ຂປລ
ຂປລ. ຜ່ານການ ສະຫລຸບການເຄື່ອນ ໄຫວວຽກງານ ກວດກາປີ 2017 ຂອງ ຄະນະກວດກາ ສູນກາງພັກ ກ່ຽວກັບການ ສະກັດກັ້ນ, ຕ້ານການ ສໍ້ລາດບັງຫລວງ ແລະ ສືບສວນ-ສອບສວນ ເຫັນວ່າ ໄດ້ມີການກວດກາພຶດຕິກຳ ທີ່ເປັນ ການສໍ້ລາດບັງຫລວງ 146 ກໍລະນີ ພົບເຫັນຜົນເສຍຫາຍທັງໝົດ 593,97 ຕື້ກ່ວາກີບ; 5,53 ລ້ານບາດ; 4,67 ລ້ານໂດລາ ແລະ 20 ລ້ານດົງ.
ຂປລ. ຜ່ານການ ສະຫລຸບການເຄື່ອນໄຫວວຽກງານ ກວດກາປີ 2017 ຂອງຄະນະກວດກາ ສູນກາງພັກ ກ່ຽວກັບການ ສະກັດກັ້ນ, ຕ້ານການ ສໍ້ລາດບັງຫລວງ ແລະ ສືບສວນ-ສອບສວນ ເຫັນວ່າ ໄດ້ມີການກວດກາພຶດຕິກຳ ທີ່ເປັນການສໍ້ລາດບັງຫລວງ 146 ກໍລະນີ ພົບເຫັນຜົນເສຍຫາຍທັງໝົດ 593,97 ຕື້ກ່ວາກີບ; 5,53 ລ້ານບາດ; 4,67 ລ້ານໂດລາ ແລະ 20 ລ້ານດົງ.
ຈາກການ ລາຍງານດັ່ງກ່າວ, ເກັບກູ້ໄດ້ແລ້ວ 357,15 ຕື້ກີບ; 956.500 ບາດ; 1,21 ລ້ານໂດລາ ແລະ 20 ລ້ານດົງ. ໃນນັ້ນ, ພົບເຫັນ ພະນັກງານລັດ ແລະ ຜູ້ປະກອບການ ທີ່ມີພຶດຕິກຳສໍ້ລາດບັງຫລວງ 994 ຄົນ (ພະນັກງານລັດ 908 ຄົນ ແລະ ຜູ້ປະກອບການ 86 ຄົນ), ເຊິ່ງປັດຈຸບັນ ກຳລັງດຳເນີນກວດກາ 420 ຄົນ, ໄດ້ປະຕິບັດວິໄນ ດ້ານບໍລິຫານ 414 ຄົນ, ກຳລັງດຳເນີນຄະດີ 84 ຄົນ, ສະຫລຸບຄະດີ ສົ່ງໃຫ້ໄອຍະການ ປະຊາຊົນແລ້ວ 62 ຄົນ ແລະ ສານຕັດສິນແລ້ວ 14 ຄົນ. ດັ່ງນັ້ນ, ເພື່ອເປັນການສະກັດກັ້ນ ການສໍ້ລາດບັງຫລວງ ໄດ້ອອກມະຕິວ່າດ້ວຍວຽກງານຄຸ້ມຄອງທີ່ດິນ, ຄຳສັ່ງ ວ່າດ້ວຍ ການປະຢັດລາຍຈ່າຍງົບປະມານ, ດຳລັດ ວ່າດ້ວຍການຄຸ້ມຄອງລົດ ປະຈຳຕຳແໜ່ງ, ຂໍ້ຫ້າມ ແລະ ວິໄນ ຂອງພະນັກງານການເງິນ, ປັບປຸງ ບົດແນະນຳການແຈ້ງຊັບສິນ, ໄດ້ຫັນເອົາຍຸດທະສາດ ຕ້ານການສໍ້ລາດບັງຫລວງ ເຂົ້າໃນຫລັກສູດ ການຮຽນ-ການສອນຊັ້ນອານຸບານ, ປະຖົມ, ມັດທະຍົມຕອນຕົ້ນ, ຕອນປາຍ ແລະ ນິຕິກຳອື່ນໆ.
ຂ່າວ: ພູທອງ ສີວົງສາ
KPL
