ຂປລ
ໃນວັນທີ 26 ສິງຫາ 2026, ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງສະມາຄົມສຽງແຄນລາວ ຊ່ຶງນໍາໂດຍ ທ່ານ ຈະເລີນ ເຍຍປາວເຮີ ອະດີດກຳມະການສູນກາງພັກ, ອະດີດຮອງປະທານສະພາແຫ່ງຊາດ, ປະທານກິຕິມະສັກສະມາຄົມສຽງແຄນລາວ, ມີທ່ານ ຄຳພັນ ເໝືອນສິດທິດາ ກຳມະການສູນກາງແນວລາວສ້າງຊາດ, ປະທານສະມາຄົມສຽງແຄນລາວ ພ້ອມດ້ວຍຄະນະ.
ຂປລ. ໂອກາດດ່ັງກ່າວ, ທ່ານ ຈະເລີນ ເຍຍປາວເຮີ ໄດ້ລາຍງານສະພາບການເຄື່ອນໄຫວວຽກງານຂອງສະມາຄົມສຽງແຄນລາວໃນໄລຍະຜ່ານມາກ່ຽວກັບການອະນຸລັກ, ສົ່ງເສີມ, ເຜີຍແຜ່ສຽງແຄນລາວໃຫ້ກວ້າງຂວາງ ແລະ ປົກປັກຮັກສາໃຫ້ຮຸ່ນລູກຫລານໄດ້ສືບທອດຕໍ່ໆກັນໄປໃນຖານະເປັນມໍລະດົກໂລກດ້ານວັດທະນະທຳທີ່ເອກອ້າງທະນົງໃຈ ຂອງຊາວລາວທັງຊາດ. ໂອກາດນ້ີ, ທ່ານ ທອງລຸນ ສີສຸລິດ ໄດ້ສະແດງຄວາມຍ້ອງຍໍ, ຊົມເຊີຍສະມາຄົມສຽງແຄນລາວທີ່ໄດ້ເຄື່ອນໄຫວຕາມພາລະບົດບາດ ໃນການປົກປັກຮັກສາສຽງແຄນອັນເປັນພູມປັນຍາຂອງບັນພະບຸລຸດລາວ ກໍຄື ມູນເຊື້ອອັນດີງາມຂອງຊາດທີ່ມີມາແຕ່ບູຮານນະການ, ພ້ອມທັງໄດ້ເນັ້ນໃຫ້ສະມາຄົມສຽງແຄນລາວເປັນເຈົ້າການສົ່ງຕໍ່ມູນມໍລະດົກອັນລໍ້າຄ່າທີ່ບັນພະບຸລຸດໄດ້ປະດິດສ້າງໄວ້ໃຫ້ຄຽງຄູ່ກັບຊາດລາວຕະຫລອດກາລະນານ.
KPL
