ຂປລ
ກົມອົບຮົມ, ຄະນະໂຄສະນາອົບຮົມສູນກາງພັກ (ຄອສພ) ຮ່ວມກັບຄະນະ ໂຄສະນາອົບຮົມແຂວງໄຊຍະບູລີ (ຄອຂ) ຈັດຝຶກອົບຮົມ ຄວາມຮູ້ພື້ນຖານດ້ານການເມືອງ-ການປົກຄອງໃຫ້ກັບ ພະນັກງານຂັ້ນຕາແສງ ຊຸດທີ I ເມື່ອບໍ່ດົນມານີ້ ທີ່ໂຮງຮຽນການເມືອງ ແລະ ການປົກຄອງແຂວງໄຊຍະບູລີ ໂດຍ ການເປັນປະທານຂອງທ່ານ ສີສອນພັນ ບຸນສີ ຮອງເລຂາພັກແຂວງ, ຜູ້ຊີ້ນໍາວຽກງານການ ເມືອງ-ແນວຄິດ, ວຽກພັກພະນັກງານ, ອົງການຈັດຕັ້ງມະຫາຊົນ, ມີ ທ່ານ ຄໍາກອງ ທໍາມະເທວາ ກໍາມະການຄະນະພັກ, ຫົວໜ້າກົມອົບຮົມ, ຄະນະໂຄສະນາອົບຮົມສູນກາງພັກ ພ້ອມດ້ວຍຄະນະກຳມະການ ຕາແສງ ແລະ ນັກສໍາມະນາກອນ ຈາກຕາແສງທົ່ວແຂວງໄຊຍະບູລີ ເຂົ້າຮ່ວມ.
ການຝຶກອົບຮົມຄັ້ງນີ້, ເພື່ອເປັນ
ການຍົກລະດັບຄວາມຮັບຮູ້-ເຂົ້າໃຈ
ໃຫ້ພະນັກງານຂັ້ນຕາແສງ ຍົກ
ສູງຄວາມສາມາດນໍາພາ ແລະ ມີ
ຄວາມຮັບຜິດຊອບຕໍ່ໜ້າທີ່ການ
ເມືອງນຳພາ-ຊີ້ນໍາພະນັກງານຂັ້ນ
ຂອງຕົນໃຫ້ປະຕິບັດໜ້າທີ່ວຽກງານຕາມພາລະບົດບາດ, ສິດໜ້າທີ່
ຂອງແຕ່ລະໜ່ວຍງານຢ່າງມີປະສິດ
ທິພາບ. ສໍາລັບເອກະສານທີ່ນໍາມາ
ຝຶກອົບຮົມຄັ້ງນີ້ ປະກອບມີ: ຊາດ
ລາວ, ຄົນລາວ ແລະ ມູນເຊື້ອອັນ
ສະຫງ່າລາສີຂອງປະຊາຊົນລາວ;
ສ້າງຄວາມຮັບຮູ້, ເຂົ້າໃຈກ່ຽວກັບ
ການປົກຄອງຢູ່ ສປປ ລາວ ໃນ
ປັດຈຸບັນ; ວຽກງານສຶກສາອົບຮົມ
ການເມືອງ-ແນວຄິດໃນໄລຍະໃໝ່;
ເພີ່ມທະວີບົດບາດ, ຍົກສູງຄວາມ
ສາມາດນໍາພາ ແລະ ຄວາມເປັນ
ແບບຢ່າງນໍາໜ້າທີ່ເຂັ້ມແຂງຂອງ
ພັກ; ການພັດທະນາເສດຖະກິດຕິດ
ພັນກັບການພັດທະນາວັດທະນະ
ທໍາ-ສັງຄົມ ແລະ ສິ່ງແວດລ້ອມ;
ແນວທາງປ້ອງກັນຊາດ-ປ້ອງກັນ
ຄວາມສະຫງົບ ທົ່ວປວງຊົນຮອບ
ດ້ານ ແລະ ສ້າງຄວາມຮັບຮູ້, ເຂົ້າ
ໃຈກ່ຽວກັບຕາແສງ, ບ້ານ ແລະ ການຈັດຕັ້ງບ້ານ.
ໃນການຝຶກອົບຮົມ, ບັນດາສໍາ
ມະນາກອນໄດ້ພ້ອມກັນຄົ້ນຄວ້າ
ປະກອບຄໍາຄິດ, ຄໍາເຫັນແລກປ່ຽນ
ຢ່າງກົງໄປກົງມາເຮັດໃຫ້ບັນຫາ
ຕ່າງໆທີ່ຕັ້ງຂຶ້ນມີຄວາມກະຈ່າງ
ແຈ້ງ ແລະ ເພື່ອສ້າງຄວາມເຂົ້າໃຈ
ເປັນເອກະພາບໃນການຈັດຕັ້ງປະ
ຕິບັດ ພ້ອມທັງນໍາເອົາເນື້ອໃນດັ່ງ
ກ່າວ ໄປຜັນຂະຫຍາຍ ກໍຄື ສຶກສາ
ອົບຮົມໃຫ້ປະຊາຊົນບັນດາເຜົ່າ
ຮັບຮູ້ເຂົ້າໃຈຢ່າງເລິກເຊິ່ງ, ທົ່ວເຖິງ
ແລະ ເປັນເຈົ້າການປົກປັກຮັກສາ
ແລະ ສ້າງສາປະເທດຊາດ, ເສີມ
ຂະຫຍາຍມູນເຊື້ອອັນສະຫງ່າລາສີ
ຂອງປະຊາຊົນລາວບັນດາເຜົ່າ
ແລະ ຕື່ນຕົວຈັດຕັ້ງປະຕິບັດແນວ
ທາງແຜນນະໂຍບາຍຂອງພັກ ໃຫ້
ປະກົດຜົນເປັນຈິງ.
ຂ່າວ: ກົມອົບຮົມ
KPL
