ຂປລ
ຂປລ. ເມື່ອບໍ່ດົນມານີ້, ຂະແໜງວິທະຍຸ ຂອງສູນໂຄສະນາຂ່າວສານ ການສຶກສາ ແລະ ກິລາ ພາຍໃຕ້ການຊີ້ນໍາຂອງ ສະຖາບັນຄົ້ນຄ້ວາ ວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ ໄດ້ຕິດຕັ້ງລະບົບບັນທຶກສຽງໃໝ່ ຢູ່ໃນຫ້ອງສະຕູດີໂອ ໂດຍໄດ້ຮັບ ການສະໜັບສະໜູນຈາກ ລັດຖະບານອົດສະຕຣາລີ
ຂປລ. ເມື່ອບໍ່ດົນມານີ້, ຂະແໜງວິທະຍຸ ຂອງສູນໂຄສະນາຂ່າວສານ ການສຶກສາ ແລະ ກິລາ ພາຍໃຕ້ການຊີ້ນໍາຂອງ ສະຖາບັນຄົ້ນຄ້ວາ ວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ ໄດ້ຕິດຕັ້ງລະບົບບັນທຶກສຽງໃໝ່ ຢູ່ໃນຫ້ອງສະຕູດີໂອ ໂດຍໄດ້ຮັບ ການສະໜັບສະໜູນຈາກ ລັດຖະບານອົດສະຕຣາລີ ຜ່ານແຜນງານບີຄວາ ໂດຍມີວິຊາການດ້ານສຽງ ແລະ ໂຄສົກລາຍການວິທະຍຸ ຂອງຂະແໜງວິທະຍຸ ຂອງສູນໂຄສະນາຂ່າວ ສານການສຶກສາ ແລະ ກິລາ ໄດ້ເຂົ້າຮ່ວມຝືກຊ້ອມ ການນຳໃຊ້ລະບົບທີ່ທັນສະໄໝໃໝ່ນີ້.
ທ່ານນາງ ພາວະດີ ຫົວໜ້າຂະແໜງວິທະຍຸ ແລະ ໂຄສົກລາຍການວິທະຍຸການສຶກສາ ໄດ້ກ່າວວ່າ: ປັດຈຸບັນນີ້, ທີມງານພວກເຮົາສາມາດ ນໍາໃຊ້ອຸປະກອນບັນທຶກສຽງ ທີ່ທັນສະໄໝ ແລະ ເປັນມືອາຊີບ ເພື່ອເຮັດໃຫ້ສຽງດຶງດູດໃຈ ຜູ້ຟັງຫລາຍຂຶ້ນ. ສະຕູດີໂອຂອງ IMC ໄດ້ຖືກສ້າງຕັ້ງຂຶ້ນປະມານ 40 ກວ່າປີແລ້ວ. ຜ່ານມາສະຕູດີໂອນີ້ ໄດ້ຜະລິດລາຍ ການວິທະຍຸສຶກສາໃໝ່ ອອກອາກາດສູ່ສັງຄົມໄດ້ຮັບຟັງ, ເປັນກະບອກສຽງ ໃຫ້ແກ່ກະຊວງສຶກສາທິການ ແລະ ກິລາ ໃນການເຜີຍແຜ່ໂຄສະນາ ວຽກງານຂ່າວສານ ການສຶກສາຕ່າງໆ ແລະ ຍັງສາມາດຜະລິດຄຣິບສຽງ ທີ່ຫລາກຫລາຍ ເພື່ອສະໜັບສະໜູນ ການພັດທະນາ ການສຶກສາຂອງລາວ ເຊັ່ນ: ຄຣິບສຽງ ການນໍາໃຊ້ການຮຽນ-ການສອນຫລັກສູດປຶ້ມແບບຮຽນ ແລະ ປຶ້ມຄູ່ມືຄູ, ເພງການສຶກສາ ແລະ ລາຍງານຂ່າວອື່ນໆ ກ່ຽວກັບວຽກງານການສຶກສາ.
ສະຕູດິໂອບັນທຶກສຽງ ຍັງຖືກນໍາໃຊ້ໂດຍຄູ່ຮ່ວມງານຂອງ ສວສ ອື່ນໆ ເພື່ອບັນທຶກ ຄຣິບສຽງທີ່ ຄູສາມາດນໍາໃຊ້ໂດຍກົງໃນຫ້ອງຮຽນ ສໍາລັບບົດຮຽນວິຊາພາສາລາວ, ວິຊາພາສາອັງກິດ, ວິຊາດົນຕີ ແລະ ວິຊາພາລະສຶກສາ.
KPL
