ຂປລ
ສະຖານທູດຈີນ ປະຈຳໄທ ໄດ້ຈັດພິທີສົ່ງສຳມະນາກອນ 69 ຄົນໃນຊຸດອົບຮົມພາສາຈີນ ສຳລັບ ພະນັກງານລັດຂອງໄທ ຊຸດທີ 22 ເດີນທາງໄປສຶກສາ ຢູ່ມະຫາວິທະຍາໄລ ຮວາສຽວຈີນ.
ຂປລ.ວິທະຍຸ-ໂທລະພາບສູນກາງຈີນ, ສະຖານທູດຈີນ ປະຈຳໄທ ໄດ້ຈັດພິທີສົ່ງສຳມະນາກອນ 69 ຄົນໃນຊຸດອົບຮົມພາສາຈີນ ສຳລັບ ພະນັກງານລັດຂອງໄທ ຊຸດທີ 22 ເດີນທາງໄປສຶກສາ ຢູ່ມະຫາວິທະຍາໄລ ຮວາສຽວຈີນ.ໂຄງການອົບຮົມ ພາສາຈີນ ສຳລັບ ພະນັກງານລັດຂອງໄທ ໄດ້ເລີ່ມປະຕິບັດ ຢ່າງເປັນທາງການ ມາແຕ່ປີ2005, ມີຈຸດປະສົງ ເພື່ອຝຶກອົບຮົມ ບຸກຄະລາກອນ ດ້ານພາສາຈີນ ລະດັບສູງ ໃຫ້ລັດຖະບານໄທ. ປັດຈຸບັນ, ຊຸດອົບຮົມດັ່ງກ່າວ ໄດ້ຈັດຂຶ້ນມາໄດ້ 22 ຊຸດແລ້ວ ໂດຍໄດ້ບຳລຸງສ້າງ ບຸກຄະລາກອນໄທ ທີ່ມີຄວາມຮູ້ພາສາຈີນ ແລະ ຮູ້ປະເທດຈີນ ເກືອບ1.000 ຄົນ. ສຳມະນາກອນເຫລົ່ານີ້ ແມ່ນມາຈາກ ພາກສ່ວນສຳຄັນ ຂອງລັດຖະບານໄທເຊັ່ນ: ລັດຖະສະພາ, ກະຊວງປ້ອງກັນປະເທດ, ສຳນັກງານຕຳຫລວດແຫ່ງຊາດ, ກະຊວງຍຸຕິທຳ ແລະ ອື່ນໆ, ພາຍຫລັງ ຮຽນຈົບກັບຄືນປະເທດໄທ ແລະ ກາຍເປັນຂົວຕໍ່ສຳຄັນ ແລະ ກຳລັງຫລັກແຫລ່ງ ໃນການຊຸກຍູ້ ການແລກປ່ຽນ ແລະ ຮ່ວມມືກັນ ລະຫວ່າງ ສອງປະເທດໃຫ້ເຂັ້ມແຂງຍິ່ງຂຶ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
