ຂປລ
ກະຊວງປ້ອງກັນ ຄວາມສະຫງົບຈີນ ແລະ ສຳນັກງານຕຳຫລວດແຫ່ງຊາດໄທ ໄດ້ປະສານງານກັນ ຢ່າງໃກ້ຊິດ ເພື່ອ ຮ່ວມກັນ ປາບປາມຄະດີ ສໍ້ໂກງບັດສິນເຊື່ອ ຫລື ບັດເຄຣດິດ ຂ້າມຊາດຄັ້ງໃຫຍ່ ທີ່ແນໃສ່ປະຊາຊົນຈີນ, ໄດ້ມ້າງແຫລ່ງລີ້ຊ່ອນ ຂອງອາຊະຍາກອນ ຫລາຍແຫ່ງ, ສາມາດຈັບຕົວ ຜູ້ຕ້ອງຫາຊາວໄທ 5 ຄົນ ແລະ ຊາວຈີນ 4 ຄົນ ເຊິ່ງເປັນການປະສົບຜົນສຳເລັດ ຢ່າງໃຫຍ່ຫລວງ.
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ກະຊວງປ້ອງກັນ ຄວາມສະຫງົບຈີນ ແລະ ສຳນັກງານ ຕຳຫລວດແຫ່ງຊາດໄທ ໄດ້ປະສານງານກັນ ຢ່າງໃກ້ຊິດ ເພື່ອຮ່ວມກັນ ປາບປາມຄະດີ ສໍ້ໂກງບັດສິນເຊື່ອ ຫລື ບັດເຄຣດິດ ຂ້າມຊາດຄັ້ງໃຫຍ່ ທີ່ແນໃສ່ປະຊາຊົນຈີນ, ໄດ້ມ້າງແຫລ່ງລີ້ຊ່ອນ ຂອງອາຊະຍາກອນຫລາຍແຫ່ງ, ສາມາດຈັບຕົວຜູ້ຕ້ອງຫາຊາວໄທ 5 ຄົນ ແລະ ຊາວຈີນ 4 ຄົນ ເຊິ່ງເປັນການປະສົບຜົນສຳເລັດ ຢ່າງໃຫຍ່ຫລວງ. ເຈົ້າໜ້າທີ່ ກະຊວງປ້ອງກັນ ຄວາມສະຫງົບຈີນ ກ່າວວ່າ: ການມ້າງຄະດີຄັ້ງນີ້ ແມ່ນເປັນການຮ່ວມກັນ ປະຕິບັດງານ ຄັ້ງທຳອິດ ລະຫວ່າງ ເຈົ້າໜ້າທີ່ຕຳຫລວດຈີນ ແລະ ໄທ ໃນຂົງເຂດ ຕ້ານອາຊະຍາກຳ ທາງດ້ານເສດຖະກິດ ເຊິ່ງສາມາດສະກັດກັ້ນ ການກະທຳຜິດ ທາງດ້ານເສດຖະກິດ ຂ້າມຊາດ ຢ່າງບັງເກີດຜົນ. ໃນອະນາຄົດ, ສອງຝ່າຍ ຈະຄົ້ນຄວ້າ ແລະ ສ້າງຕັ້ງກົນໄກ ປະສານງານ ປາບປາມ ອາຊະຍາກຳ ທາງດ້ານເສດຖະກິດ ຂ້າມຊາດ ຢ່າງເປັນປົກກະຕິ ແລະ ລົງເລິກ ການຮ່ວມມື ດ້ານການບັງຄັບ ໃຊ້ກົດໝາຍ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
