ຂປລ
ອາທິດຜ່ານມາ, ທ່ານ ມິນ ອອງລາຍ ປະທານາ ທິບໍດີແຫ່ງ ສາທາລະນະລັດ ສະຫະພາບມຽນມາ ໄດ້ສົ່ງສານສະແດງຄວາມເສົ້າສະຫລົດໃຈເຖິງທ່ານ ທອງລຸນ ສີສຸລິດປະ ທານປະເທດສາທາລະນະລັດ ປະຊາທິປະໄຕ ປະຊາຊົນລາວ ແລະ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ຕ່ໍການຈາກໄປຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສປປ ລາວ.
ຂປລ. ເນ້ືອໃນສານໄດ້ລະບຸວ່າ: ຂ້າພະເຈ້ົາມີຄວາມໂສກເສ້ົາ ແລະ ເສຍໃຈຢ່າງສຸດຊ້ຶງທ່ີໄດ້ຮັບຊາບຂ່າວການເຖິງແກ່ມໍລະນະກຳຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ໃນນາມຂອງລັດຖະບານ ແລະປະຊາຊົນມຽນມາ ກໍຄື ໃນນາມສ່ວນຕົວ, ຂ້າພະເຈ້ົາຂໍສະແດງຄວາມເສຍໃຈ ແລະ ອາໄລຢ່າງສຸດຊ້ຶງມາຍັງທ່ານ, ລັດຖະບານ ແລະ ປະຊາຊົນແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຕະຫລອດເຖິງຄອບຄົວຂອງຜູ້ທີ່ໄດ້ລ່ວງລັບ. ທ່ານ ໄຊສົມພອນ ພົມວິຫານ ເປັນຜູ້ນຳທີ່ໄດ້ຮັບຄວາມນັບຖື, ໄດ້ອຸທິດຊີວິດຂອງຕົນໃຫ້ແກ່ປະເທດຊາດ. ໃນເວລາແຫ່ງຄວາມໂສກເສົ້ານີ້, ມຽນມາ ຂໍຢືນຄຽງຂ້າງປະຊາຊົນລາວ ແລະ ຮ່ວມແບ່ງເບົາຄວາມໂສກເສົ້າໃນຄັ້ງນີ້ດ້ວຍ.
ໃນວັນດຽວກັນ, ທ່ານ ຕິນ ມອງ ສະເວ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ສະຫະພາບມຽນມາ ກໍໄດ້ສົ່ງສານສະແດງຄວາມເສົ້າສະຫລົດໃຈເຖິງ ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ຕໍ່ການຈາກໄປຂອງທ່ານ ໄຊສົມພອນ ພົມວິຫານ, ປະທານສະພາແຫ່ງຊາດແຫ່ງ ສປປ ລາວ ເຊັ່ນດຽວກັນ.
KPL
