ການຮ່ວມມື ແມ່ນ້ຳຂອງ-ສ.ເກົາຫລີ ຕ້ອງສວມບົດບາດນຳໜ້າ ໃນການຫັນເປັນ ດີຈີຕອນ-ນະວັດຕະກຳ

17/11/2026 18:00
Email Print 215
ຂປລ ໃນ​ຂອບ​ເຂດ ກອງ​ປະ​ຊຸມ ​ສຸດຍອດ ອາ​ຊຽນ ຄັ້ງ​ທີ 49 ແລະ ​ບັນ​ດາ​ກອງ​ປະ​ຊຸມ​​ຂັ້ນ​ສູງ​ ທີ່​ກ່ຽວ​ຂ້ອງ, ທ່ານ ​ເລ​ມິງ​ຮຶງ ນາ​ຍົກ​ລັດ​ຖະ​ມົນ​ຕີ ຫວຽດນາມ ເຂົ້າ​ຮ່ວມ ກອງ​ປະ​ຊຸມ​ສຸດຍອດ ແມ່​ນ້ຳ​ຂອງ-ສ.ເກົາຫລີ ຄັ້ງ​ທີ 3.

ຂປລ.ວິທະຍຸກະຈ່າຍສຽງ ຫວຽດນາມ, ​ວັນ​ທີ 16 ພະ​ຈິກ, ຢູ່ນະຄອນຫລວງ ​ມາ​ນີ​ລາຂອງ ປະເທດຟີ​ລິບ​ປິນ, ໃນ​ຂອບ​ເຂດ ກອງ​ປະ​ຊຸມ ​ສຸດຍອດ ອາ​ຊຽນ ຄັ້ງ​ທີ 49 ແລະ ​ບັນ​ດາ​ກອງ​ປະ​ຊຸມ​​ຂັ້ນ​ສູງ​ ທີ່​ກ່ຽວ​ຂ້ອງ, ທ່ານ ​ເລ​ມິງ​ຮຶງ ນາ​ຍົກ​ລັດ​ຖະ​ມົນ​ຕີ ຫວຽດນາມ ເຂົ້າ​ຮ່ວມ ກອງ​ປະ​ຊຸມ​ສຸດຍອດ ແມ່​ນ້ຳ​ຂອງ-ສ.ເກົາຫລີ ຄັ້ງ​ທີ 3. ໃນກອງ​ປະ​ຊຸມຄັ້ງນີ້, ທ່ານ​ ເລ​ມິງ​ຮຶງ ໃຫ້​ຮູ້​ວ່າ: ສສ ຫວຽດ​ນາມ ໄດ້​ປະ​ສານ​ສົມ​ທົບ​ກັບ ສ.ເກົາຫລີ ແລະ ບັນ​ດາ​ປະ​ເທດ ແມ່​ນ້ຳ​ຂອງ​ ຢ່າງ​ແໜ້ນ​ແຟ້ນ ເພື່ອ​ແນ​ໃສ່ ​ເພີ່ມ​ທະ​ວີ​ ການ​ເຊື່ອມ​ຕໍ່ ​ວິ​ສາ​ຫະ​ກິດ, ​ຈັດ​ຕັ້ງ​ເວ​ທີ​ປາ​ໄສ ​ຮ່ວມ​ມື ​ແມ່​ນ້ຳ​ຂອງ - ສ.ເກົາຫລີ ຄັ້ງ​ທີ 1 ແລະ ຍົກ​ສູງ​ຄວາມ​ຮັບ​ຮູ້​ກ່ຽວ​ກັບ ​ຊັບ​ພະ​ຍາ​ກອນ​ນ້ຳ; ເນັ້ນ​ໜັກ​ການ​ພົວ​ພັນ​ ຄູ່​ຮ່ວມ​ມື ​ຕ້ອງ​ຊ່ວຍ​ບັນ​ດາ​ປະ​ເທດ ສະ​ມາ​ຊິກ ປັບ​ປຸງ​ຄວາມ​ສາ​ມາດ ສ້າງ​ຄວາມ​ເຂັ້ມ​ແຂງ​ ດ້ວຍ​ຕົນ​ເອ​ງ ແລະ ສ້າງ​ບັນ​ດາ​ກຳ​ລັງ​ຜັກ​ດັນ ​ເຕີບ​ໂຕ​ໃໝ່.ໃນວັນ​ດຽວ​ກັນ, ກ່າວ​ຄຳ​ເຫັນ ​ທີ່​ການ​ພົບ​ປະ​ກັບ ​ທ່ານ ​ນາງ ຄຣິສຕາລິນາ ເກອໍກີເອວາ (Kristalina Georgieva) ຜູ້​ອຳ​ນວຍ​ການ​ໃຫຍ່ ກອງ​ທຶນ​ເງິນ​ຕາ​ສາ​ກົນ (IMF), ທ່ານ​ ເລ​ມິງ​ຮຶງ ປາດ​ຖະ​ໜາ​ວ່າ IMF ສືບ​ຕໍ່​ເພີ່ມ​ທະ​ວີ ​ການ​ໂອ້​ລົມ​ສົ​ທະ​ນາ, ແບ່ງ​ປັນ​ບົດ​ຮຽນ ​ປະ​ສົບ​ການ, ຍົກ​ອອກ​ບັນ​ດາ​ຂໍ້​ສະ​ເໜີ​ແນະ ​ທີ່ເໝາະ​ສົມ​ກັບ ​ເງື່ອນ​ໄຂ​ຕົວ​ຈິງ ແລະ ບຸ​ລິ​ມະ​ສິດ​ພັດ​ທະ​ນາ ​ຂອງ​ແຕ່​ລະ​ປະ​ເທດ, ໃນ​ນັ້ນ​ມີ ສສ ຫວຽດ​ນາມ. ສຳລັຍ ການ​ພົບ​ປະ​ກັບ ​ທ່ານ ອະນຸທິນ ຊານວີຣະກຸນ (Anutin Charnvirakul) ​ນາ​ຍົກ​ລັດ​ຖະ​ມົນ​ຕີ ໄທ, ທ່ານ ເລ​ມິງ​ຮຶງ ສະ​ເໜີ​ ສອງ​ຝ່າຍ ​ສືບ​ຕໍ່​ຮັກ​ສາ​ການ​ແລກ​ປ່ຽນ, ພົບ​ປະ​ຂັ້ນ​ສູງ, ຜັນ​ຂະ​ຫຍາຍ​ ໂຄງ​ການ​ກະ​ທຳ​ ກ່ຽວ​ກັບ ​ການ​ພົວ​ພົນ​ຄູ່​ຮ່ວມ​ມື​ ຍຸດ​ທ​ະ​ສາດ ຮອບ​ດ້ານ ໄລ​ຍະ 2026 – 2030 ຢ່າງ​ມີ​ປະ​ສິດ​ທິ​ຜົນ; ສະ​ເໜີ​ສອງ​ຝ່າຍ​ ເພີ່ມ​ທະ​ວີ​ການ​ຕິດ​ພັນ​ ສອງ​ພື້ນ​ຖານ​ ເສດ​ຖະ​ກິດ ​ບົນ​ພື້ນ​ຖານ ເສີມ​ຂະ​ຫຍາຍ​ທ່າ​ແຮງ ແລະ ຄວາມ​ຕ້ອງ​ການ​ຂອງ​ແຕ່​ລະ​ປະ​ເທດ, ຊຸກ​ຍູ້​ການ​ເຊື່ອມ​ຕໍ່ ​ລະ​ບົບຕ່ອງ​ໂສ້​ ການ​ສະ​ໜອງ ແລະ ການ​ຜະ​ລິດ ໃນ​ບັນ​ດາ​ຂົງ​ເຂດ​ ກະ​ສິ​ກຳ​ທັນ​ສະ​ໄໝ, ພະ​ລັງ​ງານ, ປີ​ໂຕ​ເຄ​ມີ, ເອ​ເລັກ​ໂຕ​ນິກ, ການ​ເງິນ ແລະ ການ​ບໍ​ລິ​ການ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວອື່ນໆ

ads
ads

Top