ທ່ານ ສີ ຈິ້ນຜິງ ເຂົ້າຮ່ວມ ກອງປະຊຸມສຸດຍອດ ຜູ້ບໍລິຫານ ທຸລະກິດ ເອເປັກ ປີ 2026

18/11/2026 16:10
ຂປລ ທ່ານ ສີ​ ຈິ້ນ​ຜິງ ປະ​ທານ​ປະ​ເທດ​ຈີນ​ ໄດ້​ເຂົ້າ​ຮ່ວມ​ ພິ​ທີ​ໄຂ​ກອງ​ປະ​ຊຸມ​ ສຸດຍອດ ​ຜູ້​ນຳ​​ບໍ​ລິ​ຫານ ​ທຸ​ລະ​ກິດ ​ອົງ​ການ​ຮ່ວມ​ມື ເສດ​ຖະ​ກິດ ​ອາ​ຊີ-ປາ​ຊີ​ຟິກ ຫລື APEC ທີ່​ຈັດ​ຂຶ້ນ​ຢູ່​ນະ​ຄອນ ​ເຊີ່ນ​ເຈິ້ນ​ຂອງ​ ສປ ຈີນ ແລະ ກ່າວ​ຄຳ​ປາ​ໄສ ​ສຳ​ຄັນ ພາຍ​ໃຕ້​ຫົວ​ຂໍ້ “ຍຶດ​ໝັ້ນ​ຄວາມ​ໝັ້ນ​ໃຈ, ກ້າວ​ໄປ​ຂ້າງ​ໜ້າ​ຢ່າງ​ກ້າ​ຫານ ​ແລະ ຮ່ວມ​ກັນ​ ສ້າງ​ອະ​ນາ​ຄົດ​ ທີ່​ສະ​ຫວ່າງສ​ະ​ໄຫວ ໃຫ້​ແກ່ ​ອາ​ຊີ-ປາ​ຊີ​ຟິກ”.

ຂປລ.ວິທະຍຸ ໂທລະພາບ ສູນກາງຈີນ, ​ວັນ​ທີ 18 ພະ​ຈິກ​ນີ້, ທ່ານ ສີ​ ຈິ້ນ​ຜິງ ປະ​ທານ​ປະ​ເທດ​ຈີນ​ ໄດ້​ເຂົ້າ​ຮ່ວມ​ ພິ​ທີ​ໄຂ​ກອງ​ປະ​ຊຸມ​ ສຸດຍອດ ​ຜູ້​ນຳ​​ບໍ​ລິ​ຫານ ​ທຸ​ລະ​ກິດ ​ອົງ​ການ​ຮ່ວມ​ມື ເສດ​ຖະ​ກິດ ​ອາ​ຊີ-ປາ​ຊີ​ຟິກ ຫລື APEC ທີ່​ຈັດ​ຂຶ້ນ​ຢູ່​ນະ​ຄອນ ​ເຊີ່ນ​ເຈິ້ນ​ຂອງ​ ສປ ຈີນ ແລະ ກ່າວ​ຄຳ​ປາ​ໄສ ​ສຳ​ຄັນ ພາຍ​ໃຕ້​ຫົວ​ຂໍ້ “ຍຶດ​ໝັ້ນ​ຄວາມ​ໝັ້ນ​ໃຈ, ກ້າວ​ໄປ​ຂ້າງ​ໜ້າ​ຢ່າງ​ກ້າ​ຫານ ​ແລະ ຮ່ວມ​ກັນ​ ສ້າງ​ອະ​ນາ​ຄົດ​ ທີ່​ສະ​ຫວ່າງສ​ະ​ໄຫວ ໃຫ້​ແກ່ ​ອາ​ຊີ-ປາ​ຊີ​ຟິກ”. ທ່ານ ສີ ​ຈິ້ນ​ຜິງ ໄດ້ຊີ້​ອອກວ່າ: ອົງ​ການ​ຮ່ວມ​ມື​ ເສດ​ຖະ​ກິດ​ ອາ​ຊີ-ປາ​ສີ​ຟິກ ​ກຳ​ເນີດ ​ເກີດ​ຂຶ້ນ ​​ພ້ອມ​ກັບ​ ກະ​ແສ​ໂລ​ກາ​ພິ​ວັດ​ ທາງເສດ​ຖະ​ກິດ​ ແລະ ​ໄດ້​ຊຸກ​ຍູ້​ພາກ​ພື້ນ​ອາ​ຊີ-ປາ​ຊີ​ຟິກ​ ໃຫ້​ພັດ​ທະ​ນາ ​ຢູ່​ແຖວ​ໜ້າ​ ຂອງ​ຍຸກ​ສະ​ໄໝ​ນີ້. ສປ ຈີນ​ຍິນ​ດີ​ຮ່ວມ​ກັບ ​ຝ່າຍ​ຕ່າງໆ, ຍຶດ​ໝັ້ນ​ຄວາມ​ໝັ້ນ​ໃຈ ແລະ ກ້າວ​ໄປ​ຂ້າງ​ໜ້າ ​ຢ່າງ​ກ້າ​ຫານ, ຮ່ວມ​ມື​ກັນ ​ສ້າງ​ປະ​ຊາ​ຄົມ​​ອາ​ຊີ-ປາ​ຊີ​ຟິກ ເພື່ອ​ຊຸກ​ຍູ້ ​ຄວາມ​ຈະ​ເລີນ​ຮຸ່ງ​ເຮືອງ ​ຮ່ວມ​ກັນ ​ໃນອາ​ຊີ-ປາ​ຊີ​ຟິກ. ທ່ານ ສີ​ຈິ້ນ​ຜິງ ໄດ້ກ່າວ​ວ່າ: ພາກ​ພື້ນ​ອາ​ຊີ-ປາ​ຊີ​ຟິກ​ ໄດ້​ເຕົ້າ​ໂຮມ​ເຂດ​ອ່າວ​ທີ່​ສຳ​ຄັນ​ທີ່​ສຸດ​ໃນ​ໂລກ, ເສດ​ຖະ​ກິດ​ຂອງ​ເຂດ​ອ່າວ​ ມີ​ລັກ​ສະ​ນະ​​ເປີດກວ້າງ, ປະ​ສານ​ສົມ​ທົບ​ກັນ ແລະ ມີ​ຜົນ​ສະ​ທ້ອນ ​ຕໍ່​ພາຍນອກ ​ຢ່າງ​ໂດດ​ເດັ່ນ. ສ່ວນນະ​ຄອນ​ເຊີ່ນ​ເຈິ້ນ​​ ກໍຕັ້ງ​ຢູ່​ເຂດ​ອ່າວ​ໃຫຍ່ ກວາງ​ຕຸ້ງ, ຮົງ​ກົງ ແລະ ມາ​ກ້າວ. ​ສປ ຈີນ ​ສະ​ໜັບ​ສະ​ໜູນ​ ການ​ສ້າງ​ຕັ້ງ​ສະ​ຫະ​ພັນການ​ຮ່ວມ​ມື ​ເສດ​ຖະ​ກິດ​ ເຂດ​ອ່າວ​​ໂລກ, ລົງ​ເລິກ​ການ​ແລກ​ປ່ຽນ​ ລະ​ຫວ່າງ​ ເຂດ​ອ່າວ​ຕ່າງໆ ແລະ ​ຄົ້ນ​ຫາ​ຊ່ອງ​ທາງ​ໃໝ່​ ແຫ່ງ​ການ​ຮ່ວມ​ມື ​ດ້ານ​ເສດ​ຖະ​ກິດ​ ອາ​ຊີ-ປາ​ຊີ​ຟິກ. ທ່ານ ສີ ​ຈິ້ນ​ຜິງ ກ່າວ​ຕື່ມ​ວ່າ: ແຜນ​ພັດ​ທະ​ນາ​ ເສດ​ຖະ​ກິດ-ສັງ​ຄົມ​ ແຫ່ງ​ຊາດ 5 ປີ​ຄັ້ງ​ທີ 15 ຂອງ​ ສປ ຈີນ ບໍ່​ໄດ້​ເປັນ​ພຽງ​ແຜນ​ແມ່​ບົດ ​ການ​ພັດ​ທະ​ນາ ​ຂອງ​ຕົນ​ເທົ່າ​ນັ້ນ, ​ຍັງ​ເປັນ​ການ​ສະ​ໜອງ​ໂອ​ກາດ​ ໃຫ້​ແກ່​ ການ​ເຕີບ​ໂຕ​ ຂອງ​ເສດ​ຖະ​ກິດ​ອາ​ຊີ-ປາ​ຊີ​ຟິກ ກໍ​ຄື​ ຂອງ​ໂລກ ແລະ ເປັນ​ການ​ເຊື້ອ​ເຊີນ​ ການ​ຮ່ວມ​ມື ​ທີ່​ ສປ ຈີນ​ ສົ່ງ​ໃຫ້ວົງ​ການ ​ອຸດ​ສາ​ຫະ​ກຳ-ການ​ຄ້າ​ໂລກ. ສປ ຈີນ​ ຈະ​ສະ​ໜອງ​ຕະຫລາດ​ການ​ເປີດ​ປະ​ຕູ ​ສູ່​ພາຍນອກ ​ທີ່​ມີ​ຂະ​ໜາດ​ໃຫຍ່​ພິ​ເສດ​ ກໍ​ຄື​ ໂອ​ກາດ​ການ​ພັດ​ທະ​ນາ ​ທີ່​ມີ​ອະ​ນາ​ຄົດ ​ອັນກວ້າງ​ໄກ ພ້ອມ​ທັງ​ ອຳ​ນວຍ​ສະ​ພາບ​ແວດ​ລ້ອມ ​ການ​ຮ່ວມ​ມື ​ທີ່​ຊ່ວຍ​ຊູ​ຍູ້​ໜູນ​ກັນ ແລະ ກ້າວ​ໜ້າ​ຮ່ວມ​ກັນ ໃຫ້​ແກ່​ ວົງ​ການ​ອຸດ​ສາ​ຫະ​ກຳ-ການ​ຄ້າ​ໂລກ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວອື່ນໆ

ads
ads

Top