ເຂື່ອນໄຟຟ້າເຊປຽນ-ເຊນ້ຳນ້ອຍ ແຕກ ພາກລັດເລັ່ງເຂົ້າຊ່ວຍເຫລືອຂົນຍ້າຍປະຊາຊົນ

24/07/2018 11:28
Email Print 2862
ຂປລ ຂປລ.​ເນື່ອງ​ຈາກ​ມີ​ຝົນຕົກໜັກຕິດຕໍ່ກັນ​ຫລາຍ​ວັນ ​ໄດ້​ສົ່ງ​ຜົນ​ເຮັດ​ໃຫ້ເຂື່ອນ​ໄຟຟ້າ ​ເຊ​ປຽນ-​ເຊ​ນ້ຳ​ນ້ອຍ​ ​​ເມືອງ​ສະໜາມ​ໄຊ ​ແຂວງ​ອັດ​ຕະປື​ ແຕກໃນ​ຕອນ​ຄ່ຳ​ຄືນ​ຂອງ​ ວັນ​ທີ 23 ກໍລະກົດ 2018, ​ເວລາ​ປະ ມານ 20 ​ໂມງ ​ເຮັດ​ໃຫ້​ນ້ຳ​​ໄຫລ​ທະລຸ​ລົງ​ ມາ​ຕາມ​ລຳ​ນ້ຳ​ເຊ​ປຽນຖ້ວມ​ເຮືອນ​ຊານ ​ແລະ ​ເນື້ອ​ທີ່​ການ​ຜະລິດ​ຂອງ​ປະຊາຊົນ 7 ບ້ານ ຢ່າງໜັກໜ່ວງ ທີ່​ຕັ້ງ​ຢູ່​ຕອນ​ໃຕ້​ຂອງ​ເທດສະບານ, ​ເຮັດ​ໃຫ້​ມີ​ປະຊາຊົນ​ເສຍ​ຊີວິດ ແລະ ສູນຫາຍ ​ຈຳນວນ​ຫລາຍ. ​


ຂປລ.​ເນື່ອງ​ຈາກ​ມີ​ຝົນຕົກໜັກຕິດຕໍ່ກັນ​ຫລາຍ​ວັນ ​ໄດ້​ສົ່ງ​ຜົນ​ເຮັດ​ໃຫ້ເຂື່ອນ​ໄຟຟ້າ ​ເຊ​ປຽນ-​ເຊ​ນ້ຳ​ນ້ອຍ​ ​​ເມືອງ​ສະໜາມ​ໄຊ ​ແຂວງ​ອັດ​ຕະປື​ ແຕກໃນ​ຕອນ​ຄ່ຳ​ຄືນ​ຂອງ​ ວັນ​ທີ 23 ກໍລະກົດ 2018, ​ເວລາ​ປະ ມານ 20 ​ໂມງ ​ເຮັດ​ໃຫ້​ນ້ຳ​​ໄຫລ​ທະລຸ​ລົງ​ ມາ​ຕາມ​ລຳ​ນ້ຳ​ເຊ​ປຽນຖ້ວມ​ເຮືອນ​ຊານ ​ແລະ ​ເນື້ອ​ທີ່​ການ​ຜະລິດ​ຂອງ​ປະຊາຊົນ 7 ບ້ານ ຢ່າງໜັກໜ່ວງ ທີ່​ຕັ້ງ​ຢູ່​ຕອນ​ໃຕ້​ຂອງ​ເທດສະບານ, ​ເຮັດ​ໃຫ້​ມີ​ປະຊາຊົນ​ເສຍ​ຊີວິດ ແລະ ສູນຫາຍ ​ຈຳນວນ​ຫລາຍ. ​

ທ່ານ ນາງ ​ບຸນ​ນານ ຫົວໜ້າພະ​ແນ​ກຖະ​ແຫລ​ງຂ່າວ, ວັດ​ທະນະ​ທຳ ​ແລະ ທ່ອງ​ທ່ຽວ ​ແຂວງ ​ອັດ​ຕະປື ໄດ້ລາຍ​ງານ​ໃຫ້​ຊາບ​​ໃນ​ເບື້ອງ​ຕົ້ນວ່າ: ໃນ​ຂະນະ​ນີ້, ການ​ນຳພາ​ກລັດ ​ໄດ້​ລະດົມອຳນາດ​ການ​ປົກຄອງ, ພະນັກງານ, ທະຫານ-​ຕຳຫລວດ, ລວມທັງ​ກຳລັງ​ພົນ​ຈາກ​ກອງ​ພົນ​ທີ 5 ​ນຳ​ໃຊ້​ເຮືອເຂົ້າຊ່ວຍເຫລືອ ເລັ່ງຂົນ​ຍ້າຍ​ປະຊາຊົນ ອອກ​ຈາກ​ພື້ນທີ່​ໄພພິບັດ ​ຢ່າງ​ເລັ່ງດ່ວນ​. ນອກ​ຈາກນີ້, ທາງ​ສູນ​ກາງກໍ​ຈະ​ນຳ​ສົ່ງ​ຍົນເຮີ​ລີ​ຄອັບ​ເຕີ ​ໄປ​ສົມທົບ​ເພື່ອ​ກອບ​ກູ້​ ຊ່ວຍ​ເຫລືອ​ປະຊາຊົນ​ຕື່ມ​ອີກ, ສ່ວນຄວາມເສຍຫາຍ ແມ່ນຍັງ ບໍ່ສາມາດປະເມີນໄດ້ເທື່ອ.
KPL

ຂ່າວອື່ນໆ

ads
ads

Top