ຂປລ.ວິທະຍຸ-ໂທລະພາບສູນກາງຈີນ, ​ເວັບ​ໄຊ ຂ່າວ​ອອນ​ລາຍ ​ອິດ​ສະ​ຫລະ​ ອາ​ຟ​ຣິກ​າ​ໃຕ້ ຫລື IOL ໄດ້​ລົງ​ບົດ​ຄວາມ​ ໂດຍ​ລະ​ບຸ​ວ່າ: ​ການພັດ​ທະ​ນາ ຢ່າງວ່ອງ​ໄວ ຂອງອຸດ​ສາ​ຫະ​ກຳ​ຫຸ່ນ​ຍົນ​ຈີນ​ ໄດ້​ນຳ​ເອົາ​ໂອ​ກາດ​ສຳ​ຄັນ​ມາ​ສູ່​ ອາ​ຟ​ຣິ​ກາ. ອີງ​ຕາມຕົວ​ເລກ​ຂໍ້​ມູນ​ ຈາກ​ສະ​ຫ​ະ​ພັນ​ຫຸ່ນ​ຍົນ​ສາ​ກົນ ສະ​ແດງ​ໃຫ້​ເຫັນ​ວ່າ: ປີ2024, ສປ ຈີນ ​ໄດ້​ປະ​ກອບ​ຕິດ​ຕັ້ງ​ແລະ ​ນຳ​ໃຊ້​ຫຸ່ນ​ຍົນ ​ອຸດ​ສາ​ຫະ​ກຳ​ໃໝ່​ ປະ​ມານ 295.000 ໂຕ, ກວມເອົາ 54% ຂອງ​ຈຳ​ນວນ​ທັງ​ໝົດ ​ທົ່ວ​ໂລກ. ​ຮູບ​ແບບ​ຈີນ ​ທີ່​ເຊື່ອມ​ໂຍງ​ແຜນ​ການ​ໄລ​ຍະ​ຍາວ, ຄວາມ​ຕ້ອງ​ການ​ດ້ານ​ອຸດ​ສາ​ຫະ​ກຳ ​ແລະ ​ການ​ລົງ​ທຶ​ນ​ເຂົ້າ​ ໃນ​ການ​ຄົ້ນ​ຄວ້າ ​ແລະ ​ພັດ​ທະ​ນາ ໄດ້​ກາຍ​ເປັນ​ວົງ​ຈອນ​ ການ​ຄ້າ​ຢ່າງວ່ອງ​ໄວ. ບົດ​ຄວາມ​ດັ່ງ​ກ່າວ​ລະ​ບຸ​ຕື່ມ​ວ່າ: ສິ່ງ​ນີ້​ມີ​ຜົນ​ດີ​ຕໍ່ ​ອາຟ​ຣິ​ກາ​ປັບ​ປຸງ​ແກ້​ໄຂຈຸດ​ອ່ອນ ໃນ​ຂົງ​ເຂດ​ຕ່າງໆ​ເຊັ່ນ: ​ອຸດ​ສາ​ຫະ​ກຳ​ການ​ຜະ​ລິດ, ການ​ແພດ, ກະ​ສິ​ກຳ ​ແລະ ບໍ່​ແຮ່ ເປັນ​ຕົ້ນ​. ໃນ​ດ້ານ​ກະ​ສິ​ກຳ​ ແມ່ນ​ສ​າ​ມາດ​ນຳ​ໃຊ້​ຫຸ່ນ​ຍົນ ຕິດ​ຕາມການ​ປູກ​ຝັງ ຢ່າງ​ຖືກ​ຕ້ອງ​ແມ່ນ​ຢຳ, ໃນ​ດ້ານ​ການ​ແພດ ​ສາ​ມາດ​ໃຊ້​ໃນ​ການ​ບົ່ງ​ມະ​ຕິ​ພະ​ຍາດ​ ໄລ​ຍະ​ໄກ, ໃນ​ດ້ານ​ອຸດ​ສາ​ຫະ​ກຳ​ບໍ່​ແຮ່​ ສາ​ມາດ​ໃຊ້​ລະ​ບົບ​ຂັບ​ຂີ່​ແບບ​ອັດ​ຕະ​ໂນ​ມັດ​ເພື່ອຫຼຸດ​ຜ່ອນ​ຄວາມ​ສ່ຽງ, ໃນ​ດ້ານ​ອຸດ​ສາ​ຫະ​ກຳ ການ​ຜະ​ລິດ ​ສາ​ມາດ​ພັດ​ທະ​ນາ​ ໂຮງ​ງານ​ອັດ​ສະ​ລິ​ຍະ. ໄປ​ຄ​ຽງ​ຄູ່​ກັບ ​ການ​ຮ່ວມ​​ມື​ລະ​ຫວ່າງ ສປ ​ຈີນ ​ແລະ ອາ​ຟ​ຣິ​ກາ ​ຂະ​ຫຍາຍ​ໄປ​ສູ່​ການ​ປະ​ກອບ​ຕິດ​ຕັ້ງ, ການ​ບຳ​ລຸງ​ຮັກ​ສາ ແລະ ຝຶ​ກ​ອົບ​ຮົມ​ເຕັກ​ນິກ​ຫຸ່ນ​ຍົນອຸດ​ສາ​ຫະ​ກຳ, ​ຄາດ​ວ່າ ອາ​ຟ​ຣິ​ກາ ຈະ​ບົ່ມ​ເພາະ​ສ້າງ​ຄວາມ​ສາ​ມາດ ​ທາງ​ດ້ານ​ອຸດ​ສາ​ຫະ​ກຳ​ໃໝ່ ແລະ ​ຖອດຖອນ​​ບົດ​ຮຽນ​ຈາກ​ ສປ ຈີນ​ ເພື່ອ​ຊຸກ​ຍູ້​ການ​ຫັນ​ປ່ຽນ​ ອຸດ​ສາ​ຫະ​ກຳ​ຂອງ​ຕົນ./.

 (ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL