ຂປລ
ໃນວັນທີ 18 ສິງຫາ 2026 ນ້ີ, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ໄດ້ພົບປະຢ້ຽມຢາມສະຖາບັນການເມືອງ ແລະ ການປົກຄອງແຫ່ງຊາດ (ສມປຊ).
ຂປລ. ໂດຍໄດ້ຮັບກຽດຕ້ອນຮັບຢ່າງອົບອຸ່ນຈາກສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ຫົວໜ້າ ສມປຊ ພ້ອມດ້ວຍຄະນະພັກ ແລະ ຄະນະນຳ ສມປຊ. ສະຫາຍ ອານຸພາບ ຕຸນາລົມ ໄດ້ສະແດງຄວາມຍິນດີຕ້ອນຮັບ ແລະ ລາຍງານໂດຍຫຍ້ໍກ່ຽວກັບສະພາບລວມ ແລະ ໝາກຜົນຂອງການຈັດຕັ້ງປະຕິບັດວຽກງານ ຂອງ ສມປຊ ໃນໄລຍະຜ່ານມາ. ການເຄື່ອນໄຫວຢ້ຽມຢາມຄັ້ງນີ້, ມີຄວາມໝາຍຄວາມສຳຄັນຢ່າງຍ່ິງ ທາງດ້ານຍຸດທະສາດການກໍ່ສ້າງ-ບໍາລຸງພະນັກງານ ຊຶ່ງເປັນກຳລັງແຮງຫລັກແຫລ່ງຂອງພັກ-ລັດ. ໂອກາດນີ້, ສະຫາຍ ທອງລຸນ ສີສຸລິດ ໂອ້ລົມ ແລະ ໃຫ້ທິດຊີ້ນຳການເຄື່ອນໄຫວວຽກງານຂອງສະຖາບັນການເມືອງ ແລະ ການປົກຄອງແຫ່ງຊາດ ຊຶ່ງເປັນການປຸກລະດົມນ້ຳໃຈປະຕິວັດ, ເພີ່ມທະວີຄວາມໜັກແໜ້ນທາງດ້ານທິດສະດີການເມືອງ ແລະ ແນວຄິດໃຫ້ແກ່ຖັນແຖວຄູ-ອາຈານ ແລະ ພະນັກງານການນຳ-ຄຸ້ມຄອງ ເພື່ອຮັບປະກັນໃຫ້ການປະຕິບັດໜ້າທ່ີການເມືອງສອດຄ່ອງກັບມະຕິຂອງພັກໃນໄລຍະໃໝ່.
ຂ່າວ-ພາບ ຕາອັອດ ແສນທະວີສຸກ
KPL
