຄຳມ່ວນ, ຊ່ວຍເຫລືອເດັກນ້ອຍພິການໃນໂຄງການຂອງ Hand of Hope. ພ້ອມນີ້, ໃນເດືອນ ກຸມພາ ທີ່ຜ່ານມາ ບໍລິສັດ ລາວຟອດຊິຕີ ໄດ້ເດີນທາງໄປຊ່ວຍເຫລືອ ອຸປະກອນການຮຽນໃຫ້ນ້ອງນັກຮຽນ ທີ່ໂຮງຮຽນ ໜອງຈອງ ເມືອງຈອມເພັດ ແຂວງຫລວງພະບາງ ອີກດ້ວຍ.
ຂ່າວ-ພາບ: ວຽງສະຫວັນ.
KPL