ຂປລ
ຄະນະນັກກິລາຈີນ ທີ່ເຂົ້າຮ່ວມງານກິລາເອຊຽນເກມ ຄັ້ງທີ 20 ໄດ້ຈັດຕັ້ງຂຶ້ນຢູ່ ນະຄອນຫລວງປັກກິ່ງ. ຄະນະດັ່ງກ່າວ ປະກອບມີ 1.274 ຄົນ, ໃນນັ້ນ ມີນັກກິລາ 815 ຄົນ (ຍິງ 404 ຄົນ ແລະ ຊາຍ 411 ຄົນ), ຈະເຂົ້າຮ່ວມການແຂ່ງຂັນ 38 ປະເພດກິລາ ແລະ 369 ລາຍການ.
ຂປລ.ວິທະຍຸ ໂທລະພາບ ສູນກາງຈີນ,ວັນທີ 4 ກັນຍານີ້, ຄະນະນັກກິລາຈີນ ທີ່ເຂົ້າຮ່ວມງານກິລາເອຊຽນເກມ ຄັ້ງທີ 20 ໄດ້ຈັດຕັ້ງຂຶ້ນຢູ່ ນະຄອນຫລວງປັກກິ່ງ. ຄະນະດັ່ງກ່າວ ປະກອບມີ 1.274 ຄົນ, ໃນນັ້ນ ມີນັກກິລາ 815 ຄົນ (ຍິງ 404 ຄົນ ແລະ ຊາຍ 411 ຄົນ), ຈະເຂົ້າຮ່ວມການແຂ່ງຂັນ 38 ປະເພດກິລາ ແລະ 369 ລາຍການ. ອາຍຸສະເລ່ຍຂອງນັກກິລາແມ່ນ 24 ປີ. ໃນບັນດານັກກິລາ ທີ່ເຂົ້າຮ່ວມ ການແຂ່ງຂັນ, ມີ 548 ຄົນແມ່ນເຂົ້າຮ່ວມ ງານກິລາເອຊຽນເກມ ເປັນເທື່ອທຳອິດ ແລະ 306 ຄົນເຄີຍເຂົ້າຮ່ວມການແຂ່ງຂັນງານກິລາໂອລິມປິກ ຫລື ງານກິລາເອຊຽນເກມມາແລ້ວ. ງານກິລາເອຊຽນເກມ ໄອຊິ-ນາໂກຢາ ປີ 2026 ຈະຈັດຂຶ້ນ ຢ່າງເປັນທານງການລະຫວ່າງ ວັນທີ 19 ກັນຍາ ຫາ ວັນທີ 4 ຕຸລາໜ້ານີ້, ໂດຍຈະມີຊິງໄຊຫລຽນຄຳ ທັງໝົດ 469 ຫລຽນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
