ຂປລ
ທ່ານ ພັນເອກພິເສດ ເສີນຊີ່ ໂຄສົກກະຊວງ ປ້ອງກັນປະເທດຈີນ ໄດ້ກ່າວວ່າ, ວັນທີ 13 ຕຸລານີ້, ກິດຈະກຳ ແລກປ່ຽນ ມິດຕະພາບ ດ້ານການປ້ອງກັນປະເທດ ຢູ່ເຂດຊາຍແດນ ຄັ້ງທີ 5 ລະຫວ່າງ ສປ ຈີນ ແລະ ສປປ ລາວ ຈະຈັດຂຶ້ນຢູ່ ດ່ານບໍ່ຫານເມືອງຫລ້າກິ່ງ ແຂວງປົກຄອງຕົນເອງ ເຜົ່າລື້ສິບສອງພັ່ນນາ ແຂວງຢຸນນານ ຂອງ ສປ ຈີນ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 10 ຕຸລານີ້, ທ່ານ ພັນເອກພິເສດ ເສີນຊີ່ ໂຄສົກກະຊວງ ປ້ອງກັນປະເທດຈີນ ໄດ້ກ່າວວ່າ, ວັນທີ 13 ຕຸລານີ້, ກິດຈະກຳ ແລກປ່ຽນ ມິດຕະພາບ ດ້ານການປ້ອງກັນປະເທດ ຢູ່ເຂດຊາຍແດນ ຄັ້ງທີ 5 ລະຫວ່າງ ສປ ຈີນ ແລະ ສປປ ລາວ ຈະຈັດຂຶ້ນຢູ່ ດ່ານບໍ່ຫານເມືອງຫລ້າກິ່ງ ແຂວງປົກຄອງຕົນເອງ ເຜົ່າລື້ສິບສອງພັ່ນນາ ແຂວງຢຸນນານ ຂອງ ສປ ຈີນ. ກິດຈະກຳຄັ້ງນີ້ ມີຈຸດປະສົງ ເພື່ອຈັດຕັ້ງປະຕິບັດ ຄວາມຮັບຮູ້ ທີ່ເປັນເອກະພາບກັນ ຂອງຜູ້ນຳສູງສຸດ ສອງພັກສອງລັດ, ເພີ່ມທະວີ ມິດຕະພາບ ທີ່ເປັນມູນເຊື້ອ ຂອງສອງຝ່າຍ, ລົງເລິກການຮ່ວມມື ດ້ານການປ້ອງກັນຊາຍແດນ ລະຫວ່າງ ກອງທັບຂອງສອງປະເທດ, ຮ່ວມກັນ ປົກປັກຮັກສາ ສັນຕິພາບ ແລະ ຄວາມສະຫງົບສຸກ ຂອງເຂດຊາຍແດນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
