ຂປລ
ກອງປະຊຸມ ເວທີປຶກສາຫາລື ການຮ່ວມມື ດ້ານສື່ມວນຊົນຈີນ-ອາຟຣິກາຄັ້ງທີ 7 ໄດ້ຈັດຂຶ້ນຢູ່ນະຄອນຫລວງປັກກິ່ງຂອງ ສປ ຈີນ, ໂດຍມີ ແຂກຜູ້ມີກຽດລະດັບລັດຖະມົນຕີ ຈາກບັນດາປະເທດ ອາຟຣິກາ 33 ຄົນເຂົ້າຮ່ວມ
ຂປລ.ວິທະຍຸ-ໂທລະພາບສູນກາງຈີນ, ກອງປະຊຸມ ເວທີປຶກສາຫາລື ການຮ່ວມມື ດ້ານສື່ມວນຊົນຈີນ-ອາຟຣິກາຄັ້ງທີ 7 ໄດ້ຈັດຂຶ້ນຢູ່ນະຄອນຫລວງປັກກິ່ງຂອງ ສປ ຈີນ, ໂດຍມີ ແຂກຜູ້ມີກຽດລະດັບລັດຖະມົນຕີ ຈາກບັນດາປະເທດ ອາຟຣິກາ 33 ຄົນເຂົ້າຮ່ວມ, ເຊິ່ງເປັນຈຳນວນຫລາຍທີ່ສຸດ ໃນປະຫວັດສາດ. ກອງປະຊຸມດັ່ງກ່າວໄດ້ອອກ “ຖະແຫລງການຮ່ວມຂອງກອງປະຊຸມເວທີປຶກສາຫລື ການຮ່ວມມື ດ້ານສື່ມວນຊົນຈີນ-ອາຟຣິກາ ຄັ້ງທີ 7”.ໃນເວທີປຶກສາຫາລືຄັ້ງນີ້ ຈັດຂຶ້ນພາຍໃຕ້ຫົວຂໍ້ “ຮ່ວມກັນແບ່ງປັນ ໂອກາດພັດທະນາໃໝ່, ຮ່ວມກັນສ້າງອະນາຄົດໃໝ່ ດ້ານພາບ ແລະ ສຽງ”, ບັນດາແຂກຜູ້ມີກຽດຈີນ-ອາຟຣິກາ ໄດ້ສົນທະນາ ແລະ ແລກປ່ຽນກັນໂດຍປິ່ນອ້ອມ ຫົວຂໍ້ຕ່າງໆເຊັ່ນ: “ການປະດິດສ້າງ ດ້ານເນື້ອໃນ ຊຸກຍູ້ການຮ່ວມມື ດ້ານວັດທະນະທຳ”, “ການຮ່ວມມື ດ້ານເຕັກໂນໂລຊີ ສົ່ງເສີມການພັດທະນາ ອຸດສາຫະກຳ ແບບຕ່າງຝ່າຍ ຕ່າງໄດ້ຮັບຜົນປະໂຫຍດ”, “ການບໍລິການດ້ານພາບ ແລະ ສຽງຊຸກຍູ້ ການພັດທະນາ ເສດຖະກິດການຄ້າ”, “ການເຊື່ອມໂຍງ ແລະ ການປະຍຸກໃຊ້ປັນຍາປະດິດ ຫລື AI ໃນຂົງເຂດວິທະຍຸ ແລະ ໂທລະພາບ” ແລະ ອື່ນໆ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
