ຂປລ
ງານວາງສະແດງ ການຄ້າ ດີຈີຕອນໂລກ ຄັ້ງທີ 5 ຈະຈັດຂຶ້ນ ຢູ່ນະຄອນຫາງໂຈ່ວ ແຂວງເຈີ້ຈ່ຽງ ໃນລະຫວ່າງ ວັນທີ 23 ຫາ 27 ກັນຍານີ້.
ຂປລ.ວິທະຍຸ-ໂທລະພາບ ສູນກາງຈີນ, ກະຊວງການຄ້າຈີນ ແລະ ອົງການປົກຄອງແຂວງເຈີ້ຈ່ຽງ ຂອງ ສປ ຈີນ ແຈ້ງໃຫ້ຮູ້ວ່າ: ງານວາງສະແດງ ການຄ້າ ດີຈີຕອນໂລກ ຄັ້ງທີ 5 ຈະຈັດຂຶ້ນ ຢູ່ນະຄອນຫາງໂຈ່ວ ແຂວງເຈີ້ຈ່ຽງ ໃນລະຫວ່າງ ວັນທີ 23 ຫາ 27 ກັນຍານີ້. ໃນໄລຍະຈັດງານວາງສະແດງ, 200 ກວ່າແບບຈຳລອງໃຫຍ່ ລະດັບແຖວໜ້າຂອງໂລກ ຈະເປີດຕົວແບບລວມສູນ. ຂະນະດຽວກັນ, ຈະຈັດງານແຂ່ງຂັນ ການເປີດລະຫັດຕົ້ນສະບັບປັນຍາປະດິດໂລກ, ການແຂ່ງຂັນການປະຍຸກ ໃຊ້ປັນຍາປະດິດ ປະສານກາຍຍະພາບ ແລະ ງານແຂ່ງຂັນອື່ນໆ. ມາເລເຊຍ ແລະ ຮົງກາຣີ ຈະເປັນປະເທດກຽດຕິຍົດ ຂອງງານວາງສະແດງໃນຄັ້ງນີ້. ມາຮອດ ປັດຈຸບັນ, ມີຜູ້ຕາງໜ້າທີ່ມາຈາກ 121 ປະເທດ ແລະ ເຂດແຄວ້ນ, ລວມທັງ 29 ອົງການຈັດຕັ້ງສາກົນ ໄດ້ຢືນຢັນຈະເຂົ້າຮ່ວມ, ວິສາຫະກິດ ວາງສະແດງ ສາກົນ ກວມເອົາ ຫລາຍກວ່າ 20% ແລະ ຄະນະ ວາງສະແດງຕ່າງປະເທດ ມີຈຳນວນຫລາຍກວ່າ ຈຳນວນລວມທັງໝົດ ຂອງປີຜ່ານມາ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
