ຂປລ
ປະມວນ ກົດໝາຍ ວ່າດ້ວຍ ສິ່ງແວດລ້ອມ ທຳມະຊາດ ສປ ຈີນ ໄດ້ເລີ່ມບັງຄັບໃຊ້ ຢ່າງເປັນທາງການ ในວັນທີ 15 ສິງຫານີ້, ນີ້ແມ່ນກົດໝາຍ ສະບັບທີ 2 ຂອງ ສປ ຈີນ ທີ່ຕັ້ງຊື່ວ່າ ປະມວນກົດໝາຍ ຖັດຈາກ “ປະມວນກົດໝາຍແພ່ງ ສປ ຈີນ”, ທັງເປັນກົດໝາຍສະບັບທຳອິດຂອງໂລກ ທີ່ຕັ້ງຊື່ວ່າ “ປະມວນກົດໝາຍວ່າດ້ວຍ ສິ່ງແວດລ້ອມທຳມະຊາດ”.
ຂປລ.ວິທະຍຸ-ໂທລະພາບ ສູນກາງຈີນ, ປະມວນ ກົດໝາຍ ວ່າດ້ວຍ ສິ່ງແວດລ້ອມ ທຳມະຊາດ ສປ ຈີນ ໄດ້ເລີ່ມບັງຄັບໃຊ້ ຢ່າງເປັນທາງການ ในວັນທີ 15 ສິງຫານີ້, ນີ້ແມ່ນກົດໝາຍ ສະບັບທີ 2 ຂອງ ສປ ຈີນ ທີ່ຕັ້ງຊື່ວ່າ ປະມວນກົດໝາຍ ຖັດຈາກ “ປະມວນກົດໝາຍແພ່ງ ສປ ຈີນ”, ທັງເປັນກົດໝາຍສະບັບທຳອິດຂອງໂລກ ທີ່ຕັ້ງຊື່ວ່າ “ປະມວນກົດໝາຍວ່າດ້ວຍ ສິ່ງແວດລ້ອມທຳມະຊາດ”. ສຳລັບ ປະມວນກົດໝາຍສະບັບນີ້ ມີຕົວໜັງສື 160.000 ກວ່າຄຳ, ລວມມີ 1.242 ມາດຕາ, ແບ່ງອອກເປັນພາກຄຳແນະນຳໂດຍລວມ, ພາກການປ້ອງກັນ ແລະ ຄຸ້ມຄອງມົນລະພິດ, ພາກອະນຸລັກ ສິ່ງແວດລ້ອມ ທຳມະຊາດ, ພາກພັດທະນາ ແບບສີຂຽວ ແລະ ກາກບອນຕ່ຳ, ພາກຄວາມຮັບຜິດຊອບທາງດ້ານກົດໝາຍ ແລະ ລະບຽບການເພີ່ມຕື່ມ. ປະມວນກົດໝາຍສະບັບນີ້ ໄດ້ຮວບຮວມກົດໝາຍ ວ່າດ້ວຍ ສິ່ງແວດລ້ອມທຳມະຊາດ 30 ກວ່າສະບັບ, ກົດລະບຽບ ການບໍລິຫານ 100 ກວ່າສະບັບ, ນິຕິກຳທ້ອງຖິ່ນ 1.000 ກວ່າສະບັບ ແລະ ອື່ນໆ, ຫັນຈາກການປະຕິບັດກົດໝາຍ ຫລາຍສະບັບ ແບບກະແຈກກະຈາຍກັນ ໃນເມື່ອກ່ອນ ໃຫ້ມາເປັນເອກະພາບໃນ ປະມວນກົດໝາຍ ສະບັບດຽວ ເພື່ອເຮັດໃຫ້ການຄຸ້ມຄອງ ສິ່ງແວດລ້ອມ ທຳມະຊາດ ຫັນຈາກ ການສ້າງກົດໝາຍແບບກະແຈກກະຈາຍ ແລະ ແກ້ໄຂສຸກເສີນກ້າວໄປສູ່ຂັ້ນຕອນໃໝ່ ທີ່ຫັນເປັນລະບົບ ແລະ ຫັນເປັນທັນສະໄໝ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
